ព័ត៌មានជាតិ
អ្នកនាំពាក្យ៖ ឆ្នាំនេះក្រសួងអប់រំ មិនលើកទឹកចិត្តឲ្យបេក្ខជនតវ៉ាលទ្ធផលប្រឡងបាក់ឌុប នោះទេ
អ្នកនាំពាក្យក្រសួងអប់រំយុវជន និងកីឡា បានអះអាងថា សម្រាប់ឆ្នាំនេះ ក្រសួង មិនលើកទឹកចិត្តឲ្យបេក្ខជនប្រឡងបាក់ ឌុប តវ៉ាទាក់ទងនឹងលទ្ធផលប្រឡង ដែលនឹងត្រូវប្រកាសនៅរសៀលថ្ងៃទី ២៣ ខែវិច្ឆិកា សម្រាប់មណ្ឌលភ្នំពេញ និងខេត្តកណ្តាល និងថ្ងៃទី ២៤ ខែវិច្ឆិកា សម្រាប់ខេត្តផ្សេងៗ នោះទេ។
![](https://www.kampucheathmey.com/wp-content/uploads/2023/11/photo_2023-08-23_01-14-00-1-1.jpg)
លោក ស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍នៅព្រឹកថ្ងៃទី ២៣វិច្ឆិកានេះថា «ការប្រឡងបាក់ឌុបនេះ ពិតជាប្រព្រឹត្តទៅតាមគោលការណ៍ច្បាប់ តម្លាភាព យុត្តិធម៌ និងលទ្ធផលទទួលយកបាន។ អាស្រ័យហេតុនេះ ក្រសួងអប់រំ យុវជន និងកីឡា ពុំលើកទឹកចិត្តបេក្ខជន ក្នុងការតវ៉ានោះទេ»។
![](https://www.kampucheathmey.com/wp-content/uploads/2023/11/399904649_729271339226292_8021236579550724126_n-1-1024x768.jpg)
លោកស្រី បានណែនាំឲ្យសិស្សានុ-សិស្សទាំងអស់ ដែលជាបេក្ខជនទៅស្តាប់ និងមើលលទ្ធផលប្រឡងនៅរសៀលថ្ងៃនេះ ឬព្រឹកថ្ងៃស្អែក ត្រូវធ្វើដំណើរដោយប្រយ័ត្នប្រយែង ហើយរក្សារបៀបរៀបរយ រក្សាវប្បធម៌ចែករំលែក និងសីលធម៌ជាកូនខ្មែរ ក៏ដូចជាមានស្មារតីទទួលខុសត្រូវខ្ពស់ ក្នុងការទទួលយកលទ្ធផលនេះ។
សម្រាប់ឆ្នាំ ២០២៣នេះ ក្រសូងអប់រំ យុវជន និងកីឡា បានរៀបចំប្រឡងសញ្ញាបត្រមធ្យមសិក្សាទុតិយភូមិសម័យប្រឡង ០៦ វិច្ឆិកា ២០២៣ មានបេក្ខជនចុះឈ្មោះប្រឡងសរុបចំនួន ១៣៧,៤១២នាក់ស្រី ៧៣,២៧៨នាក់ ចែកជា ២២៧មណ្ឌលប្រឡង ត្រូវជា ៥,៥៤៣បន្ទប់។ ក្នុងនោះ មានបេក្ខជនមកប្រឡងចំនួន ១៣៥,០៨៤នាក់ ស្រី ៧២,៣៤៤នាក់។ ក្នុងនោះ មានបេក្ខជនប្រឡងជាប់សរុប ៩៨,៤៦០នាក់ ត្រូវជា ៧២.៨៩ ភាគរយនៃចំនួន បេក្ខជនមកប្រឡង។
ក្នុងនោះបេក្ខជនជាប់និទ្ទេស A ចំនួន ១,៦៧៣នាក់, និទ្ទេស B ចំនួន ៦,៩៦៤នាក់ និទ្ទេស C ចំនួន ១៨,៣០៨នាក់, និទ្ទេស D ចំនួន ៣៤,២៤៦នាក់, និង និទ្ទេស E ចំនួន ៣៧,២៦៩នាក់។
សូមម្រាបថា ឆ្នាំមុនមានបេក្ខជនចុះឈ្មោះប្រឡងបាក់ឌុបចំនួន ១២៨,១៣៤នាក់ ស្រី ៦៨,៧៧១នាក់ ចែកចេញជា ២២១មណ្ឌល ត្រូវជា ៥,១៧៤បន្ទប់។ ក្នុងនោះ មានបេក្ខជនប្រឡងជាប់ចំនួន៩០,៩៥០នាក់ស្មើនឹង ៧២,៣៣% នៃបេក្ខជនមកប្រឡងចំនួន ១២៥,៧៣៥នាក់។ ក្នុងនោះ មានបេក្ខជនជាប់និទ្ទេស A ចំនួន ១,០៤៩នាក់ និទ្ទេស B ចំនួន ៧,២៣២នាក់ និទ្ទេស C ចំនួន ១៩,០៥៣នាក់និទ្ទេស D ចំនួន ៣១,១៦៦នាក់ និងនិទ្ទេស E មានចំនួន ៣២,៤៥០នាក់៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
សន្តិសុខសង្គម១ សប្តាហ៍ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
ព័ត៌មានជាតិ៦ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
ព័ត៌មានជាតិ១ សប្តាហ៍ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
សន្តិសុខសង្គម១ សប្តាហ៍ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៦ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង
-
ព័ត៌មានអន្ដរជាតិ៧ ថ្ងៃ ago
អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិនប្រចាំកម្ពុជា
-
ព័ត៌មានជាតិ៣ ថ្ងៃ ago
ចម្រៀង “ព្រែកជីកហ្វូណនតេជោប្រវត្តិសាស្ត្រ ” បង្កប់អត្ថន័យជ្រាលជ្រៅពីសក្តានុពលបំរើសេដ្ឋកិច្ចថ្មី ច្រៀងដោយឧកញ៉ា សំ សុខនឿន