តើពន្ធអាចមានឥទ្ធិពលលើសេដ្ឋកិច្ចដូចម្ដេច?

ពន្ធអាចមានឥទ្ធិពលទៅលើសេដ្ឋកិច្ចក្នុងរយៈពេលខ្លី និងរយៈពេលវែង។ សម្រាប់រយៈពេលខ្លី ពន្ធនឹងធ្វើឱ្យមាន​ការប្រែប្រួលនៃសេចក្តីត្រូវការ។ ការកាត់បន្ថយពន្ធនឹងរុញសេចក្តីត្រូវការឱ្យកើនឡើង ដោយសារតែការ កើនឡើងនៃ​ចំណូលដែលអាចប្រើប្រាស់បាន (ចំណូលក្រោយកាត់ពន្ធ)។

យោងតាមខ្លឹមសារសៀវភៅសេដ្ឋកិច្ចថ្ងៃនេះ បានលើកជាឧទាហរណ៍ថា ប្រសិនបើអាជីវកម្មអ្នកមានចំណូល២ ០០០$ តែបង់ពន្ធ១០% នោះអ្នកនៅសល់ចំណូលដែលអាចប្រើបាន ១ ៨០០$ ប៉ុន្តែពេលនេះ រដ្ឋកាត់បន្ថយពន្ធមកត្រឹមតែ៥% នោះអ្នក នៅសល់១ ៩០០$។ ដោយសារតែសហគ្រាសមានចំណូលច្រើន នោះសហគ្រាសនឹងបង្កើនការផលិត និងរើសបុគ្គលិកថែមឬបង្កើត ការវិនិយោគថ្មីៗ ដែលវានឹងជួយជំរុញកំណើនសេដ្ឋកិច្ច។ ឥទ្ធិពលនៃភាពត្រូវការនេះ វាជួយឱ្យសេដ្ឋកិច្ចមានការរីកចម្រើន នៅពេលដែលសេដ្ឋកិច្ចនោះកំពុងតែចុះខ្សោយ ប៉ុន្ដែវានឹងកាត់បន្ថយផលវិជ្ជមាន​នៅពេល​ដែលដំណើរការដល់ចំណុច អតិបរមា(ផលិតភាពអាចដល់ចំណុចអតិបរមា)ណាមួយឬអាច​នឹងមានបញ្ហាឱន​ភាពថវិការដ្ឋ(ចំណាយច្រើនជាងចំណូល)។

សម្រាប់ក្នុងរយៈពេលវែង ពន្ធនឹងជះឥទ្ធិពលលើសេដ្ឋកិច្ចតាមរយៈការផ្គត់ផ្គង់វិញម្ដង។ ប្រសិនបើអត្រាពន្ធ (Marginal tax rates) ) មានការកើនឡើងខ្ពស់ វានឹងកាត់បន្ថយកំណើនការងារ ការសន្សំ ការវិនិយោគ រួមទាំង ការច្នៃប្រតិដ្ឋថ្មី​ថែម​ទៀតផង។ ឧទាហរណ៍៖ រដ្ឋនឹងកាត់បន្ថយពន្ធ លើប្រាក់ចំណូលរបស់បុគ្គលិក កម្មករ នោះអ្វីដែលពួកគេទទួលបាន គឺចំណូលដែលអាចប្រើប្រាស់បានរបស់ពួកគេនឹងកើនឡើង ដែលជាហេតុធ្វើឱ្យពួកគេមិនចង់ធ្វើការច្រើនដូចមុន ពួកគេសម្រាកច្រើនជាងមុន ហើយមានពេលខ្លះ ពួកគេបង្កើនកម្ចីរបស់ខ្លួនឯងទៀតផង ដែលនេះជាហានិភ័យ​ហិរញ្ញវត្ថុមួយនៅពេលអនាគត។ ការដាក់ពន្ធលើផ្នែកណាមួយជាពិសេសវាអាចនឹងជះឥទ្ធិពលលើការបែងចែក និងប្រើប្រាស់ធនធានសេដ្ឋកិច្ចនោះ។

ផ្ទុយទៅវិញ ការកាត់បន្ថយពន្ធ ថ្វីដ្បិតតែវាជួយបង្កើនការងារចំពោះមុខ ក៏ប៉ុន្តែវានឹងធ្វើឱ្យល្បឿនសេដ្ឋកិច្ចមានការធ្លាក់​ចុះនៅក្នុងរយៈពេលវែង ដោយសារតែបញ្ហាឱនភាពថវិការរបស់រដ្ឋ។

ជារួម​ បញ្ហារយៈពេលវែងអាចកើតឡើងដោយសារត Tax Incentives នឹងធ្វើឱ្យមនុស្សមិនសូវធ្វើការដូចមុន បង្កើនចំណាយ បង្កើនកម្ចី ហើយនឹងបញ្ហាឱនភាពថវិការដ្ឋ៕