ព័ត៌មានជាតិ
អគាររដ្ឋធំៗជាង ១០ គូរប្លង់ដោយស្រ្តី ស្ថាបត្យករខ្មែរ
លោកស្រី កែវ ម៉ាលីកា ជាស្ថាបត្យករខ្មែរមួយរូបដែលមានជំនាញប្រកបដោយវិជ្ជាជីវៈ ពិសេសមានគំនិតរចនាបថម៉ូត បែបខ្មែរ និងម៉ូតបែប Classic។ ជាប្រភេទម៉ូតមួយពេញនិយម ទាក់ទាញសម្រាប់អគាររដ្ឋ និងអគារធំៗ នៅក្នុងទេស កម្ពុជា ជាដើម។
បច្ចុប្បន្ននេះ សម្រាប់ស្មាដៃគូសប្លង់អគាររដ្ឋល្បីៗរបស់លោកស្រី ម៉ាលីកា រួមមាន ក្រសួងមហាផ្ទៃ, ក្រសួងសេដ្ឋកិច្ច និង ហិរញ្ញវត្ថុ, អគារអង្គភាពប្រឆាំងអំពើពុករលួយ, អគ្គីសនីកម្ពុជាខេត្តសៀមរាប, អគ្គនាយកដ្ឋានរតនាគារជាតិ, អគ្គនាយក ដ្ឋានគយ និងរដ្ឋាករកម្ពុជា, អគារបណ្ឌិតសភាពភូមិន្ទយុត្តិធម៌, បេឡាជាតិសន្តិសុខសង្គម (ប.ស.ស), គណៈកម្មាធិកា មូលបត្រកម្ពុជា និងអគារសំខាន់ជាច្រើនទៀត។
ថ្លែងនៅក្នុងកម្មវិធី «Grow Under Peace» របស់កម្ពុជាថ្មី លោកស្រី កែវ ម៉ាលីកា បានលើកឡើងថា ដើម្បីធានានូវគុណភាពសំណង់ និងរចនាបថបែបខ្មែរ លោកស្រី បានបង្កើតក្រុមការងារ ដែលជាអ្នកជំនាញមានបទពិសោធច្បាស់ លាស់ និងគំនិតច្នៃប្រឌិតខ្ពស់។ ទាក់ទងនឹងការចេញប្លង់នេះ ស្ថាបត្យករស្ត្រីរូបនេះ អះអាងថា ត្រូវមានការប្រុងប្រយត្ន័ខ្ពស់ ដោយចុះសិក្សាលម្អិត ទាំងប្លង់អាគារ ទីតាំង តម្រូវការប្រើប្រាស់ លំហខ្យល់ សោភ័ណភាព និងបញ្ចូលវប្បធម៌ជាតិ ផងដែរ។
ជាអតីតនិស្សិតនៅសាកលវិទ្យាន័រតុន លោកស្រី កែង ម៉ាលីកា ប្រឡូកនៅក្នុងវិស័យស្ថាបត្យកម្មតាំងពីឆ្នាំ ២០០៦ មកម្លេះ។ ឆ្លងកាត់បទពិសោធន៍ជាច្រើនឆ្នាំ ស្ថាបត្យកររូបនេះ បានបង្កើតក្រុមហ៊ុនឌីហ្សាញ ឈ្មោះ M Architect & Construction Co., Ltd។ កត្ដាដែលធ្វើឱ្យលោកស្រីមានគម្រោងជាច្រើននៅក្នុងដៃ ហើយសុទ្ធតែជាគម្រោងរដ្ឋធំៗ នោះ ពោលគឺ «គំនិតច្នៃប្រឌិតនៃការរចនាបថទៅលើអាគារ»។ លោកស្រី ម៉ាលីការ បានបន្តទៀតថា អគារបែប Classic ជាប្រភេទអគារ ដែលមានសោភ័ណភាពស្រស់ស្អាតបានយូរឆ្នាំ ជាពិសេស អាចយូរជាង ១០០ ឆ្នាំ ឡើងទៅ។
លោកស្រី ម៉ាលីកា បញ្ជាក់ថា សម្រាប់ការរចនាបថអគារនីមួយៗ ត្រូវតែមានអ្វីថ្មី ហើយប្លែងៗគ្នា ព្រោះដើម្បីកុំឱ្យជាន់គ្នា នឹងត្រូវរក្សាកម្មសិទ្ធិបញ្ញារបស់ម្ចាស់អគារនីមួយៗផងដែរ។
ក្រៅពីនោះ លោកស្រី កែង ម៉ាលីកា បានចែករំលែកបន្ថែមថា «ដើម្បីទាក់ទាញអតិតិជន យើងត្រូវដឹងថា តើពួកគាត់ចង់ បានអ្វី? ពួកគាត់មានតម្រូវការខុសៗគ្នា អ្នកខ្លះចង់បែបទំនើបៗ ខ្លះទៀតចង់បានការរចនាបថបែបខ្មែរ ឬបែប Classic ជាដើម»៕
អត្ថបទ៖ ផល ធារិត
-
ព័ត៌មានជាតិ៦ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានជាតិ៧ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានអន្ដរជាតិ២២ ម៉ោង ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
សន្តិសុខសង្គម៧ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង
-
ព័ត៌មានជាតិ២២ ម៉ោង ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានអន្ដរជាតិ១៦ ម៉ោង ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
ព័ត៌មានជាតិ២ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ១ សប្តាហ៍ ago
អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិនប្រចាំកម្ពុជា