ព័ត៌មានជាតិ
ពលរដ្ឋនៅតំបន់ជនបទ៦០០នាក់ ក្នុងខេត្តកំពង់ស្ពឺ ទទួលបានការពិនិត្យព្យាបាលជំងឺដោយឥតគិតថ្លៃ
អង្គការសេនចនប្រចាំកម្ពុជាបានដឹកនាំក្រុមគ្រូពេទ្យស្ម័គ្រចិត្តចុះពិនិត្យ និងព្យាបាលជំងឺភ្នែក ធ្មេញ និងសង្គ្រោះបឋម
ជូនកុមារ និងមនុស្សពេញវ័យប្រមាណ៦០០នាក់នៅតាមតំបន់ជនបទដើម្បីចូលរួមលើកកកម្ពស់សុខភាពប្រជាពលរដ្ឋឱ្យកាន់តែប្រសើរឡើង ។
ការចុះពិនិត្យព្យាបាលជំងឺជូនពលរដ្ឋនេះបានធ្វើឡើងកាលពីពេលថ្មីៗនេះនៅសាលាបឋមសិក្សា និងអនុវិទ្យាល័យ ហ៊ុន សែន សិរីអង្គា ខេត្តកំពង់ស្ពឺក្រោមពាក្យស្លោក «ដើម្បីសុខភាព និងសុខុមាលភាពរបស់ប្រជាជនកម្ពុជា»។
លោកស្រី Alicia Lim ប្រធានអង្គការសេនចនប្រចាំកម្ពុជា និងជាថ្នាក់ដឹកនាំសណ្ឋាគារ អាផាតមិន Himawari បានមានប្រសាសន៍ថា «ការធានាថាប្រជាជនកម្ពុជាទាំងអស់ទទួលបានសេវាថែទាំសុខភាពល្អតែងតែជាអាទិភាពចម្បងសម្រាប់ពួកយើងនៅ អង្គការសេនចនប្រចាំកម្ពុជា។ តាមរយៈការផ្តល់ការពិនិត្យភ្នែក និងធ្មេញ និងការបណ្តុះបណ្តាលការសង្គ្រោះបឋមដល់កុមារ និងមនុស្សពេញវ័យនៅតាមតំបន់ជនបទយើងសង្ឃឹមថានឹងមានឥទ្ធិពលវិជ្ជមានទៅលើសុខភាព និងសុខុមាលភាពទូទៅរបស់ពួកគេ។ យើងជឿជាក់ថា តាមរយៈការវិនិយោគលើសុខភាពកុមារកម្ពុជានាពេលបច្ចុប្បន្ននេះយើងបាននឹងកំពុងជួយកសាងអនាគតដ៏ត្រចះត្រចង់សម្រាប់ពួកគេ និងសម្រាប់ប្រទេសជាតិទាំងមូលផងដែរ»។
កម្មវិធីមួយនេះ កុមារ និងមនុស្សពេញវ័យបានទទួលការពិនិត្យភ្នែកគាំទ្រដោយគ្លីនិកភ្នែក ហ៊ូសេងភ្នំពេញ ក៏ដូចជាការអប់រំអំពីអនាម័យមាត់ការពិនិត្យមាត់ធ្មេញ និងការព្យាបាលជាគោលដែលផ្តល់ដោយក្រុមមន្ទីរពេទ្យទន្តសាស្ត្ររំចង់។ លើសពីនេះវ៉ែនតា ថ្នាំបន្តក់ភ្នែកច្រាសដុសធ្មេញ និងថ្នាំដុសធ្មេញ ត្រូវបានចែកជូនដល់កុមារ និងក្រុមគ្រួសាររបស់ពួកគេ មិនត្រឹមតែប៉ុណ្ណោះ ការបណ្តុះបណ្តាលសង្គ្រោះបឋមក៏ត្រូវបានផ្តល់ជូនដល់គ្រូបង្រៀន និងសិស្សវិទ្យាល័យផងដែរ។
ចំណែកលោកនាយកសាលាបឋមសិក្សា និងអនុវិទ្យាល័យ ហ៊ុន សែន សិរីអង្គាបានមានប្រសាសនិ៍ថា ការពិនិត្យភ្នែក និងធ្មេញ និងការបណ្តុះបណ្តាលសង្គ្រោះបឋម ដែលផ្តល់ដោយអង្គការសេនចនកម្ពុជា និងអង្គការគាំទ្រផ្សេងទៀតទាំងអស់បានបង្កើននូវភាពរឹងមាំយ៉ាងខ្លាំងខ្លា និងគុណភាពនៃសុខុមាលភាពសម្រាប់សមាជិកនៃសហគមន៍របស់យើង។លោកនាយកសាលាបានថ្លែងអំណរគុណយ៉ាងជ្រាលជ្រៅចំពោះការលះបង់របស់ពួកគេក្នុងការជួយកុមារ និងមនុស្សធំរបស់យើងនៅតាមតំបន់ជនបទ៕
អត្ថបទ៖ សំអឿន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល