ព័ត៌មានជាតិ
អភិបាលរងក្រុងកំពត ៖ អាជ្ញាធរមូលដ្ឋាន ភូមិ ឃុំ សង្កាត់ ស្រុក ត្រូវបង្កើតចលនាគ្រប់គ្រងបរិស្ថាន នៅតំបន់គោលដៅរបស់ខ្លួនឲ្យបានម៉ត់ចត់
កំពត ៖ ថែ្លងនាព្រឹកថ្ងៃទី៥ ខែមិថុនាឆ្នាំ២០២៣នេះ លោក នៃ គង់ អភិបាលរងខេត្តកំពតបានមានប្រសាសន៍លើកឡើងថា អាជ្ញាធរមូលដ្ឋាន ភូមិ ឃុំ សង្កាត់ ស្រុក ត្រូវបង្កើតចលនាគ្រប់គ្រងបរិស្ថាន នៅតំបន់គោលដៅរបស់ខ្លួនឲ្យបានម៉ត់ចត់ និងគោរពទៅតាមតួនាទី ដែលរាជរដ្ឋាភិបាលបានដាក់ជូន។
លោកបានមានប្រសាសន៍លើកឡើងទៀតថា ដោយមានការចូលរួមពីរដ្ឋបាលខេត្ត ក្រុង ស្រុក ជាមួយនឹងមន្ទីរអង្គភាពជុំវិញខេត្តនៅក្នុងសកម្មភាពចូលរួមការពារអនាម័យនិង បរិស្ថាន ដែលបានធ្វើឲ្យទីក្រុងកំពតបានជាប់ជាទីក្រុងស្អាតរំដួលបីទងជាប់ៗគ្នារយៈពេល៩ឆ្នាំកន្លងមកនេះ បានជាទីក្រុងទេសចរណ៍ស្អាតអាស៊ាន។
លោក នៃ គង់ អភិបាលរងខេត្តបានបន្តទៀតថា ខេត្តកំពតដែលមានតំបន់ទេសចរណ៍ស្អាតហើយទាក់ទាញ ៣៤ កន្លែងដែលមានភ្ញៀវទេសចរចូលមកលេងកម្សាន្តច្រើនក្នុង១សប្តាហ៍ នៅចន្លោះ២៥០០០នាក់ទៅ៣៥០០០នាក់និងធ្វើសំរាមកើនឡើងក្នុងមួយថ្ងៃធ្វើឱ្យក្រុងកំពតមានសំរាមនិងប្រមូលសំរាមបានចន្លោះ១០០តោនទៅ១៤០តោន។
បើយោងតាម មន្ត្រីជំនាញបានលើកឡើងថា ប្រព័ន្ធអេកូឡូស៊ីមានសារៈសំខាន់ណាស់សម្រាប់ទ្រទ្រង់ជីវិតមនុស្ស សត្វ ហើយដោយសារកំណើនមនុស្ស កំណើនការប្រើសប្រាស់ធនធានធម្មជាតិ បានធ្វើឲ្យប៉ះពាល់យ៉ាងខ្លាំងដល់ប្រព័ន្ធអេកូឡូស៊ី។
មន្ត្រីជំនាញ និងអាជ្ញាធរស្នើឲ្យគ្រប់ភាគីពាក់ព័ន្ធរួមគ្នាថែរក្សា និងស្តារធនធានធម្មជាតិ សម្អាតបរិស្ថានអនាម័យ ដើម្បីលើកកម្ពស់ប្រព័ន្ធអេកូឡូស៊ីឲ្យល្អប្រសើរឡើងវិញ។
លោក អេង ប៉ូឡូ ប្រធានមន្ទីរបរិស្ថានខេត្តកំពត បានបញ្ជាក់ឱ្យដឹងថា ខ្យល់ដែលយើងអាចដកបានដោយសារតែការរក្សាបាននូវប្រព័ន្ធអេកូឡូស៊ី ធ្វើធនធានព្រៃឈើមានសំណើមជានិច្ច ធ្វើខ្យល់បរិសុទ្ធ ទប់ស្កាត់ការហូរច្រោះដី ទប់ស្កាត់ការប្រែប្រួលអាកាសធាតុ ទប់ស្កាត់ការបំភាយ ឧស្ម័នផ្ទះកញ្ចក់ រក្សាបាននូវលំនឹងបរិស្ថាន ប៉ុន្តែដោយសារកំណើនប្រជាពលរដ្ឋរាល់ឆ្នាំៗ តម្រូវការដីសម្រាប់ធ្វើកសិកម្ម និង សង់លំនៅឋាន ការអភិវឌ្ឍន៍សេដ្ឋកិច្ចលឿនពេក និងការបោះចោលសំណល់ប្លាស្ទិកពាសវាលពាសកាលទើបតម្រូវឱ្យមាន ការស្ដារឡើងវិញប្រព័ន្ធអេកូឡូស៊ី ឡើងវិញ។
លោក អេង ប៉ូឡូ ប្រធានមន្ទីរបរិស្ថានខេត្ត បានលើកឡើងនៅក្នុងទិវាបរិស្ថានជាតិ និងបរិស្ថានពិភពលោក ៥មិថុនា នៅបរិវេណរូបសំណាកព្រះអង្គឌួងក្រុងកំពត នៅព្រឹកថ្ងៃទី៥ ខែមិថុនា ឆ្នាំ២០២៣ ក្រោមប្រធានបទ “ការស្តារឡើងវិញប្រព័ន្ធអេកូឡូស៊ី”។
លោកបានស្នើសូមដល់ប្រជាពលរដ្ឋ និងគ្រប់ភាគីពាក់ព័ន្ធទាំងអស់គ្នា ត្រូវបន្តចូលរួមឲ្យបានសកម្មថែមទៀត លើកការងាររៀបគ្រប់គ្រង និងទុកដាក់ កាកសំណល់រឹងរាវឱ្យបានត្រឹមត្រូវនៅតាមគេហដ្ឋាន ក៏ដូចជាតាមទីធ្លាសាធារណៈ និងទីប្រជុំជនផ្សេង ហើយលោកក៏បានណែនាំដល់អាជ្ញាធរមូលដ្ឋាន ភូមិ ឃុំ សង្កាត់ ស្រុក ក្រុងទាំងអស់ ត្រូវបង្កើតចលនាគ្រប់គ្រងបរិស្ថាន នៅតំបន់គោលដៅរបស់ខ្លួនឲ្យបានម៉ត់ចត់ និងគោរពទៅតាមតួនាទី ដែលរាជរដ្ឋាភិបាលបានដាក់ជូន៕
ដោយ ៖ សឹង រ៉ាត់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត