ព័ត៌មានជាតិ
អាជ្ញាធរដាក់ឱសានុវាទឲ្យពលរដ្ឋរុះរើសំណង់មុនថ្ងៃ២៨ដំណាច់ខែកុម្ភៈ
អាជ្ញាធរក្រុងព្រះសីហនុ បានចេញលិខិតមួយ ដាក់ឱសានុវាទ ឲ្យប្រជាពលរដ្ឋដែលរស់នៅលើចំណីផ្លូវសាធារណៈ និងកំពុងធ្វើអាជីវកម្ម នៃវិថី ៧ មករា ផ្លូវលេខ ២០០ ស្ថិតក្នុងភូមិ ៤ សង្កាត់លេខ ៤ ក្រុងងព្រះសីហនុ ត្រូវរុះរើសំណង់ផ្សេងៗ ចេញឲ្យបានមុនថ្ងៃទី២៨ខែកម្ភៈឆ្នាំ២០២១ខាងមុខនេះ។
កន្លងមករដ្ឋបាលក្រុងព្រះសីហនុ បានប្រកាស ២លើករួចហើយឲ្យប្រជាពលរដ្ឋរុះរើចេញ ប៉ុន្តែរហូតមកដល់ពេលនេះ មានម្ចាស់សំណង់មួយចំនួនមិនទាន់បានរុះរើ បើទោះបីជាមានមួយចំនួនបានរុះរើហើយក្តី។
លិខិតជូនដំណឹង ដែលចុះហត្ថលេខាដោយ លោក គួច ចំរើន អភិបាលខេត្តព្រះសីហនុ បានព្រមានអនុវត្តតាមផ្លុវច្បាប់ ប្រសិនបើប្រជាពលរដ្ឋ ដែលរស់នៅលើដងវិថីនោះ មិនប្រមរុះរើចេញ ហើយថានិងពិន័យជាប្រាក់ និងជាប់ពន្ធនាគារ។
លោក គួច ចំរើន បញ្ជាក់ថា គម្រោងស្ថាបនាវិថី ៧ មករា ក្រុងព្រះសីហនុ ត្រូវបានអនុវត្តនៅឆ្នាំ ២០២០ ប៉ុន្តែត្រូវបានអូសបន្លាយរហូតដល់បច្ចុប្បន្ន ដោយសារតែប្រជាពលរដ្ឋម្ចាស់អាជីវកម្មមួយចំនួនទាំងនោះ មិនបានរើចេញតាមការណែនាំរបស់អាជ្ញាធរ។
លោកថាការប្រកាសលើកទី៣នេះ គឺជាការដាក់ឱសានុវាទលើកចុងក្រោយ ហើយព្រមានអនុវត្តតាមច្បាប់ នឹងដាក់ពន្ធនាគារពី ១ ខែ ទៅ ១ ឆ្នាំ នឹងពិន័យប្រាក់ ពី ១ សែន ទៅ ២ លានរៀល។
លោក ឃាង ភារម្យ អ្នកនាំពាក្យសាលាខេត្តព្រះសីហនុ ធ្លាប់ប្រាប់ថា ប្រជាពលរដ្ឋដែលរស់នៅលើចំណីផ្លូវសាធារណៈលើផ្លូវ៧មករានេះមានប្រមាណ១៥៣គ្រួសារស្មើនឹង១២៨ខ្នផ្ទះ។
ក្នុងនោះមានប្រជាពលរដ្ឋក្រីក្រនិងអ្នករស់នៅលើទីតាំងផ្លូវនោះពិតប្រាកដតែចំនួន២៥គ្រួសារទេហើយក្រៅពីនេះសុទ្ធតែអ្នករស់នៅកន្លែងផ្សេងតែពួកគាត់បានជួលឲ្យខ្មែរនិងជនបរទេសធ្វើអាជីវកម្មនិងរកស៊ីបន្ត៕
អត្ថបទ៖ សំអឿន
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)