ព័ត៌មានជាតិ
ឯកឧត្តម ហ៊ុន ម៉ាណែត ៖ ពលរដ្ឋមានកម្រិតជីវភាពខ្សត់ខ្សោយ មធ្យម និងធូរធារ សុទ្ធតែជាចលករសម្រាប់ការអភិវឌ្ឍសង្គមជាតិ
ឯកឧត្តមបណ្ឌិត ហ៊ុន ម៉ាណែត បេក្ខជននាយករដ្ឋមន្ដ្រីបន្តវេនរបស់គណបក្សប្រជាជនកម្ពុជា នាពេលអនាគត នៅព្រឹកថ្ងៃទី ១០ ខែកក្កដា ឆ្នាំ ២០២៣នេះ បានបង្ហោះវីដេអូមួយដោយលើកឡើងពាក់ព័ន្ធនឹងប្រធានបទ «អ្នកមាន អ្នកក្រ»។
តាមរយៈវីដេអូនេះ ឯកឧត្តមបណ្ឌិត ហ៊ុន ម៉ាណែត មានប្រសាសន៍ថា កុំនិយាយរឿងអ្នកមាន និងអ្នកក្រ នាំឲ្យមានការបែកចែកវណ្ណៈក្នុងសង្គម។ ឯកឧត្តមបណ្ឌិត បន្តថា «ចេញមកពីឆ្នាំ ៧៩ មនុស្សខ្មែរទាំងអស់ក្រដូចតែគ្នាទេ! អ៊ីចឹងហើយ សូមកុំនិយាយនាំគ្នាថាអ្នកមាន និងអ្នកក្រ នោះអី?»។
ឯកឧត្តមបណ្ឌិត ហ៊ុន ម៉ាណែត ទទួលស្គាល់ថា នៅក្នុងសង្គមមួយ តែងតែមានអ្នកមានជីវភាពខ្សត់ខ្សោយ មធ្យម និងធូរធារ ដោយជៀសមិនផុតឡើយ។ ឯកឧត្តមសួរថា «តើអ្នកទាំង ៣ហ្នឹងត្រូវស្អប់គ្នាឬយ៉ាងម៉េច? ផ្ទុយទៅវិញ អ្នកទាំង ៣ហ្នឹង ត្រូវចេះយកអាសារគ្នាវិញទើបត្រូវ»។
ឯកឧត្តមបណ្ឌិត ហ៊ុន ម៉ាណែត លើកឡើងបន្ថែមថា អ្នកខ្សត់ខ្សោយ ឬអ្នកក្រ ក៏ជាកម្លាំងចលករដ៏ធំសម្រាប់ការកសាងសង្គមជាតិដែរ។ ចំណែកអ្នកមានជីវភាព មធ្យម និងធូរធារ ពួកគាត់អាចមានលទ្ធភាពជួយសង្គមបានច្រើនដូចជា៖ ការបើកអាជីវកម្ម រោងចក្រ សហគ្រាសតូចធំ ដើម្បីឲ្យកូនចៅបងប្អូនប្រជាកសិករខ្សត់ខ្សោយ មានឱកាសបានធ្វើការចិញ្ចឹមជីវិតបានដោយសមរម្យ។
ឯកឧត្តមបណ្ឌិត បន្តទៀតថា «ពេលខ្លះយើងឃើញអ្នកមានជីវភាពមធ្យម និងអ្នកធូរធារ ជិះឡានទំនើប មិនប្រាកដថា ពួកគេរកស៊ីខុសច្បាប់នោះឡើយ។ ប៉ុន្តែត្រូវដឹងថាពួកគាត់ប្រកបមុខរបរអ្វី? បានជាមានជីវភាពធូរធារបែបនេះ?»។
ឯកឧត្តមបណ្ឌិត ហ៊ុន ម៉ាណែត បានបញ្ជាក់យ៉ាងច្បាស់ថា គោលនយោបាយរបស់រាជរដ្ឋាភិបាល ដែលដឹកនាំដោយគណបក្សប្រជាជនកម្ពុជា សំខាន់ជាងគេនោះគឺ «កាត់បន្ថយភាពក្រីក្ររបស់ប្រជាពលរដ្ឋឲ្យមកនៅអត្រាមួយទាបបំផុត »៕
អត្ថបទ៖ សួស សិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ