អភិបាលរងខេត្តស្វាយរៀង ចុះពិនិត្យទីតាំងរំដោះទឹកដល់អតីតយុទ្ធជន នៅស្រុករមាសហែក

លោក ម៉ែន អេង អភិបាលរងខេត្តស្វាយរៀង តំណាងលោកអភិបាលខេត្ត បានចុះពិនិត្យទីតាំងរំដោះទឹក ដល់អតីតយុទ្ធជន នៅផ្ទះ៤០០ខ្នង ដែលជាអំណោយរបស់សម្ដេចតេជោ ហ៊ុន សែន និងសម្ដេចគតិព្រឹទ្ធបណ្ឌិត ប៊ុន រ៉ានី ដែលស្ថិតនៅភូមិជីកដី ឃុំអណ្ដូងត្របែក ស្រុករមាសហែក ខេត្តស្វាយរៀង នៅព្រឹកថ្ងៃទី៤ ខែតុលា ឆ្នាំ២០២៣ នេះ។

ការចុះពិនិត្យនេះ មានការចូលរួមពីលោក អភិបាលស្រុករមាសហែក លោកស្រីមេឃុំ លោកមេភូមិ កងកម្លាំងទាំង ៣ប្រភេទ និងអ្នកដែរពាក់ព័ន្ធជាច្រើនទៀត។ លោក ម៉ែន អេង បានឱ្យអាជ្ញាធរស្រុកសហការជាមួយក្រុមហ៊ុនឯកជន ដើម្បីជួយសម្រួល និងរៀបចំកាយប្រឡាយ ដាក់លូ រំដោះទឹកចេញឲ្យបានឆាប់ កុំឲ្យប៉ះពាល់ដល់ដាំណាំរបស់ពលរដ្ឋដែលរស់នៅផ្ទះ៤០០ខ្នងនេះ។ ចំណែក ក្រុមហ៊ុនដែលទទួលធ្វើការកាយប្រឡាយ ដាក់លូ អមសងខាងផ្លូវ ត្រូវធានាអោយបាននូវគុណភាពល្អ យូរអង្វែង។ ជាមួយគ្នានេះ លោកក៏បានបញ្ជាក់ដល់អាជ្ញាធរស្រុក ត្រូវជំរុញឲ្យពួកគាត់ខិតខំ ដំណាំឲ្យបានច្រើន ដើម្បីជួយសម្រាលដល់ជីវភាពរស់នៅប្រចាំថ្ងៃ៕

អត្ថបទ៖ ភក្ដី