ព័ត៌មានជាតិ
រោងចក្រប្រព្រឹត្តិកម្មទឹកស្អាតពីរកន្លែង នៅខេត្តសៀមរាប និងខេត្តកំពង់ធំ ត្រូវបានបើកសម្ពោធជាផ្លូវការ
សៀមរាប ៖ រោងចក្រប្រព្រឹត្តិកម្មទឹកស្អាតថ្មី នៅខេត្តសៀមរាប និងរោងចក្រប្រព្រឹត្តិកម្មទឹកស្អាតស្ទឹងសែនទី២ ខេត្តកំពង់ធំ ត្រូវបានបើកសម្ពោធដាក់ឱ្យប្រើប្រាស់ជាផ្លូវការហើយ នៅថ្ងៃទី២២ ខែឧសភា ឆ្នាំ២០២៣នេះ ក្រោមអធិបតីភាពសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ តំណាងដ៏ខ្ពស់ខ្ពស់សម្ដេចតេជោ ហ៊ុន សែន នាយករដ្ឋមន្ដ្រី និងមន្ត្រីរាជការជុំវិញខេត្តជាច្រើននាក់បានចូលរួមផងដែរ។
នាឱកាសនោះ សម្តេចពិជ័យសេនា ទៀ បាញ់ បានបង្ហាញថា សំណង់ដ៏ថ្មីសន្លាង និងហេដ្ឋារចនាសម្ព័ន្ធថ្មីនៃរោងចក្រប្រព្រឹត្តទឹកស្អាតទាំង២កន្លែង គឺនៅសង្កាត់ជ្រាវ ក្រុងសៀមរាប ខេត្តសៀមរាប និងនៅក្រុងស្ទឹងសែន ខេត្តកំពង់ធំ ដែលត្រូវបានដាក់ឱ្យដំណើរការ ជាផ្លូវការនាថ្ងៃនេះ សម្ដេចបានចាត់ទុកថា ជាសមិទ្ធផលដ៏សំខាន់មួយក្នុងវិស័យទឹកស្អាត ដែលកើតមានឡើងក្នុងអាណត្តិទី៦ របស់រាជរដ្ឋាភិបាល ជាពិសេសខេត្តសៀមរាប ខណៈដែលខេត្ដនេះ មិនដែលមានរោងចក្រផលិតទឹកស្អាតខ្នាតធំ អាចផលិតបានដល់៦ម៉ឺនម៉ែត្រគូប/ក្នុងមួយថ្ងៃដូចនេះឡើយ។
សម្ដេចពិជ័យ បានបន្ដថា រោងចក្រទឹកស្អាតថ្មីនេះ ជាសមិទ្ធផលប្រវត្តិសាស្ត្រដំបូងរបស់ខេត្តសៀមរាបក្នុង វិស័យទឹកស្អាត និងជាកត្តាចាំបាច់សម្រាប់ជំរុញការអភិវឌ្ឍខេត្តឲ្យកាន់តែល្អប្រសើរថែមទៀត។ បើសិនជាទីក្រុង ទីប្រជុំជនគ្មានទឹកស្អាត គឺវាពិបាកនឹងមានការអភិវឌ្ឍន៍ណាស់ ដូច្នេះរោងចក្រប្រព្រឹត្តិកម្មទឹកស្អាតថ្មី ទាំងនៅសៀមរាប និងនៅកំពង់ធំ វាពិតជាបានដោះស្រាយបញ្ហាច្រើនណាស់ សម្រាប់សុខុមាលភាព និងជីវភាពរស់នៅរបស់ប្រជាជន, សម្រាប់ការកសាងហេដ្ឋារចនាសម្ព័ន្ធរូបវន្ត, សម្រាប់កិច្ចការសង្គម និងធុរកិច្ចគ្រប់បែបយ៉ាង ដើម្បីឆ្លើយតបចំទិសដៅ ដែលរាជរដ្ឋាភិបាល និងប្រជាជនចង់បាននោះ។
ទើបរដ្ឋាករទឹកស្វយ័តសៀមរាបទទួលបានរោងចក្រប្រព្រឹត្តិកម្ម ទឹកស្អាតថ្មីធំបែបនេះ ក៏បានផ្តល់លទ្ធភាពឱ្យអង្គភាពរដ្ឋមួយនេះ អាចផ្ដល់ការផ្គត់ផ្គង់ទឹកស្អាតដល់តំបន់ដែលនៅឆ្ងាយពីក្រុងសៀមរាបថែមទៀត ដែលនៅទីនោះមិនដែលស្គាល់ទឹកស្អាតនោះទេ។
ជាក់ស្តែង ដូចនៅ «តំបន់អភិវឌ្ឍន៍រុនតាឯក» ស្ថិតក្នុងស្រុកបន្ទាយស្រី និង «តំបន់អភិវឌ្ឍន៍ ពាក់ស្នែង» ក្នុងស្រុកអង្គរធំ គឺក្រៅពីការសាងសង់ហេដ្ឋារចនាសម្ព័ន្ធរូបវន្តនានា ដូចជាផ្លូវថ្នល់ សាលារៀន វត្តអារាម ផ្សារ មណ្ឌលសុខភាព ប្រព័ន្ធអគ្គិសនី ប្រព័ន្ធទូរស័ព្ទជាដើម រាជរដ្ឋាភិបាលកម្ពុជាក៏បានផ្ដល់ថវិកាចំនួន ៩លានដុល្លារ សម្រាប់ការរៀបចំប្រព័ន្ធផ្គត់ផ្គង់ទឹកស្អាតជូនប្រជាពលរដ្ឋក្នុងតំបន់អភិវឌ្ឍន៍ទាំង២នេះ។
សម្តេច បានបញ្ជាក់ថា កន្លងទៅថ្មីៗនេះ រាជរដ្ឋាភិបាល ក៏បានសម្រេចផ្ដល់ថវិកាចំនួន១,៥លានដុល្លារបន្ថែមទៀត សម្រាប់ជួយឧបត្ថម្ភលើការភ្ជាប់បណ្តាញ និងដំឡើងនាឡិកាទឹកចូលតាមផ្ទះប្រជាពលរដ្ឋនៅតំបន់ទាំងនោះផងដែរ។ ការចំណាយថវិកាដ៏ច្រើនសន្ធឹកសន្ធាប់នេះ បានបង្ហាញពីការយកចិត្តទុកដាក់គិតគូរខ្ពស់ពីសំណាក់សម្ដេចតេជោ ជាប្រមុខរាជរដ្ឋាភិបាលកម្ពុជា ក្នុងការលើកកម្ពស់សុខុមាលភាពរបស់ប្រជាជន ហើយក៏ជាការលើកទឹកចិត្តចំពោះប្រជាជន ដែលតាមការគ្រោងមានចំនួនប្រមាណ ១៤០០០គ្រួសារ ដែលស្ម័គ្រចិត្តចាកចេញពីតំបន់រមណីយដ្ឋានអង្គរ ដើម្បីទទួលបានទឹកស្អាតពីរដ្ឋាករទឹកស្វយ័តសៀមរាប សម្រាប់បំពេញតម្រូវការប្រើប្រាស់ប្រចាំថ្ងៃរបស់ខ្លួន នឹងប្រជាជនដែលរស់នៅក្នុងក្រុងសៀមរាបផងដែរ។
លោក ចម ប្រសិទ្ធិ ទេសរដ្ឋមន្ដ្រីរដ្ឋមន្ដ្រីក្រសួងឧស្សាហកម្មវិទ្យាសាស្ដ្រ បច្ចេកទេស និងនវានុវត្ដន៍ មានប្រសាសន៍ថា វិស័យទឹកស្អាតត្រូវបានពង្រឹងការគ្រប់គ្រង និងមានការអភិវឌ្ឍជាលំដាប់ ដើម្បីឆ្លើយតបទៅនឹងតម្រូវការប្រើប្រាស់ក្នុងជីវភាពរស់នៅ របស់ប្រជាពលរដ្ឋ និងការកសាងហេដ្ឋារចនាសម្ព័ន្ធ, ការពង្រីកមូលដ្ឋានអាជីវកម្មគ្រប់ប្រភេទ និងគ្រប់វិស័យ ដែលកំពុងមានកំណើនស្ទុះទៅមុខឥតឈប់ឈរនៅគ្រប់ទីកន្លែង។
លោកបន្ដថា នៅក្នុងអាណត្តិទី៦នេះ, រាជរដ្ឋាភិបាលកម្ពុជាបានកំណត់គោលនយោបាយលើវិស័យទឹកស្អាតគឺ ពង្រីកវិសាលភាពនៃការផ្គត់ផ្គង់ទឹកស្អាតនៅទីក្រុងទីប្រជុំជនឱ្យបាន៩០% ដល់ឆ្នាំ២០២៣ និង១០០% ត្រឹមឆ្នាំ២០២៥។ តាមរយៈការអភិវឌ្ឍប្រព័ន្ធផ្គត់ផ្គង់ទឹកស្អាត ទាំងផ្នែកសាធារណៈ និងផ្នែកឯកជន ដោយឈរលើលក្ខខណ្ឌ បួនយ៉ាងគឺ «ទឹកត្រូវមានគុណភាព សុវត្ថិភាព និរន្តរភាព និងថ្លៃសមរម្យ»។
តាមរយៈគោលនយោបាយរាជរដ្ឋាភិបាលកម្ពុជា ហើយបានខិតខំជំរុញឱ្យមានការវិនិយោគក្នុងទឹកប្រាក់ជាច្រើនរយលានដុល្លារ សម្រាប់ការសាងសង់ប្រព័ន្ធផ្គត់ផ្គង់ទឹកស្អាតជាបន្តបន្ទាប់ នៅតាមបណ្តាទីរួមខេត្ត និងទីប្រជុំជនផ្សេងទៀត នៅទូទាំងប្រទេស តាមរយៈហិរញ្ញប្បទានពីដៃគូអភិវឌ្ឍន៍, ពីថវិកាជាតិ និងពីការចូលរួមរបស់វិស័យឯកជន, ធ្វើឱ្យវិស័យទឹកស្អាតមានការអភិវឌ្ឍយ៉ាងធំធេង ចាប់តាំងពីស្ទើរតែគ្មានអ្វីសោះ មកជាការផ្គត់ផ្គង់មួយដល់ចំនួន រយលានម៉ែត្រគូប និងគ្របដណ្តប់នៅគ្រប់ទីប្រជុំជនជិតឆ្ងាយ។
លោកបន្ថែមថា ជាក់ស្ដែង ការផ្គត់ផ្គង់ទឹកស្អាតទូទាំងប្រទេស បានកើនឡើងគួរឱ្យកត់សម្គាល់ ដែលគិតត្រឹមឆ្នាំ ២០២២ ចំនួនគ្រួសារទទួលបានទឹកស្អាតប្រើប្រាស់មានប្រមាណ ១,២លានគ្រួសារ គឺកើនឡើង ៥៣,៨% ធៀបនឹងឆ្នាំ២០១៨ ដែលមានប្រមាណតែ ៧៨ម៉ឺនគ្រួសារ ជាមួយបរិមាណទឹកស្អាតកើនដល់ជិត ៤០០ លានម៉ែត្រគូប ដែលកាលពីឆ្នាំ២០១៨ មានប្រមាណតែ ៣០៩លានម៉ែត្រគូប៕
ដោយ ៖ គឿនវេត
កងកម្លាំងមិនស្គាល់មុខ មីយ៉ាន់ម៉ា ផ្ទុះការប្រយុទ្ធគ្នា និងបោកគ្រាប់បែកជិតព្រំដែន ថៃ
គ.ជ.ប ប្រាប់អាជ្ញាធរឱ្យអព្យាក្រឹត្យឥតលម្អៀងសម្រាប់យុទ្ធនាការហែក្បួនឃោសនាបោះឆ្នោតក្រុមប្រឹក្សារាជធានីខេត្ត
លោក Modi ចង់ឲ្យឥណ្ឌាក្លាយជារដ្ឋធានីនៃអាស៊ីអាគ្នេយ៍
កម្ពុជារក្សាចំណូលបានជាង៨៦៣លានដុល្លារពីការនាំចេញអង្ករនិងស្រូវក្នុងរយៈពេល៤ខែ
ឧបនាយករដ្ឋមន្ត្រីប្រចាំការ វង្សី វិស្សុត៖ កម្ពុជានៅតែប្រកាន់ខ្ជាប់គោលនយោបាយបើកចំហរ និងពហុភាគីនិយម
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ
អាជ្ញាធរជាតិអប្សរា ចុះស្រាវជ្រាវ ព្រែកស្រមោច ព្រែកជីកបុរាណ ប្រវែង ២៣ គីឡូម៉ែត្រ
គ្រឹះស្ថានធនាគាររួមចំណែកជាង ៣៤០ លានដុល្លារទិញប័ណ្ណបំណុល គម្រោងព្រលានយន្តហោះតេជោតាខ្មៅ
-
សេដ្ឋកិច្ច៥ ថ្ងៃ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ agoសារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ agoស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ agoភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល