Connect with us

ព័ត៌មានជាតិ

សម្តេច​ហ៊ុន ម៉ាណែត បាន​​សម្រេច​ឱ្យ​កីឡាករ កីឡាការិនី ​​២៦រូប​ ជាប់​បាក់​ឌុប​ស្វ័យ​ប្រវត្តិ​​

បានផុស

នៅ

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃ​កម្ពុជា​​ បាន​ប្រកាសសម្រេចឱ្យកីឡាករ កីឡាការិនី ចំនួន២៦រូប​ ​ដែល​ទទួល​បាន​មេដាយមាស ប្រាក់ និងសំរឹទ្ធ ក្នុង​ព្រឹត្តិការណ៍​ប្រកួតកីឡា​ស៊ីហ្គេម​លើកទី៣២ ជាប់​បាក់​ឌុបស្វ័យប្រវត្តិ​។​ ការ​ប្រកាស​​​ត្រូវ​បាន​ធ្វើ​ឡើង​ ក្នុង​​ឱកាស អញ្ជើញ​ជា​អធិបតី​ក្នុងពិធី​ជប់​លៀងអបអរសាទរភាពជោគជ័យ នៃព្រឹត្តិការណ៍ស៊ីហ្គេមនេះផងដែរ ធ្វើឡើង​នៅ​ពហុកីឡាដ្ឋានជាតិមរតកតេជោ​នា​​យប់​ថ្ងៃ​ទី​១៧ ខែ​វិច្ឆិកា ឆ្នាំ​២០២៣​។

​​​​​​សម្តេចធិបតី ហ៊ុន ម៉ាណែត បានមានប្រសាសន៍ថា មេដាយដែល​កម្ពុជា​ទទួល​បាន​ក្នុង​ព្រឹត្តិការណ៍​ស៊ីហ្គេម និង​អាស៊ានប៉ារ៉ាហ្គេមនាពេលកន្លងទៅនេះ ជាសមិទ្ធផលរបស់អត្តពលិក តែ​ជា​មោទនភាព​សម្រាប់​ប្រជាពលរដ្ឋខ្មែរគ្រប់រូប។ព្រឹត្តិការណ៍ប្រកួតកីឡាស៊ីហ្គេម និងអាស៊ានប៉ារ៉ាហ្គេម បាន​កន្លង​ផុត​ទៅ​ហើយក្តី តែហាក់ស្ថិតនៅថ្មីៗនៅឡើយក្នុងក្រអៅបេះដូងប្រជាពលរដ្ឋខ្មែរគ្រប់ៗរូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចធិបតី ហ៊ុន ម៉ាណែត បានមានប្រសាសន៍ បង្ហាញការកត់សម្គាល់ថា ព្រឹត្តិការណ៍​ប្រកួត​កីឡាស៊ីហ្គេម ​និង​អាស៊ានប៉ារ៉ាហ្គេម ទទួលបានការចាប់អារម្មណ៍ខ្ពស់ សូម្បីអ្នកមិនចេះមើលកីឡា ក៏ចេះមើលដែរ។ ព្រឹត្តិការណ៍ប្រកួតកីឡានេះ បង្ហាញឱ្យឃើញនូវស្មារតីជាតិខ្ពស់។

សម្តេច​ធិបតីបានថ្លែងថា ភាពជោគជ័យនៃការប្រកួតកីឡានេះ មិនអាច​កាត់​ផ្តាច់​បាន​ពី​ការ​ប្រឹង​ប្រែង​ចង្អុលបង្ហាញរបស់សម្តេចតេជោ ហ៊ុន សែន និងការដឹកនាំផ្ទាល់របស់សម្តេចពិជ័យសេនា ទៀ បាញ់។​សម្តេចធិបតី បានបន្តទៀតថា ការរៀបចំប្រកួតកីឡាស៊ីហ្គេម និងអាស៊ានប៉ារ៉ាហ្គេម ក៏​មិន​អាច​ទទួលជោគជ័យនោះឡើយ បើគ្មានការជួយជ្រោមជ្រែងពីចិន ជាពិសេសតាមរយៈ នៃការសាងសង់ពហុកីឡាដ្ឋានជាតិដល់ភូមិនៅទីនេះ។

សម្តេចធិបតី ហ៊ុន ម៉ាណែត បានមានប្រសាសន៍ថា ត្រូវរួមគ្នាបន្តស្មារតី «កីឡារស់ក្នុងសន្តិភាព» បើទោះបីព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេមនៅកម្ពុជា បានកន្លងផុតទៅហើយក្តី។ ព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម ក៏បានគាស់រំលើងស្មារតីអង្គរ ធ្វើឱ្យ​កូន​ខ្មែរ​បាន​ដឹង​ថា ​ខ្មែរជាប្រទេសដ៏អស្ចារ្យ ខ្មែរអាចធ្វើបានឲ្យពិភពលោកបានមើលឃើញច្បាស់។ ​នាឱកាស​នោះ​ផងដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង​លោក​ជំទាវ​បណ្ឌិត ពេជ ចន្ទមុន្នី ហ៊ុនម៉ាណែត ក៏បានអញ្ជើញផ្ដល់កិត្តិយសបំពាក់មេដាយ និងគ្រឿង​ឥស្សរិយ​យស ជូនដល់មន្ត្រីមានស្នាដៃមួយចំនួន ក៏ដូចជាបណ្ដា​សប្បុរសជន​ដែល​បាន​ចូល​រួម​ក្នុង​ព្រឹត្តិការស៊ីហ្គេម និងអាស៊ានប៉ារ៉ាហ្គេម ប្រកបដោយភាពជោគជ័យ នាពេលកន្លងមកនេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣៣ នាទី មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣៧ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ១ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ១ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម