សន្តិសុខសង្គម
ផ្លូវដាច់នៅមណ្ឌលគិរីត្រូវការពេលជួសជុលយូរ ខណៈផ្លូវវាងអាចធ្វើដំណើរបានអំឡុងសប្ដាហ៍ក្រោយ
ការឈូសឆាយផ្លូវវាងត្រង់ចំណុចបាក់ស្រុតរបស់មន្ទីរសាធារណៈការ និងដឹកជញ្ជូនខេត្តមណ្ឌលគិរី ស្ថិតនៅក្នុងភូមិសាស្រ្តស្រុកអូររាំង នឹងរួចរាល់អាចធ្វើដំណើរបានអំឡុងថ្ងៃទី ១០ ខែសីហា ឆ្នាំ ២០២៣ខាងមុខ។
ជំនន់ទឹកភ្លៀងកាលពីយប់ថ្ងៃទី ០១ ខែសីហា នៅស្រុកអូរាំង ទៅស្រុកកែវសីមា បណ្ដាលឱ្យបាក់ស្រុតផ្លូវ និងដាច់ផ្លូវ នៅចន្លោះគីឡូម៉ែត្រលេខ ៩១ ដល់ ៩៩ ផ្លូវជាតិលេខ ៧៦ ដែលផ្លូវត្រូវបានកាត់ផ្ដាច់ និងខូចទាំងស្រុងមិនអាចធ្វើដំណើរបានសម្រាប់យានយន្តគ្រប់ប្រភេទ។
រដ្ឋបាលខេត្តបានបិទចរាចរណ៍បណ្ដោះអាសន្នចាប់ពីថ្ងៃទី ១ ខែសីហា ដោយប្រាប់អ្នកដំណើររកផ្លូវវាងទៅតាមខេត្តក្រចេះ ស្ទឹងត្រែង និងរតនគិរី។
រដ្ឋបាលខេត្តមណ្ឌលគិរីបញ្ជាក់ថា បច្ចុប្បន្នមន្ទីរសាធារណៈការ និងដឹកជញ្ជូនខេត្តមណ្ឌលគិរីកំពុងធ្វើការឈូសឆាយផ្លូវវាង ដើម្បីសម្រួលចរាចរណ៍ឡើងវិញ ខណៈអាចនឹងរួចរាល់អំឡុងថ្ងៃទី ១០ ខែសីហា ខាងមុខឆាប់ៗនេះ។
លោក រស់ គឹមធន ប្រធានមន្ទីរសារធារណការ និងដឹកជញ្ជូនខេត្តមណ្ឌលគិរីប្រាប់កម្ពុជាថ្មីនៅរសៀលថ្ងៃទី ០៣ ខែសីហានេះថា រដ្ឋបាលខេត្តកំពុងបង្កើតគណៈកម្មការដើម្បីធ្វើការសិក្សាហើយជួសជុលឡើងវិញ ប៉ុន្តែចំពោះមុខ អាជ្ញាធរខេត្តកំពុងពន្លឿនធ្វើផ្លូវវាងដើម្បីសម្រួលចរាចរណ៍ឡើងវិញ។ មន្ទីរសារធារណការកំពុងឈូសឆាយព្រៃ បន្ទាប់មកនឹងចាក់ដីនិងថ្មដើម្បីឱ្យអ្នកដំណើរបើកបរបណ្ដោះអាសន្ន។
ចំពោះស្ថានភាពបាក់ស្រុត និងប្រេះស្រាំ លោកប្រាប់ថាមានទំហំធំដោយមានប្រវែងសរុប ១៦៦ ម៉ែត្រ ក្នុងនោះបាក់ស្រុតទាំងស្រុង ៩៦ ម៉ែត្រ៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ