ព័ត៌មានជាតិ
អគ្គស្នងការនគរបាលជាតិ បញ្ជាឱ្យអាជ្ញាធរទប់ស្កាត់ព័ត៌មានក្លែងក្លាយ និងការបំភ្លៃជុំវិញបញ្ហាសន្តិសុខជាតិ
អគ្គស្នងការនគរបាលជាតិ នាយឧត្ដមសេនីយ៍ ស ថេត នៅក្នុងកិច្ចប្រជុំផ្សព្វផ្សាយផែនការការពារ សន្តិសុខសណ្តាប់ធ្នាប់ក្នុងឱកាសខួបអនុស្សាវរីយ៍លើកទី៧០នៃទិវាបុណ្យឯករាជ្យជាតិ ៩វិច្ឆិកា បានបញ្ជាឱ្យអាជ្ញាធរត្រូវទប់ស្កាត់ព័ត៌មានក្លែងក្លាយ និងការបំភ្លៃនានា ជុំវិញបញ្ហាសន្តិសុខជាតិ។
កិច្ចប្រជុំ នៅថ្ងៃទី៣០ ខែតុលានេះ លោក ស ថេត បានស្នើដូច្នេះថា “អាជ្ញាធរ និងបញ្ជាការគ្រប់ថ្នាក់ ត្រូវយកចិត្តទុកគ្រប់គ្រងតាមដានបណ្តាញព័ត៌មានសង្គម ជៀសវាងមានការបំភ្លៃព័ត៌មានដែលនាំឲ្យមានបញ្ហាអសន្តិសុខដល់សង្គម”។ ក្នុងនោះ លោកនាយឧត្តមសេនីយ៍ បានបញ្ជាឱ្យសមត្ថកិច្ចទាំងអស់ ត្រូវប្រុងប្រយ័ត្ន និងត្រូវយកចិត្តទុកខ្ពស់ចំពោះឧបករណ៍ដ្រូន ដើម្បីធានាសុវត្ថិភាព សន្តិសុខ សណ្តាប់ធ្នាប់ កន្លែងទីតាំងប្រារព្ធពិធីទិវាបុណ្យឯករាជ្យជាតិ និងទិវាកំណើតកងយុទ្ធពលខេមរភូមិន្ទ។
បន្ថែមពីនេះ ក្នុងកិច្ចប្រជុំដដែល លោក ស ថេត ក៏បានគូសបញ្ជាក់ក្នុងកិច្ចប្រជុំថា នៅក្នុងខែវិច្ឆិកាខាងមុខនេះ យើងមានព្រឹត្តការណ៍ធំ ២៖ ទី១- គឺខួបអនុស្សាវរីយ៍លើកទី៧០ នៃទិវាបុណ្យឯករាជ្យជាតិ ៩វិច្ឆិកា និងទិវាកំណើត នៃកងយោធពលខេមរភូមិន្ទ និងទី២- ការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលទាមទារឲ្យអាជ្ញាធរ កងកម្លាំងមានសមត្ថកិច្ចទាំងអស់ រួមសហការគ្នាដើម្បីធានាបាននូវសុវត្ថិភាព សន្តិសុខ សណ្តាប់ធ្នាប់ ថ្វាយជូន អង្គព្រះមហាក្សត្រ ថ្នាក់ដឹកនាំជាតិកំពូលៗ និងប្រជាពលរដ្ឋ។ ដើម្បីធានាបាននូវកិច្ចការទាំងនេះ កងកម្លាំង និងអាជ្ញាធរទាំងអស់ ត្រូវត្រៀមខ្លួនរួចជាស្រេច ទាំងកម្លាំងសរុប និងមធ្យោបាយសរុប។
ក្នុងកិច្ចប្រជុំនោះ នាយឧត្តមសេនីយ៍ ស ថេត ក៏បានស្នើដល់អាជ្ញាធរ និងបញ្ជាការគ្រប់ថ្នាក់ ត្រូវយកចិត្តទុកដាក់ខ្ពស់ការពារសុវត្ថិភាព សន្តិសុខ សណ្តាប់ធ្នាប់ ពិសេសពង្រឹងកិច្ចសហការផ្លាស់ប្តូរព័ត៌មាន ដើម្បីមានវិធានទប់ស្កាត់ទាន់ពេលវេលា ករណីមានហេតុការណ៍កើតឡើងជាយថាហេតុ។ ត្រូវពង្រឹងការត្រួតពិនិត្យរដ្ឋបាល តាមបណ្តាគោលដៅសំខាន់ៗ សំដៅបង្ការ ទប់ស្កាត់ បទល្មើស ក៏ដូចជាធានារក្សាបាននូវ សន្តិសុខ សណ្តាប់ធ្នាប់ សុវត្ថិភាពសង្គម។
ទន្ទឹមនោះ អាជ្ញាធរមានសមត្ថកិច្ច ត្រូវអប់រំណែនាំដល់ប្រជាពលរដ្ឋពាក់ព័ន្ធនឹងគ្រឿងផ្ទុះ និងផ្សព្វផ្សាយឲ្យពលរដ្ឋមានការយោគយល់ចំពោះការបិទចរាចរណ៍មួយរយៈ ក្នុងអំឡុងពេលប្រារព្ធពិធី ពិសេសប្រជាពលរដ្ឋ ដែលមានលំនៅដ្ឋាននៅជុំវិញបរិវេណកន្លែងប្រារព្ធពិធី។ កម្លាំងនគរបាលចរាចរណ៍ត្រូវយកចិត្តទុកដាក់ក្នុងការសម្រួលចរាចរណ៍តាមដងផ្លូវកុំឲ្យមានការកកស្ទះ៕
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២១ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២៣ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល