ព័ត៌មានជាតិ
រដ្ឋលេខាធិការក្រសួងប្រៃសណីយ៍ ស្នើអ្នកសារព័ត៌មានប្រើចំណេះជំនាញថ្មី ឱ្យស្របតាមក្រមសីលធម៌និងវិជ្ជាជីវៈ
ទន្ទឹមនឹងចំណេះដឹងក្នុងវិស័យសារព័ត៌មាន និងចំណេះជំនាញបន្ថែមទាក់ទងនឹងការកាត់វីដេអូ រូបភាព ក៏ដូចជាការប្រើប្រាស់ប្រព័ន្ធបណ្ដាញទំនាក់ទំនងសង្គមប្រកបដោយសុវត្ថិភាព អ្នកសារព័ត៌មានក៏ត្រូវផ្ដោតសំខាន់ទៅលើក្រមសីលធម៌និងវិជ្ជាជីវៈផងដែរ។
លោក លីវ សុផាណារិទ្ធិ រដ្ឋលេខាធិការក្រសួងប្រៃសណីយ៍ និងទូរគមនាគមន៍ ថ្លែងបែបនេះនៅក្នុងពិធីប្រគល់វិញ្ញាបនបត្រដល់សិក្ខាកាមជាអ្នកសារព័ត៌មាន និងបុគ្គលិករដ្ឋ មកពី២៦ស្ថាប័ន នៅវិទ្យាស្ថានអភិបាលកិច្ចឌីជីថល កាលពីថ្ងៃទី០៥ ខែកក្កដា ឆ្នាំ២០២៣ ។
លោក លីវ សុផាណារិទ្ធិ មានប្រសាសន៍ថា ក្នុងវិស័យសារព័ត៌មានឥឡូវមានការរីកចម្រើនច្រើន ហើយក្រុមអ្នកសារព័ត៌មានក៏កាន់តែមានកំណើនច្រើនឡើង ក៏ព្រោះតែបច្ចេកវិទ្យាបានផ្តល់ភាពងាយស្រួលខ្លាំងក្នុងការយកព័ត៌មាន។ បើប្រៀបធៀបនឹងពីមុនដែលចាំបាច់ទាមទារឱ្យមានឧបករណ៍ថតសំឡេង កាមេរ៉ាសម្រាប់ផ្តិតយករូបភាពជាដើម តែបច្ចុប្បន្នមានត្រឹមតែទូរស័ព្ទដៃគឺអាចធ្វើកិច្ចការងារជាច្រើន។
លោកបន្តថា អ្វីដែលគួរឱ្យកត់សម្គាល់ ភាពងាយស្រួលនេះ ធ្វើឲ្យវិស័យសារព័ត៌មានបែងចែកជាពីរ ដោយទីមួយជាសារព័ត៌មានដែលស្ថិតនៅក្រោមស្ថាប័នត្រឹមត្រូវ ដោយឡែកមួយទៀត សូម្បីតែបុគ្គលផ្ទាល់ដែលមានត្រឹមតែទូរស័ព្ទដៃ ចេះប្រើប្រាស់បច្ចេកវិទ្យា ក៏អាចក្លាយជាអ្នកសារព័ត៌មានបាន។ ក្នុងនោះ លោកគូសបញ្ជាក់ដែរថា ថ្វីបើកំណើនវិស័យសារព័ត៌មានកាន់តែច្រើន អាចជារឿងល្អសម្រាប់ចែករំលែកព័ត៌មានពីគ្រប់ទិសទី ប៉ុន្តែអ្វីដែលអ្នកសារព័ត៌មានចាំបាច់ត្រូវផ្តោត គឺគុណភាព មិនមែនបរិមាណឡើយ។
គួររំលឹកថា វគ្គបណ្ដុះបណ្ដាលខ្លីស្ដីពីជំនាញឌីជីថលជូនដល់សិក្ខាកាមដែលជាអ្នកសារព័ត៌មាននិងបុគ្គលិកស្ថាប័នរដ្ឋ ធ្វើឡើងក្នុងគោលបំណងដើម្បីផ្តល់ចំណេះជំនាញជូនដល់ក្រុមអ្នកសារព័ត៌មានសម្រាប់បំពេញការងារនៅក្នុងវិស័យសារព័ត៌មានឲ្យដើរទាន់សម័យទំនើបនៃសង្គមបច្ចេកវិទ្យា រយៈពេល២ថ្ងៃ គឺថ្ងៃ៣០ ខែមិថុនា និងថ្ងៃទី០៥ ខែកក្កដា ឆ្នាំ២០២៣៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ