Connect with us

ព័ត៌មានជាតិ

អាជ្ញាធរ មិនទាន់អាចកំណត់អត្តសញ្ញាណបុរសវាយសម្លាប់សត្វឈ្លូស នៅឃុំកោះស្តេច នៅឡើយទេ

បានផុស

នៅ

អាជ្ញាធរស្រុកគិរីសាគរ នៅមិនទាន់អាចកំណត់អត្តសញ្ញាណ បុរសវាយសម្លាប់សត្វឈ្នូសប្រឹងហែលសមុទ្រឡើងលើគោក នៅឃុំកោះស្តេច នៅឡើយទេ ខណៈដែលករណីនេះកើតឡើង ៣ទៅ ៤ថ្ងៃមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចេង មុនីរិទ្ធ អភិបាលស្រុកគិរីសាគរ បានឲ្យដឹងនៅល្ងាចថ្ងៃទី ៣០ ខែតុលា ឆ្នាំ ២០២៣ថា ក្រុមការងារជំនាញ បានចុះស៊ើបអង្កេតស្រាវជ្រាវ និងសាកសួរសាក្សីជាច្រើននាក់ អស់ពេល ១ថ្ងៃពេញនៅតំបន់ឆ្នេរសមុទ្រ ដែលមានការវាយសម្លាប់សត្វឈ្លូស ១ក្បាល នៅភូមិពាមកាយ។

បើតាមលោកអភិបាលស្រុកគិរីសាគរ បន្ថែមថា ជាលទ្ធផលនៃការស្រាវជ្រាវ គឺពុំទាន់អាចកំណត់អត្តសញ្ញាណ បុរសជនសង្ស័យយកដំបងវាយសត្វឈ្លូស ១ក្បាលនោះ បាននៅឡើយទេ។ ដោយយោងតាមការសាកសួរព័ត៌មានឈ្មោះ គឹម សិលា អាយុ ២៥ឆ្នាំ ជាអ្នកគ្រប់គ្រងសន្តិសុខនៅតំបន់កើតហេតុ លើកឡើងថា សកម្មភាពវាយសម្លាប់សត្វឈ្លូស ១ក្បាលនេះ កើតឡើងតាំងតែពីថ្ងៃទី ២៥ ខែតុលា ឆ្នាំ ២០២៣មកម្ល៉េះ។

ក្រោយធ្វើសកម្មភាព ក្រុមជនមិនស្គាល់អត្តសញ្ញាណ ក៏បានអូសយកសត្វឈ្លូសទៅទិសខាងជើង នៃឆ្នេរ តែរូបគាត់ទទួលបានដំណឹងនេះ នៅវេលាម៉ោង ៩និង ១៥នាទី ហើយក៏បានរាយការណ៍ទៅលោកប្រធានសន្តិសុខដែរ តែគ្មានអ្នកណាចាប់អារម្មណ៍ទេ។

លោក ចេង មុនីរិទ្ធ បន្តទៀតថា ក្រុមការងារបន្តសាកសួរបំភ្លឺអាជីវករ ដែលលក់ដូរនៅតំបន់ឆ្នេរកុកហាវ ដោយពួកគាត់បានឆ្លើយប្រាប់ថា ពួកគាត់ក៏មិនបានចាប់អារម្មណ៍ដែរ ព្រោះសកម្មភាពនោះកើតឡើងរហ័សពេក ដោយជនសង្ស័យ បានវាយសត្វនោះរួចក៏អូសយកទៅបាត់។ រីឯការថតសត្វឈ្លូសកំពុងហែលទឹក គឺថតដោយចៃដន្យប៉ុណ្ណោះ កំពុងតែថតស្រាប់តែឃើញបុរសម្នាក់យកដំបងជ្រុង ១កំណាត់ រត់ស្ទុះទៅវ៉ៃសត្វឈ្លូសតែម្តង ហើយក៏មិនប្តឹងសមត្ថកិច្ចអ្វីដែរ។

លោកវរៈសេនីយ៍ឯក ព្រហ្ម សុវណ្ណនី អធិការនគរបាលស្រុកគិរីសាគរ ឲ្យដឹងដែរថា ជនសង្ស័យដែលសម្លាប់សត្វព្រៃដ៏កម្រនោះ ជាអ្នកដំណើរកម្សាន្តមកលេងនៅតំបន់ឆ្នេរកុកហាវ ពោលគឺមិនមែនជាពលរដ្ឋរស់នៅក្នុងមូលដ្ឋាននោះទេ ព្រោះថ្ងៃទី ២៥ ខែតុលាកន្លងទៅ មានរថយន្តអ្នកទេសចរណ៍លេងច្រើន។

លោកអធិការនគរបាលស្រុកគិរីសាគរ បន្ថែមថា តាមការសាកសួរអាជីករលក់ដូរ និយាយថា មិនសូវចាប់អារម្មណ៍ករណីពេលកើតហេតុភ្លាមៗទេ ដោយសារអ្នកខ្លះនិយាយថា សត្វឆ្កែ ខ្លះថា សត្វឈ្លូស គ្រាទីតាំងវាយឈ្លូសនេះ មានចម្ងាយជិត ១០០ម៉ែត្រពីតូបលក់ដូរ។ ម៉្យាងទៀតពួកគាត់រវល់លក់ដូរធ្វើម្ហូបអាហារឲ្យភ្ញៀវ ក៏មិនបានចាប់អារម្មណ៍រឿងនេះច្រើនដែរ។  

តែទោះយ៉ាងណា សមត្ថកិច្ច និងអាជ្ញាធរពាក់ព័ន្ធ នឹងស៊ើបអង្កេតសម្ងាត់ជាថ្មី ដើម្បីឈានទៅដល់ការកំណត់អត្តសញ្ញា ណជនសង្ស័យ យកមកផ្តន្ទាទោសតាមច្បាប់៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៤ នាទី មុន

ក្រុម​ប្រដាប់អាវុធ​ក្នុង​រដ្ឋកា​រ៉ែ​ន​បាន​បាញ់​ទម្លាក់​ឧទ្ធម្ភាគចក្រ​យោធា​មី​យ៉ាន់​ម៉ា​ ​បណ្តាលឱ្យ​ស្លាប់​ឧត្តម​សេនីយ៍​ត្រី​ម្នាក់ និង​មន្ត្រី​យោធា​៤​នាក់

ព័ត៌មានអន្ដរជាតិ២ ម៉ោង មុន

អ៊ីតាលី រកឃើញថា កម្មវិធី ChatGPT កំពុងបំពានច្បាប់ការពារទិន្នន័យ

ព័ត៌មានជាតិ៤ ម៉ោង មុន

កម្ពុជា- WFP ចុះកិច្ចព្រមព្រៀងកម្មវិធីស្បៀងអាហារពិភពលោកប្រចាំកម្ពុជា ទំហំទឹកប្រាក់៦៣លានដុល្លារ

ព័ត៌មានជាតិ៤ ម៉ោង មុន

សម្ដេច ពិន​ សែម ស្នើឱ្យគ្រប់ភាគីប្រើបណ្ដាញសង្គមជាប្រយោជន៍សាសនា និងសង្គមជាតិ

ព័ត៌មានអន្ដរជាតិ៤ ម៉ោង មុន

អាជ្ញាធរវៀតណាម និងហ្វីលីពីន ព្រមព្រៀងគ្នាបង្កើនកិច្ចសហប្រតិបត្តិការឆ្មាំឆ្នេរសមុទ្រ

Sokha Hotels

ព័ត៌មានពេញនិយម