សកម្មជនបក្សភ្លើងទៀន សម្រេចដកស្លាក​ចេញពីមុខផ្ទះ និងចូលរួមជីវភាពនយោបាយ​ជាមួយគណបក្សប្រជាជនកម្ពុជា

កំពង់ចាម៖  សកម្មជនគណបក្សភ្លើទៀន ចំនួន៦នាក់  រស់នៅក្នុងឃុំជ្រៃវៀន ស្រុកព្រៃឈរ ខេត្តកំពង់ចាម បាននាំគ្នាសម្រេចដកស្លាកមុខផ្ទះចោល  ខណៈពួកគេអស់ជំនឿជឿ់លើការដឹកនាំមេបក្សភ្លើទៀនតទៅទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀលថ្ងៃទី១៧ ខែមិថុនា ឆ្នាំ២០២៣ អតីតសកម្មជនបក្សភ្លើងទៀន លោក ឆឹង សារ៉ាត  អាយុ៤៩ ឆ្នាំ មានប្រពន្ធឈ្មោះ បូ សារឹម អាយុ៤៤ឆ្នាំ និងសមាជិកចំនួន៤ នាក់ ទៀត រួមមាន៖ លោក  ឆុង  ភារម្យ  អាយុ១៨ឆ្នាំ , លោកស្រី  លួន  ចាន់ធួក  អាយុ៥០ឆ្នាំ , កញ្ញា  ឈិន  ចាន់មាលា  អាយុ១៨ឆ្នាំ  នឹងលោក  ឈឹង  សារ៉ា  អាយុ៣៥ឆ្នាំ  ដែលមានទីលំនៅរស់នៅក្នុងភូមិត្រពាំងសង្កែ  ឃុំជ្រៃវៀន  ស្រុកព្រៃឈរ  ខេត្តកំពង់ចាម  បានសម្រេចចិត្តលាលែងពីសកម្មជនបក្សភ្លើងទៀន  និងដកស្លាកគណបក្សនៅពីមុខផ្ទះចោល។

អតីតសកម្មជនបក្សភ្លើងទៀន  លោក  ឆឹង  សារ៉ាត  បញ្ជាក់ថា  មេដឹកនាំគណបក្សភ្លើងទៀនគ្មានទំនួលខុសត្រូវ  និងយកចិត្តទុកដាក់ចំពោះសមាជិកខ្លួនឡើយ  មានតែរត់ចោលពួកគេ  ដូច្នោះពួកគាត់សូមលាលែងពីសកម្មជនបក្សនេះហើយ  ដោយសូមចូលរួមជីវភាពនយោបាយជាមួយគណបក្សប្រជាជនកម្ពុជា៕

អត្ថបទ និងរូបភាព ៖  ឡេក  ចាន់ពេជ្រ