ព័ត៌មានជាតិ
ក្រសួងការងារ ណែនាំរោងចក្រ វាយគង ទូងស្គរ ទះប៉ោត គោះត្រដោក អបអរការដាក់បញ្ចូលរមណីយដ្ឋានប្រាសាទកោះកេរ ក្នុងបញ្ជីបេតិកភណ្ឌពិភពលោក
ក្រសួងការងារ និងបណ្ដុះបណ្ដាលវិជ្ជាជីវៈ បានណែនាំដល់ម្ចាស់ ឬ នាយករោងចក្រសហគ្រាសទាំងអស់ វាយគង ទូងស្គរ ទះប៉ោត និងគោះត្រដោក ដើម្បីចូលរួមអបអរព្រឹត្តិការណ៍ជាប្រវត្តិសាស្ត្រដែលគណៈកម្មាធិការបេតិកភណ្ឌពិភពលោក នៃអង្គការយូណេស្កូ បានសម្រេចជាឯកច្ឆន្ទចុះ “រមណីយដ្ឋានប្រាសាទកោះកេរ” ទៅក្នុង បញ្ជីបេតិកភណ្ឌពិភពលោក នៅថ្ងៃទី ២០ ខែកញ្ញា ឆ្នាំ ២០២៣។
យោងតាមសេចក្ដីជូនដំណឹងរបស់ក្រសួងការងារ និងបណ្ដុះបណ្ដាលវិជ្ជាជីវៈ ដែលផ្សព្វផ្សាយនៅថ្ងៃទី ១៩ កញ្ញានេះ បានឲ្យដឹងថា ដើម្បីចូលរួមអបអរព្រឹត្តិការណ៍ជាប្រវត្តិសាស្ត្រដែលគណៈកម្មាធិការបេតិកភណ្ឌ ពិភពលោក នៃអង្គការយូណេស្កូ បានសម្រេចជាឯកច្ឆន្ទចុះ “រមណីយដ្ឋានប្រាសាទកោះកេរ” ទៅក្នុង បញ្ជីបេតិកភណ្ឌពិភពលោក នាថ្ងៃទី ១៧ ខែកញ្ញា ឆ្នាំ ២០២៣ ក្រសួង សូមណែនាំដល់ម្ចាស់ ឬ នាយករោងចក្រ សហគ្រាសទាំងអស់ ត្រូវជួបជុំគ្នាជាមួយកម្មករនិយោជិតនៅក្នុងបរិវេណសមស្រប នៃទីតាំងរោងចក្រ សហគ្រាសរៀងខ្លួន ដើម្បីធ្វើការវាយគង ទូងស្គរ ទះប៉ោត និងគោះត្រដោក តាមគ្រប់មធ្យោបាយដែលខ្លួនមាន នៅថ្ងៃពុធ ទី ២០ ខែកញ្ញា ឆ្នាំ ២០២៣ វេលាម៉ោង ៧ និង ០០ នាទីព្រឹក ចំនួន ១៥ នាទី ឲ្យបានព្រមៗគ្នា កុំបីអាក់ខានឡើយ។
ក្រសួង បានបន្តថា «អាស្រ័យដូចបានជម្រាបជូនខាងលើ ម្ចាស់ ឬ នាយករោងចក្រ សហគ្រាស និងកម្មករនិយោជិត ទាំងអស់ ត្រូវចូលរួមអនុវត្តតាមខ្លឹមសារ នៃសេចក្ដីជូនដំណឹងនេះប្រកបដោយទឹកចិត្តមោទនៈ និងសប្បាយរីករាយចំពោះព្រឹត្តិការណ៍ជាប្រវត្តិសាស្ត្រ»។
ក្រសួងការងារ និងបណ្ដុះបណ្ដាលវិជ្ជាជីវៈ នៅថ្ងៃទី ១៧ ខែកញ្ញានេះ បានចេញសេចក្ដីថ្លែងការណ៍ ដើម្បីអបអរសាទរក្រោយការសម្រេចចុះបញ្ជីប្រសាទកោះកេររបស់ខ្មែរចូលជាសម្បត្តិបេតិកភណ្ឌពិភពលោកក្នុងកិច្ចប្រជុំលើកទី ៤៥ នៅប្រទេសអារ៉ាប៊ីសាអូឌីត។
តាមរយៈហ្វេសប៊ុក ក្រសួង លើកឡើងថា ជោគជ័យ នៃការចុះបញ្ជីនេះ គឺជាមោទនភាពជាតិដ៏ធំថ្មីមួយទៀត បន្ទាប់ពីតំបន់រមណីយដ្ឋានអង្គរ ប្រាសាទព្រះវិហារ និងតំបន់ប្រាសាទសំបូរព្រៃគុក ត្រូវបានចុះបញ្ជីបេតិកភណ្ឌពិភពលោកជាបន្តបន្ទាប់នៅឆ្នាំ ១៩៩២ ២០០៨ និងឆ្នាំ ២០១៧។
ទន្ទឹមនេះ ក្រសួង ក៏បានគូសបញ្ជាក់ពីមហាទិគុណថ្វាយដល់ព្រះមហាក្សត្រ និងសម្តេចព្រះមហាក្សត្រី ដែលបានខិតខំតស៊ូព្យាយាមរៀបចំឯកសារចុះបញ្ជីតាំងពីឆ្នាំ ២០១៨ រហូតសម្រេចបាននូវលទ្ធផលជាស្ថាពរជូនប្រទេសជាតិមាតុភូមិ។
សម្រាប់ក្រសួងការងារ និងបណ្ដុះបណ្ដាលវិជ្ជាជីវៈ ការកសាងប្រាសាទកោះកេររបស់ព្រះមហាក្សត្រ និងបុព្វបុរសខ្មែរគ្រប់ជំនាន់ បានបន្សល់ទុកសម្បត្តិបេតិកភណ្ឌវប្បធម៌ដ៏ល្អឯក និងជាអរិយធម៌ដ៏ចំណាស់ដែលជាអត្តសញ្ញាណជាតិប្រកបដោយក្តីមោទនសម្រាប់ប្រជាជាតិខ្មែរគ្រប់ជំនាន់។
សូមបញ្ជាក់ថា គណៈកម្មាធិការបេតិកភណ្ឌពិភពលោក នៃអង្គការយូណេស្កូ បានសម្រេចបញ្ចូល រមណីយដ្ឋានប្រាសាទកោះកេររបស់ខ្មែរ ជាសម្បត្តិបេតិកភណ្ឌពិភពលោកក្នុងសម័យប្រជុំលើកទី ៤៥ នៅទីក្រុងរីយ៉ាដ ប្រទេសអារ៉ាប៊ីសាអូឌីត កាលពីម៉ោង ១២ និង ១៨ នាទី នៅទីក្រុងរីយ៉ាដ ត្រូវនឹងម៉ោង ១ និង ២៨ នាទី នៅរាជធានីភ្នំពេញ ក្នុងថ្ងៃទី ១៧ ខែកញ្ញា ឆ្នាំ ២០២៣៕
អត្ថបទ ៖ សំអឿន
ពិធីក្រុងពាលីជួសជុលដំបូលវិហារ វត្តពោធិរុក្ខារាម ហៅវត្តកំពង់ត្រឡាចលើ នៅស្រុកកំពង់ត្រឡាច
បើទៅលេងថៃចុងខែនេះ កុំរំលងពិព័រណ៌អាហារនិងភេសជ្ជៈធំជាងគេបំផុតនៅអាស៊ី Thaifex-Anuga Asia 2025!
នាយករដ្ឋមន្ត្រីសិង្ហបុរីអរគុណសម្ដេចធិបតី ដែលទូរសព្ទទៅអបអរលោក គ្រាដែលឈ្នះឆ្នោតបន្តកាន់តំណែង
កងទ័ពនិងប៉ូលិសមីយ៉ាន់ម៉ារត់ភៀសខ្លួនទៅថៃដោយសារការវាយប្រហាររបស់កងទ័ពរំដោះជាតិការ៉ែន
ចិនយល់ព្រមឱ្យមន្ត្រីគយធ្វើការ២៤ម៉ោងដើម្បីសម្រួលដល់ការនាំចូលទុរេនថៃ
ស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
ប៉ាគីស្ថាន អះអាងបាញ់ទម្លាក់យន្តហោះគ្មានមនុស្សបើករបស់ឥណ្ឌា ១២គ្រឿងទៀត
អ្នកនាំពាក្យ៖ សមយុទ្ធនាគមាសឆ្នាំនេះ ធំជាងមុន សព្វាវុធទំនើបជាងមុន ប្រើAI តែមិនដើម្បីគំរាមប្រទេសណាឡើយ
ប៉ាគីស្ថាន ផ្តាំទៅឥណ្ឌា ឲ្យត្រៀមខ្លួនទទួលការសងសឹក ជាមួយកម្លាំងដ៏ខ្លាំងអស្ចារ្យ
លោក សាន សាធុកា ត្រូវបានស្នើដកតំណែងមកជាមន្ត្រីធម្មតា ក្រោយរកឃើញទង្វើល្មើសវិន័យនគរបាល
-
សន្តិសុខសង្គម១ សប្តាហ៍ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៦ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ២ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៥ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម១ សប្តាហ៍ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានជាតិ១៧ ម៉ោង agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ៧ ថ្ងៃ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានអន្ដរជាតិ២ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន