ព័ត៌មានជាតិ
អ្នកជំនាញអប់រំ ៖ ដំណើរការប្រឡងបាក់ឌុបឆ្នាំនេះ មានភាពល្អប្រសើរជាងឆ្នាំមុនៗ ទៅទៀត
អ្នកជំនាញផ្នែកវិស័យអប់រំ បានវាយតម្លៃថា ដំណើរការប្រឡងបាក់ឌុបនៅឆ្នាំនេះ បានប្រព្រឹត្តិទៅល្អប្រសើរជាងបណ្តាឆ្នាំមុនៗទៅទៀត ហើយស្នើ ក្រសួង បន្តរៀបចំការប្រឡងជាបន្តទៀត ដើម្បីចម្រាញ់រកសិស្សមានគុណភាព និងប្រសិទ្ធភាពខ្ពស់ ឲ្យបានកាន់តែច្រើន ជាធនធានមនុស្សដ៏មានតម្លៃ ចូលរួមអភិវឌ្ឍន៍ប្រទេសជាតិកាន់តែរីកចម្រើន។
![](https://www.kampucheathmey.com/wp-content/uploads/2023/11/photo_2023-10-29_15-49-35-1024x614-1.jpg)
លោក ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជា មានប្រសាសន៍នៅព្រឹកថ្ងៃទី ២៥ វិច្ឆិកានេះថា «ដំណើរការប្រឡងបាក់ឌុប មានភាពល្អប្រសើរជាងបណ្តាឆ្នាំមុនៗទៅទៀត ដោយមានការរឹតបន្តឹងខ្លាំង ធ្វើឲ្យសិស្សខំរៀន បើមិនខំរៀនទេ មិនអាចប្រឡងជាប់ ឬទទួលបាននិទ្ទេសល្អបានទេ ដូចទ្រឹស្ដី ឯកឧត្ដមឧបនាយករដ្ឋមន្ត្រី ហង់ជួន ណារ៉ុន លើកឡើងអីចឹង អ្នកចេះអត់ចេះធ្លាក់។ ដល់អីចឹង ឈប់សូកអីចឹង បាក់ឌុបជាតិគាំទ្រ ១៨០% តែម្តង ឲ្យបន្តធ្វើព្រោះបានផលច្រើនណាស់»។ លោក បានបន្តថា «ការប្រឡងនេះ គិតពីហ្គ្រេត មិនមែនមិនឲ្យសិស្សរៀនបន្តទៀតទេ។ ប្រឡងបាក់ឌុបជាតិ ត្រូវតែមាន ព្រោះថាសិស្សជាប់មានគុណភាពពូកែពិតមែន ពិសេសសិស្សជាប់ A ខំរៀនតែម្ដង»។
ចំណែកលោក គង់ សំនៀង ប្រធានសហព័ន្ធសេវាអប់រំនៅកម្ពុជា បានមានប្រសាសន៍ថា ការប្រឡងបាក់ឌុបបានក្លាយជាទម្លាប់ទៅហើយ ដោយមានការរៀបចំយ៉ាងតឹងរ៉ឹង មានការសង្កេតការណ៍ពីអង្គភាពប្រឆាំងអំពើពុករលួយ អប្បមាទ និងគណៈមេប្រយោគនៅទូទាំងប្រទេស។
![](https://www.kampucheathmey.com/wp-content/uploads/2023/11/photo_2021-10-06_10-38-30.jpg)
លោកបន្តថា ចំពោះលទ្ធផលឆ្នាំនេះមានសិស្សជាប់កើនឡើង ពិសេសសិស្សជាប់និទ្ទេស A ដែលបង្ហាញពីការគ្រប់គ្រងដំណើរការប្រឡងបានល្អ សិស្សខិតខំរៀនទើបធ្វើឲ្យសិស្សជាប់ច្រើន។ យ៉ាងណាក៏ដោយ លោកស្នើថា «ប្រសិនបើការប្រឡងក្លាយជាទម្លាប់ទៅហើយនោះ នៅឆ្នាំក្រោយៗទៀត ក្រសួង គួរតែរៀបចំដំណើរការប្រឡងដោយខ្លួនឯង ម្ចាស់ការដោយខ្លួនឯង ព្រោះក្រសួងមានបទពិសោធន៍គ្រប់គ្រាន់ មានទាំងអប្បមាទ គណៈមេប្រយោគក្នុងការត្រួតពិនិត្យ និងដំណើរការប្រឡង ដោយមិនចាំបាច់មានការចូលរួមពីអង្គភាពប្រឆាំងអំពើពុករលួយទៀតនោះទេ»។
![](https://www.kampucheathmey.com/wp-content/uploads/2023/11/398561286_729273422559417_5241062756716593865_n1.jpg)
គួរជម្រាបថា ប្រឡងបាក់ឌុបឆ្នាំ ២០២៣ នេះ មានបេក្ខជនប្រឡងជាប់សរុប ចំនួន ៩៨ ៤៦០ នាក់ត្រូវជា ៧២,៨៩ ភាគរយ នៃចំនួនបេក្ខជនមកប្រឡងចំនួន ១៣៥ ០៨៤ នាក់ ស្រី ៧២ ៣៤៤ នាក់ ក្នុងចំណោមបេក្ខជនចុះឈ្មោះប្រឡងសរុបចំនួន ១៣៧ ៤១២ នាក់ ស្រី ៧៣ ២៧៨ នាក់។ ក្នុងនោះ បេក្ខជនជាប់និទ្ទេស A ចំនួន ១ ៦៧៣ នាក់, និទ្ទេស B ចំនួន ៦ ៩៦៤ នាក់ និទ្ទេស C ចំនួន ១៨ ៣០៨ នាក់, និទ្ទេស D ចំនួន ៣៤ ២៤៦ នាក់, និងនិទ្ទេស E ចំនួន ៣៧ ២៦៩ នាក់៕
អត្ថបទ ៖ សំអឿន
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ