ព័ត៌មានជាតិ
ជិត ៨ ខែ ឆ្នាំនេះ ទឹកជំនន់ ប៉ះពាល់ពលរដ្ឋជាង ២ ម៉ឺនគ្រួសារ ស្លាប់ ៤ នាក់ និងផលដំណាំរាប់ម៉ឺនហិតា
គិតត្រឹមថ្ងៃទី ៣០ ខែសីហា ឆ្នាំ ២០២៣ នេះ ជំនន់ទឹកភ្លៀង និងជំនន់ទន្លេមេគង្គ បានបណ្ដាលឲ្យប៉ះពាល់ប្រជាពលរដ្ឋជាង ២ ម៉ឺនគ្រួសារ ស្លាប់មនុស្ស ៤ នាក់ និងផលដំណាំរាប់ម៉ឺនហិតា ព្រមទាំងហេដ្ឋារចនាសម្ព័ន្ធជាច្រើនទៀត។
បើតាម លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅរសៀលថ្ងៃទី ៣១ សីហា នេះថា គិតត្រឹមថ្ងៃទី ៣០ ខែសីហា ជំនន់ទឹកភ្លៀង និងជំនន់ទន្លេមេគង្គ បានប៉ះពាល់ដល់រាជធានី-ខេត្ត ចំនួន ១៩ ក្នុងនោះរួមមាន ខេត្តពោធិ៍សាត់ សៀមរាប កំពង់ធំ កំពង់ចាម ព្រះវិហារ មណ្ឌលគីរី រតនគីរី ស្ទឹងត្រែង ក្រចេះ កណ្ដាល កំពង់ឆ្នាំង កំពង់ស្ពឺ តាកែវ ព្រះសីហនុ កំពត កែប កោះកុង ត្បូងឃ្មុំ និងរាជធានីភ្នំពេញ បណ្ដាលឲ្យប៉ះពាល់ដល់ប្រជាជនចំនួន ២១ ១០៥ គ្រួសារ ជម្លៀស ១ ៧៤៥ គ្រួសារ ស្លាប់ ៤ នាក់ នៅកំពត ២ នាក់ កំពង់ឆ្នាំងម្នាក់ និងរាជធានីភ្នំពេញម្នាក់ របួស ៦ នាក់ ជម្លៀសសត្វពាហណៈ ២៤០ ក្បាល ងាប់ ៣ ក្បាល ប៉ះពាល់ផ្ទះ ១៣ ៣៧០ ខ្នង ខូចខាតផ្ទះ ១០៦ ខ្នង សាលារៀន ៤១ កន្លែង និងវត្ត ១៥ វត្ត។
លោកបានបន្តថា ប៉ះពាល់សន្ទូង ១៧ ៩០២ ហិតា ខូចខាត ៤ ៤៥៨ ហិតា សំណាប ១៧៩ ហិតា ដំណាំរួមផ្សំ ២ ៥២៣ ហិតា ខូចខាត ១ ១៧៣ ហិតា ផ្លូវជាតិ និងផ្លូវបេតុង ៣ ០៧៤ ម៉ែត្រ ផ្លូវលំជនបទ ៩៨ ៥៣៨ ម៉ែត្រ ស្ពាន ៣៤ កន្លែង ទំនប់ ១១ ៩៩៤ ម៉ែត្រ និងបាក់ច្រាំង ៥១៥ ម៉ែត្រ។
គួរបញ្ជាក់ថា ជំនន់ទឹកភ្លៀង និងជំនន់ទន្លេមេគង្គឆ្នាំនេះ បានកើតឡើងនៅក្នុងខែកក្កដា និងដើមខែសីហា កន្លងទៅនេះ បណ្ដាលឲ្យលិចលង់ផ្ទះសម្បែងប្រជាពលរដ្ឋ និងប៉ះពាល់ផលដំណាំផ្សេងៗ ព្រមទាំងហេដ្ឋារចនាសម្ព័ន្ធនានា។ ប៉ុន្តែអាជ្ញាធរ និងក្រសួងពាក់ព័ន្ធ បានចាត់វិធានការជួសជុលផ្លូវថ្នល់រងការខូចខាតជាបណ្តើរៗ និងស្ដារផលដំណាំផ្សេងៗ ឡើងវិញផងដែរ៕
អត្ថបទ ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)