សម្តេចតេជោ ៖ ក្នុងមួយឆ្នាំកម្ពុជា ត្រូវបង្កើតការងារឱ្យបាន ១លាន ៥សែននាក់

សម្តេចតេជោ ហ៊ុន សែន នាយករដ្ឋមន្រ្តី បានលើកឡើងថា ក្នុងមួយអាណត្តិរបស់នាយករដ្ឋមន្រ្តីរយៈពេល ៥ឆ្នាំ ត្រូវបង្កើតការងារឱ្យបាន ១លាន ៥សែនកន្លែង។ ជាមួយគ្នានេះ រាជរដ្ឋាភិបាល ក៏ត្រូវចំណាយប្រាក់​ ដើម្បីបណ្តុះ​បណ្តាលវិជ្ជាជីវៈសម្រាប់ពលរដ្ឋក្រីក្រ ១លាន ៥សែននាក់ ផងដែរ។

សម្តេចតេជោ សង្កត់ធ្ងន់ថា នេះគឺជាកម្មវិធីជាក់លាក់ដែលរាជរដ្ឋាភិបាល បានដាក់ចេញសម្រាប់បម្រើឱ្យការអភិវឌ្ឍបន្ត។ ជាមួយគ្នានេះ រដ្ឋក៏ខំប្រឹងប្រែងរៀបចំប្រព័ន្ធផ្លូវ ប្រព័ន្ធទឹក ប្រព័ន្ធភ្លើង ដើម្បីទាក់ទាញអ្នកមកវិនិយោគ ឱ្យចូលមក​ជួយកែច្នៃកសិផលដែលមានស្រាប់នៅក្នុងប្រទេសកម្ពុជា ដែលយើងសម្បូរដោយវត្ថុធាតុដើម ប៉ុន្តែខ្វះការកែច្នៃ។ ជាក់ស្តែងកម្ពុជា មានមហិច្ឆតាក្លាយជាអធិរាជស្វាយចន្ទីផងដែរ។

សម្តេចតេជោ ថ្លែងបែបនេះ នៅក្នុងជំនួបសំណេះសំណាលជាមួយកម្មករ កម្មការិនី ចំនួន១៩,០០៤នាក់ មកពីរោង​ចក្រសហគ្រាចំនួន១៣ នៅរាជធានីភ្នំពេញ និងខេត្តកណ្ដាល ដែលធ្វើឡើងនៅពហុកីឡដ្ឋានជាតិមរតកតេជោ ព្រឹកថ្ងៃទី ២៤ មិថុនា៕