ព័ត៌មានជាតិ
ប្រទះឃើញក្រឡជាច្រើនក្នុងបាតសមុទ្រមានអាយុកាលរាប់រយឆ្នាំ
សមុច្ច័យកុលាលភាជន៍ដែល កងកម្លាំងនៃទីបញ្ជាការជួរមុខអគ្គលេខាធិការដ្ឋាននៃគណៈកម្មការជាតិសន្តិសុខលម្ហសមុទ្រ ដែលទើបរកឃើញ ហើយស្រង់យកពីសំពៅជំនួញ លិចក្នុងភូមិសាស្ត្រចន្លោះកោះតាគៀវ និងកោះឫស្សី នាពេលថ្មីៗនេះ បើតាមការសិក្សាប្រៀបធៀបគេអាចសន្មតថា សំពៅដឹកទំនិញជំនួញនេះ ប្រហែលស្ថិតនៅចន្លោះ ស.វ.១៥ ស.វ.១៧ នៃគ.ស. ឬអាចនិយាយបានថា ស្ថិតនៅរវាង ៣០០ឆ្នាំ ទៅ ៥០០ឆ្នាំ មុនពេលបច្ចុប្បន្ន។
នៅថ្ងៃទី១ ខែមិថុនា ឆ្នាំ២០២៣ ម្សិលមិញនេះ លោក អ៊ុក សុខា អគ្គនាយ នៃអគ្គនាយកដ្ឋានបេតិកភណ្ឌ ក្រសួង វប្បធម៌ និងវិចិត្រសិល្បៈ បានដឹកនាំក្រុមការងារនៃ អគ្គនាយកបេតិកភណ្ឌ សហការជាមួយ លោកឧត្តមនាវាទោ លី ហួត មេបញ្ជាការសន្តិសុខលម្ហសមុទ្រ មន្ត្រីជាន់ខ្ពស់នៃទីបញ្ជាការជួរមុខអគ្គលេខាធិការដ្ឋាន នៃគណៈកម្មការ ជាតិសន្តិសុខលំហសមុទ្រ ចុះពិនិត្យ និងវាយតម្លៃពីសមុច្ច័យកុលាលភាជន៍ ជាច្រើនប្រភេទ ដូចជាពាងត្រចៀកបួន, ក្រឡត្រចៀកបួន, ខួច, ក្អម, ចាន, ឆ្នាំង, ជើងក្រាន រួមទាំងវត្ថុផ្សេងៗជាច្រើនទៀត។
ហើយបច្ចុប្បន្ននេះ ត្រូវបានកងកម្លាំងនៃទីបញ្ជាការជួរមុខអគ្គលេខាធិការដ្ឋាន ដែលបានរកឃើញ និងយកមករក្សាទុកនៅទីបញ្ជាការជួរមុខអគ្គលេខាធិការដ្ឋាននៃគណៈកម្មការជាតិសន្តិសុខលម្ហសមុទ្រ នៅសាលាហ្វឹកហ្វឺនកងទ័ពជើងទឹកក្នុងខេត្តព្រះសីហនុ។
យ៉ាងណាមិញ ក្នុងនោះកុលាលភាជន៍ភាគច្រើន ត្រូវបានសន្និដ្ឋានថា ពួកវាត្រូវបានដុតក្នុងកម្ដៅខ្ពស់ និងមានផ្ទៃរលោង ផលិតនៅក្នុងតំបន់ ដូចជា ឡមេណាំណយ និងឡស្រីសជនាល័យ ក្នុងខេត្តសិង្ហបុរី និងសុខោទ័យ ក្នុងប្រទេសថៃសព្វថ្ងៃនេះ ។ដោយឡែកចំពោះ ភាជន៍ផលិតបែបប្រពៃណី គេបានឱ្យដឹងថា គឺផលិតនៅតាមភូមិក្បែរក្រុងអយុធ្យា។
ស្របពេលជាមួយគ្នានោះ លោក អ៊ុក សុខា បានស្នើសុំ លោក ឧត្តមនាវាទោ លី ហួត ជួយសហការការការពារតំបន់សំពៅលិចដោយបោះ ផ្ទាំងសញ្ញាសម្គាល់តំបន់អភិរក្សបេតិកភណ្ឌក្រោមទឹកក្នុងភូមិសាស្ត្រសំពៅលិច និងបានសុំប្រគល់វត្ថុដែលបានរកឃើញជូនក្រសួង វប្បធម៌ និងវិចិត្រសិល្បៈរក្សាទុកជាសម្បត្តិ ជាតិ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង