សហភាពសហព័ន្ធយុវជនកម្ពុជាខេត្តស្វាយរៀង រៀបចំព្រឹត្តិការណ៍ផ្លាស់ប្តូរវប្បធម៌ប្រពៃណីរវាង កម្ពុជា-ជប៉ុន

សមាគមជនជាតិជប៉ុននៅកម្ពុជាសហការជាមួយសហភាពសហព័ន្ធយុវជនកម្ពុជាខេត្តស្វាយរៀង រៀបចំព្រឹត្តិការណ៍ផ្លាស់ប្តូរវប្បធម៌ប្រពៃណីរវាង កម្ពុជា-ជប៉ុនរយៈពេល ២ ថ្ងៃចាប់ពីថ្ងៃទី ២ និងទី ៣ ខែធ្នូ ឆ្នាំ ២០២៣ ចាប់ពីម៉ោង ៥៖០០នាទីល្ងាច រហូតដល់ម៉ោង ៩៖០០នាទីយប់ នៅឯបរិវេណខាងជើង នៃប្រាសាទបាយ័ន ខេត្តសៀមរាប។

ព្រឹត្តិការណ៍នេះរៀបចំឡើង ដើម្បីអបអរសាទរខួបអនុស្សាវរីយ៍លើកទី៧០ នៃការបង្កើតទំនាក់​ទំនងការទូតរវាង ព្រះរាជាណាចក្រកម្ពុជា និងប្រទេសជប៉ុន មានគាំទ្រដោយ ស្ថានទូតជប៉ុនប្រចាំនៅកម្ពុជា ក្រសួងវប្បធម៌ និងវិចិត្រសិល្បៈ រដ្ឋបាលខេត្តសៀមរាប អាជ្ញាធរជាតិអប្សរា សមាគម កាន់សៃ អូសាកា សតវត្សន៍ទី២១​（មូលនិធិរំលឹកដល់ពិព័រណ៍ពិភពលោកឆ្នាំ១៩៧០) និងសហការផ្សព្វផ្សាយដោយទូរទស្សន៍ BTV។

ព្រឹត្តិការណ៍ផ្លាស់ប្តូរវប្បធម៌ប្រពៃណី នឹងនាំយកនូវទស្សនីយភាពដ៏អស្ចារ្យ នឹង​ជា​ព្រឹ​ត្តិការណ៍​សិល្បៈ​ដ៏​ធំ​មួយ​ដោយ​មាន​សិល្បករ​-​សិល្ប​ការិនី កម្ពុជា និង ជប៉ុន សម្តែងជាង ១០០នាក់ រួមមានទស្សនីយភាពដូចជា៖

– ការសម្តែងវង់ភ្លេងខ្មែរចម្រុះ (កម្ពុជា)

– ការសម្តែង Classic/distant sound of deer (ជប៉ុន)

– ការសម្តែង Reison Kuroda/Smoke (ជប៉ុន)

– ការសម្តែង Dai Fujikura / Ai for sho (ជប៉ុន)

– ការសម្តែង Motoharu Kawashima / Aison-ritsu Doufu (ជប៉ុន)

– ការសម្តែង Classic / Dragonfly (Kse Diev) (ជប៉ុន)

– ការសម្តែង Yu Kuwabara / title, trio (ជប៉ុន)

– ការសម្តែងរបាំព្រះរាជទ្រព្យ (កម្ពុជា)

– ការសម្តែងល្ខោនខោល (កម្ពុជា)

– ការសម្តែងរបាំប្រពៃណីចម្រុះ និងទស្សនីយភាពពិសេស (កម្ពុជា)

– ការសម្តែង Noh (ជប៉ុន)

– ការសម្តែង Gagaku (ជប៉ុន)

– ការសម្តែងវង់តន្ត្រី ជុំគ្នារវាងសិល្បករ សិល្បការិនី កម្ពុជា-ជប៉ុន។

សូមជំរាបថា ព្រឹត្តិការណ៍នេះ នឹងសម្ដែងជូនដល់ភ្ញៀវជាតិ ភ្ញៀវអន្តរជាតិ ទស្សនិកជនចូលរួមទស្សនាដោយសេរី នៅថ្ងៃទី០២ និងថ្ងៃទី០៣ ខែធ្នូ ឆ្នាំ២០២៣ ចាប់ពីម៉ោង ៥៖០០នាទីល្ងាច រហូតដល់ម៉ោង ៩៖០០នាទីយប់ នៅឯបរិវេណខាងជើង នៃប្រាសាទបាយ័ន ខេត្តសៀមរាប៕