ម្ចាស់អាងចិញ្ចឹមក្រពើវ័យ៧២ឆ្នាំម្នាក់ត្រូវក្រពើរបស់ខ្លួនចាប់ខាំស្លាប់ភ្លាមៗក្នុងអាងចិញ្ចឹម

មានការភ្ញាក់ផ្អើលមួយបានកើតឡើងទាំងព្រឹកដោយប្រពន្ធចេញមកក្រៅហើយដើរទៅក្រោយ​កន្លែងអាងចិញ្ចឹមក្រពើ ក៏ឃើញប្តីរបស់គាត់បានស្លាប់នៅក្នុងអាងចិញ្ចឹមក្រពើ។

ហេតុការនេះបានកើតឡើងនៅម៉ោង៥និង៤០នាទីព្រឹកក្នុងថ្ងៃទី២៦ ខែឧសភា ឆ្នាំ២០២៣ ស្ថិតនៅភូមិពោធិ៍បន្ទាយជ័យ សង្កាត់ សៀមរាប ក្រុងសៀមរាប។

មេប៉ុស្តិ៍សង្កាត់សៀមរាប បានប្រាប់កម្ពុជាថ្មី តាមទូរស័ព្ទថា ជនរងគ្រោះដែលស្លាប់ដោយសារដើរហាត់ប្រាណពេលព្រឹកនៅជុំវិញអាងចិញ្ចឹមក្រពើ ហើយរអិលជើងធ្លាក់ចូលបណ្តាលឲ្យក្រពើខាំស្លាប់នោះមានឈ្មោះ លួន ណាំ ភេទប្រុស អាយុ៧២ឆ្នាំ រស់នៅភូមិ ពោធិ៍បន្ទាយជ័យ សង្កាត់សៀមរាប មុខរបរគណកម្មាការវត្ត ពោធិ៍បន្ទាយជ័យ
បច្ចុប្បន្នសពបានប្រគល់ឲ្យក្រុមគ្រួសារ ធ្វើបុណ្យតាមប្រពៃណីខ្មែរ៕

អត្ថបទ៖ គឿនវេត