ព័ត៌មានជាតិ
សហជីព និងនិយោជកបង្ហាញភាពពេញចិត្តចំពោះការដំឡើងប្រាក់ឈ្នួលកម្មករថ្មីសម្រាប់ឆ្នាំ២០២៤
ភាគីសហជីពតំណាងកម្មករនិយោជិត និងភាគីនិយោជកបានបង្ហាញនូវភាពពេញចិត្តយ៉ាងខ្លាំងចំពោះការដំឡើងប្រាក់ឈ្នួលកម្មករនិយោជិតថ្មីចំនួន២០៤ដុល្លារក្នុង១ខែ ដែលនឹងចាប់ផ្តើមអនុវត្តពីថ្ងៃទី១ ខែមករា ឆ្នាំ២០២៤តទៅ។
លោក គឹម ចាន់សំណាង តំណាងភាគីសហជីពបានឱ្យដឹងថា «សម្រាប់តួលេខប្រាក់ឈ្នួល២០៤ដុល្លារនេះ គឺភាគីសហជីពមានការពេញចិត្តទាំងអស់គ្នាដោយសារជាធម្មតាការដំឡើងប្រាក់ឈ្នួល គឺតែងតែស្រាវជ្រាវទាក់ទិននឹងទឡ្ហីការ
ណ៍ទាំង៧ចំណុច។ ប៉ុន្តែយ៉ាងណាក៏ដោយយើងក៏ត្រូវពិនិត្យលើការប្រកួតប្រជែងជាមួយប្រទេសជិតខាងដែរ។ បើក្នុងករណីដែលយើងដឹងថាស្ថានភាពនៅកម្ពុជាយើងក៏ដូចជាពិភពលោកទាំងមូលមានការប៉ះពាល់យើងមិនអាចយកតួលេខដែលខ្ពស់ពេកអាចធ្វើឱ្យការបញ្ចាទិញកាត់បន្ថយនោះទេ។ ដូច្នេះជាហេតុនាំឱ្យសហជីពទាំងអស់គ្នាត្រូវពិចារណាចុងក្រោយថាតើត្រូវបោះឆ្នោតយកតួលេខមួយណាដែលជាតួលេខមួយអាចបង្កើនការងារដល់បងប្អូនកម្មករកម្មការិនី»។
លោកសង្ឃឹមថា ការបញ្ជាទិញនឹងមានការកើនឡើងហើយបងប្អូននៅក្នុងគ្រួសារនីមួយៗ នឹងមានសមាជិកគ្រួសារទទួលបានការងារធ្វើកាន់តែច្រើនជីវភាពក៏កាន់តែកើនឡើងជាបន្តបន្ទាប់។ លោកបានបន្តទៀតថា «ខ្ញុំជឿថា បងប្អូនកម្មករភាគច្រើននឹងចូលរួមអបអរសាទរព្រោះថាបច្ចុប្បន្ននេះក្រុមការងារសហជីពយើងក៏បានចុះក្តាប់ទទួលព័ត៍មានពីបងប្អូនកម្មករគឺគាត់ចង់បានការងារធ្វើ»។
ចំណែកឧកញ៉ា ណាង សុធី តំណាងភាគីនិយោជកក៏បានលើកឡើងដែរថា តួលេខ២០៤ដុល្លារនេះជាគោលជំហរភាគីនិយោជកអាចទទួលយកបានដោយរីករាយ និងខិតខំព្យាយាមបំពេញភារកិច្ចឱ្យបានល្អជូនកម្មករនិយោជិត។ យ៉ាងណាក៏ដោយឧកញ៉ា ណាង សុធី ទទួលស្គាល់ថា ការតម្លើង២០៤ដុល្លារវាក៏ប៉ះពាល់ដែរតែយើងក៏បានសម្របសម្រួលពី
រាជរដ្ឋាភិបាលលើការបញ្ចុះបន្ថយភស្តុភារកម្មលើអត្រាមួយហើយភាគីនិយោជកសួមអរគុណសម្តេចធិបតី ហ៊ុន ម៉ាណែត ដែលបានជួយសម្របសម្រួលការងារនេះ។
គួរបញ្ជាក់ថា ភាគីសហជីពបានដាក់សំណើរឱ្យរដ្ឋាភិបាលជួយសម្រួលបញ្ចុះភស្តភារកម្មប្រមាណ៣៥%ដើម្បីជួយសម្រួលដល់ការធ្វើអាជីវកម្មប្រចាំថ្ងៃ៕
អត្ថបទ៖ សំអឿន
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១៣ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)