ព័ត៌មានជាតិ
ក្រសួងដែនដីជំរុញការអភិវឌ្ឍលំនៅឋានតម្លៃសមរម្យបួនគម្រោងនៅភ្នំពេញ និងខេត្តកណ្តាល
រាជរដ្ឋាភិបាលកម្ពុជា បានដាក់ចេញគោលនយោបាយលើកកម្ពស់សិទ្ធិទទួលបានលំនៅឋានរបស់ប្រជាពលរដ្ឋ តាមរយៈការសហការគ្នារវាងវិស័យឯកជន និងរដ្ឋ ដើម្បីអភិវឌ្ឍន៍គម្រោងលំនៅឋានតម្លៃសមរម្យនៅរាជធានីភ្នំពេញ និងខេត្តកណ្តាល ហើយមកទល់ពេលនេះ មានក្រុមហ៊ុនធំៗចំនួន៤ហើយ បាននិងកំពុងសាងសង់គម្រោងលំនៅដ្ឋានតម្លៃសមរម្យក្រោមការគាំទ្រពីរាជរដ្ឋាភិបាល។
លោក ឡៅ ទិព្វសីហា រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ បានលើកឡើងថា ក្រសួងកំពុងជំរុញការអភិវឌ្ឍគម្រោងសាងសង់ទាំងបួនគម្រោងនេះ ស្ថិតនៅរាជធានីភ្នំពេញ និងខេត្តកណ្តាល ដែលមានលំនៅឋានសរុប ៨៣៣១ខ្នង។ ក្នុងនោះ អគារស្នាក់នៅរួមមានចំនួន ៣១៦៤ យូនីត។
ថ្លែងនៅក្នុងកិច្ចពិភាក្សាស្តីពីស្ថានភាពទីផ្សារអចលនទ្រព្យនៅកម្ពុជា កាលពីថ្ងៃទី ២៣ មិថុនា ឆ្នាំ ២០២៣ មន្រ្តីជាន់ខ្ពស់ក្រសួងដែនដី បានបង្ហាញអំពីវឌ្ឍនភាពនៃគម្រោងទាំងបួននេះ ដូច្នេះថា« គម្រោងទី១ អគារស្នាក់នៅរួម ដែលបានសាងសង់រួចរាល់ ១០០ ភាគរយ និងបានលក់ចេញចំនួន ២,៨៦៦ unit ស្មើនឹង ៩៦,៨ ភាគរយ និងមានអ្នកចូលស្នាក់នៅជាង ១ពាន់ ៧០០ ជាចំណែកឯកជន។ គម្រោងហ្ក្រេនផាក នៅក្នុងដំណាក់កាលទី ២ បានអភិវឌ្ឍចំនួន ២១៤ ខ្នងនៅភូមិដូនកី សង្កាត់ភ្លើងឆេះរទេះ ខណ្ឌពោធិ៍សែនជ៍យ ដោយបានសម្រេចលទ្ធផលសាងសង់បាន ២៣ ភាគរយ ខណៈដែលគម្រោងដំណាក់កាលទី ១ បានបញ្ចប់ ១០០ភាគរយហើយ។
ចំណែកគម្រោងបុរីសែនមនោរម្យព្រែកតាទែន ដំណាក់ទី១ មានចំនួន ១,៧៧១ ខ្នង ដោយលក់ និងទទួលប្រាក់កក់នៃគម្រោងបាន ៩៧ ភាគរយ។ ដោយឡែក គម្រោងលំនៅឋានទីក្រុងរណបសិរីមង្គល ដំណាក់កាលទី២ សម្រេចបានរួចរាល់ហើយ ដោយមានលំនៅឋានចំនួន ២,២៤០ ខ្នង។
រាជរដ្ឋាភិបាល តាមរយៈក្រសួងរៀបចំដែនដី បានដាក់ចេញនូវគោលនយោបាយជាតិស្ដីពីលំនៅឋានក្នុងចក្ខុវិស័យ សំដៅធ្វើឱ្យប្រជាជនទូទាំងប្រទេសមានលំនៅឋានសមរម្យ អាចរស់នៅបានប្រកបដោយ សុខុមាលភាព សុវត្ថិភាព និង សេចក្តីថ្លៃថ្នូរ ជាពិសេសប្រជាពលរដ្ឋដែលមានប្រាក់ចំណូលមធ្យម ប្រាក់ចំណូលទាប និងក្រុមងាយរងគ្រោះ។
គោលនយោបាយបង្កើតលំនៅឋានតម្លៃសមរម្យក្រោមកិច្ចសហការរវាងវិស័យឯកជន និងរដ្ឋនេះ ក៏ជាផ្នែកជួយលើកកម្ពស់សោភ័ណភាព សណ្តាប់ធ្នាប់ក្នុងទីក្រុង និងទីប្រជុំជន។ លើសពីនេះ វាជួយកាត់បន្ថយបញ្ហាអស្ថិរភាពសង្គម ក៏ដូចជាចូលរួមអភិវឌ្ឍន៍សង្គម សេដ្ឋកិច្ច និងវិស័យនគរូបនីយកម្ម និងសំណង់នៅកម្ពុជា៕
អត្ថបទ៖ ផល ធារិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ