ព័ត៌មានជាតិ

នគរបាលពីរស្រុកសហការគ្នាចុះបង្ក្រាបករណីជួញដូរគ្រឿងញៀន

បានផុស

៣ years មុន

នៅ

ថ្ងៃចន្ទ ១ កុម្ភៈ ២០២១

ដោយ

កម្លាំងនគរបាលចំនួនពីរស្រុកមានស្រុកថ្មពួកនិងស្រុកស្វាយចេក បានធ្វើការសហការគ្នាចុះបង្ក្រាបនិងឃាត់ខ្លួនជនសង្ស័យ២នាក់ក្នុងករណីជួញដូរថ្នាំញៀន កាលពីវេលាម៉ោង១រសៀលថ្ងៃទី៣១ ខែមករា ឆ្នាំ២០២១នៅចំណុចផ្លូវលំក្នុងភូមិសាស្ត្រភូមិម៉ៅ ឃុំផ្គាំ ស្រុកស្វាយចេក ខេត្តបន្ទាយមានជ័យ។

លោកវរសេនីយ៍ទោ ឈឿន គឹមឈុន អធិការនគរបាលស្រុកថ្មពួក បានឲ្យដឹងថា ការចុះបង្ក្រាបនេះបានធ្វើឡើងតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងទៀតថា ជនសង្ស័យដែលឃាត់ខ្លួនមានឈ្មោះ កែវ វិត ភេទប្រុស អាយុ៣៤ ឆ្នាំ រស់នៅភូមិព្រះឈរ ឃុំគោកកឋិន ស្រុកថ្មពួក ក្នុងនោះដកហូតថ្នាំញៀនម្ស៉ៅក្រាមសថ្លាចំនួន២ថងតូច ទូរស័ព្ទដៃ១គ្រឿង យកមកសួរនាំ។ ក្រោយពីបានសួរនាំឈ្មោះ កែវ វិត ឈានឃាត់ខ្លួនជនសង្ស័យម្នាក់ទៀតនៅចំណុចភូមិស្តៅ ឃុំគោករមៀត ស្រុកថ្មពួក ខេត្តបន្ទាយមានជ័យ ជនសង្ស័យមានឈ្មោះឈឿន ដឿត ភេទប្រុស អាយុ២៧ឆ្នាំ រស់នៅភូមិថ្មី ឃុំគោករមៀត ស្រុកថ្មពួក និងដកហូតថ្នាំញៀនម្ស៉ៅក្រាមសថ្លាចំនួន១៧ថង់ ក្នុងនោះថង់តូច១៤ថង់ជំទើ៣ថង សរុបទាំង២ករណី១៦ថង់តូចនិង៣ថង់ជំទើ។

ជនសង្ស័យទាំង២នាក់ និងវត្ថុតាងត្រូវបានកម្លាំងជំនាញកំពុងរៀបចំសំណុំរឿងបញ្ជូនទៅស្នងការដ្ឋាននគរបាលខេត្តនិងបញ្ជូនបន្តទៅតុលាការខេត្តដើម្បីចាត់ការបន្តតាមនិតិវិធីច្បាប់៕

អត្ថបទ ៖ វ៉ាន់ ណាង