អាជ្ញាធរ​ ​ដាក់​កម្លាំង​លាង​សំអាត​ទាំង​កណ្តាល​យប់​ បន្ទាប់ពី​មាន​ប្រេងរំអិល​កំពប់​លើ​ស្ពាន​ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

អាជ្ញាធរ​ ​ដាក់​កម្លាំង​លាង​សំអាត​ទាំង​កណ្តាល​យប់​ បន្ទាប់ពី​មាន​ប្រេងរំអិល​កំពប់​លើ​ស្ពាន​

Published

on

អាជ្ញាធរ​ខណ្ឌ​ច្បារអំពៅ ​រាជធានី​ភ្នំពេញ​ បាន​ដាក់​កម្លាំង​លាង​ស្ពាន​ព្រះមុនីវង្ស​ថ្មី​ទាំង​កណ្តាលយប់​ខណៈ​មាន​ប្រេងរំអិល​កំពប់​លើ​ស្ពាន​ ​បង្ក​ឲ្យ​មាន​អ្នក​ដំណើរ​រអិលដួល និង​​របួស។

យោង​តាម​ប្រភព​ពី ​លោក ​ហ៊​ត គឹម​នី អភិបាលរងខណ្ឌ​ច្បារអំពៅ​ បាន​ឲ្យ​ដឹង​ថា ​កាលពី​យប់​រំលង​អធ្រាត្រ​ ឈានចូល​ថ្ងៃទី​៣​វិច្ឆិកា​នេះ ​មាន​ប្រេង​កំពប់​លើ​ទ្រូង​ស្ពាន​ព្រះមុនីវង្ស​ថ្មី​ ស្ថិត​ក្នុង​សង្កាត់​ច្បារ​អំពៅ​ទី​១ ​ដែល​បង្ក​ឲ្យ​អ្នកបើកបរ​ម៉ូតូ​ដួល​ត្រឡប់ត្រឡិន ​និង​រង​របួស​ទៀត​ផង​។​

​បន្ទាប់ពី​មាន​ហេតុការណ៍​នេះ​កើតឡើង​ លោក​ ចេង មុនី​រ៉ា អភិបាលខណ្ឌ​ច្បារអំពៅ​ បាន​ប្រមូល​កម្លាំង​ ដោយមាន​រថយន្ត​លាង​ផ្លូវ ​រថយន្ត​បាញ់​ទឹក ​ចុះទៅ​លាង​សំអាត​ជាបន្ទាន់ ​ព្រមទាំង​ដាក់​កម្លាំង​សម្រួល​ចរាចរណ៍​ បញ្ចៀស​ពី​កន្លែង​ប្រេង​កំពប់ ​ដើម្បី​ការពារ​កុំ​ឲ្យ​រងគ្រោះ​ដល់​អ្នក​ធ្វើដំណើរ​។​

​លោក​អភិបាលរង ​បញ្ជាក់​ថា ការ​ដាក់​កម្លាំង​លាង​សំអាត​ទ្រូង​ស្ពាន ​រហូតដល់​ម៉ោង​៧​ ព្រឹក​ថ្ងៃទី​៣​ខែ​វិច្ឆិកា​នេះ ​ទើប​លាង​ជម្រះ​ស្អាត​ដូចដើម​វិញ​។​

​ចំពោះ​សកម្មភាព​លាង​សំអាត​ស្ពាន​ទាំង​កណ្តាល​យប់​នេះ​ ធ្វើ​ឲ្យ​អ្នកដំណើរ​ បាន​សម្តែង​ការ​អរគុណ​ដល់​អាជ្ញាធរ​ខណ្ឌ​ច្បារអំពៅ ​ដែល​ចុះ​លាង​សំអាត​ទាន់​ពេល​ កុំ​អី​មិន​ដឹង​ជា​មាន​អ្នក​ជួប​គ្រោះថ្នាក់​ប៉ុន្មាន​ទៀត​ទេ​៕

អត្ថបទ ៖ ​ន​រា​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 mins ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ14 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

ព័ត៌មានជាតិ42 mins ago

តុលា​កា​រប​ញ្ជា​ឲ្យ​នាំខ្លួនលោកស្រី​ឧកញ៉ា​ អ៊ាន​ សៀវម៉ី ប​ន្ទា​ប់​ពី​មិន​ចូល​បំភ្លឺតាមការកោះហៅ

ព័ត៌មានជាតិ49 mins ago

របាយការផ្លូវការ ប្រជាជនកម្ពុជា​កើនជាង ២ លាន​នាក់ ខេត្ត​ក្រុង ៤ មាន​ចំនួនប្រជាជនច្រើនជាងគេ

ព័ត៌មានជាតិ59 mins ago

សម្តេចតេជោ និងមន្ត្រីរដ្ឋាភិ​បា​ល​ជាច្រើនរូបបន្តកាត់ប្រាក់ខែ ដើម្បី​​ទប់ស្កាត់ជំងឺកូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services