ព័ត៌មានជាតិ

ឯកឧត្ដម ឌី វិជ្ជា ជួបពិភាក្សាការងារជាមួយអគ្គស្នងការរងនគរបាលជាតិជប៉ុន

បានផុស

៣ years មុន

នៅ

ថ្ងៃចន្ទ ១៩ មិថុនា ២០២៣

ដោយ

ឯកឧត្ដម ឌី វិជ្ជា អគ្គស្នងការរងនគរបាលជាតិ បានជួបពិភាក្សាការងារជាមួយលោក TSUTSUI HIROKI អគ្គស្នងការរងនគរបាលជាតិជប៉ុន អំពីការជំរុញកិច្ចសហប្រតិបត្តិការរវាងនគរបាលទាំងពីរ ជាពិសេសតាមរយៈការរៀបចំឲ្យមានអនុស្សរណៈ នៃកិច្ចសហប្រតិបត្តិការគ្នា ដើម្បីរួមគ្នាទប់ស្កាត់ និងប្រយុទ្ធប្រឆាំងឧក្រិដ្ឋកម្មឆ្លងដែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ១៩ ខែមិថុនា ឆ្នាំ ២០២៣ នេះ ឯកឧត្ដម ឧត្ដមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្ដាលសន្តិសុខ តំណាងដ៏ខ្ពង់ខ្ពស់ ឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានអញ្ជើញជួបពិភាក្សាការងារជាមួយលោក TSUTSUI HIROKI អគ្គស្នងការរងនគរបាលជាតិជប៉ុន និងជាប្រធាននាយកដ្ឋានកិច្ចការអន្តរជាតិ នៅអគ្គស្នងការដ្ឋាននគរបាលជាតិ។

ជំនួបខាងលើនេះ ភាគីទាំងពីរ បានពិភាក្សាគ្នាអំពីការជំរុញកិច្ចសហប្រតិបត្តិការរវាងនគរបាលទាំងពីរ ជាពិសេសតាមរយៈការរៀបចំឲ្យមានអនុស្សរណៈ នៃកិច្ចសហប្រតិបត្តិការគ្នា ដើម្បីរួមគ្នាទប់ស្កាត់ និងប្រយុទ្ធប្រឆាំងឧក្រិដ្ឋកម្មឆ្លងដែន ក៏ដូចជាការកសាងសមត្ថភាពកងកម្លាំងនគរបាលផងដែរ៕