ព័ត៌មានជាតិ
ជនមានពិការភាព ៦នាក់ ក្នុងនោះម្នាក់អាយុ ៥៦ឆ្នាំ បានចុះឈ្មោះចូលរៀនជំនាញវិជ្ជាជីវៈ បច្ចេកទេស វគ្គដំបូង
មន្រីជាន់ខ្ពស់ក្រសួងការងារ បានឲ្យដឹងថា មានជនមានពិការភាពចំនួន ៦នាក់ បានចុះឈ្មោះចូលរៀនវគ្គបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់វគ្គដំបូងដែលចាប់ផ្ដើមនាពាក់កណ្ដាលខែមករា ឆ្នាំ ២០២៤នេះ។
លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍នៅក្នុងពិធីបើកវគ្គបណ្ដុះបណ្ដាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យវគ្គដំបូង កាលពីព្រឹកថ្ងៃទី ១៥ ខែមករានេះ នៅវិទ្យាស្ថានជាតិពហុបច្ចេកទេសកម្ពុជាថា សម្រាប់ការបើកវគ្គបណ្ដុះបណ្ដាលដំបូងនេះ មានយុវជនមកពីគ្រួសារក្រីក្រ និងគ្រួសារងាយរងហានិភ័យ ប្រមាណជាង ២ម៉ឺន ៤ពាន់នាក់ បានចុះឈ្មោះចូលរៀន។ ក្នុងចំណោមនោះ មានជនមានពិការភាពចំនួន ៦នាក់ បានចុះឈ្មោះផងដែរ។
លើសពីនេះទៀត ក្នុងចំណោមជនមានពិការភាពទាំង ៦នាក់នោះ មានម្នាក់មានអាយុដល់ទៅ ៥៦ឆ្នាំឯណោះ។ លោក ហេង សួរ បានបន្ថែមថា «ហើយនៅថ្ងៃនេះ ក្រៅពីលោកពូ ក៏នៅមានបុគ្គលដែលមានពិការភាពចំនួន ៥រូបផ្សេងទៀត ក៏បានចុះឈ្មោះចូលរៀន នៅក្នុងកម្មវិធីបណ្ដុះបណ្ដាលបច្ចេកទេសរបស់យើង»។
ក្នុងនាមជារដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោក ហេង សួរ បានសម្ដែងការកោតសរសើរ និងលើកទឹកចិត្តដល់យុវជន និងបុគ្គលដែលមានពិការភាពទាំងអស់ ដែលបានចុះឈ្មោះចូលរៀនក្នុងវគ្គដំបូងនេះ ហើយក៏ថ្លែងអំណរគុណដល់បណ្ដាគ្រឹះស្ថានបណ្ដុះបណ្ដាលបច្ចេកទេសទាំងអស់ ដែលបានបង្កលក្ខណៈងាយស្រួលដល់ពួកគាត់ ក្នុងការចូលរៀន។
សូមជម្រាបថា កាលពីថ្ងៃទី ១៤ ខែវិច្ឆិកា ឆ្នាំ ២០២៣កន្លងទៅនេះ រាជរដ្ឋាភិបាលកម្ពុជា បានប្រកាសដាក់ឲ្យដំណើរការកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន ១លាន ៥សែននាក់។
វគ្គបណ្ដុះបណ្ដាលនេះ មានរយៈពេល ៤ខែ ហើយការចុះឈ្មោះចូលរៀនមិនតម្រូវឲ្យបង់ប្រាក់នោះទេទេ។ ចំពោះយុវជនមកពីគ្រួសារក្រីក្រ និងគ្រួសារងាយរងហានិភ័យ នឹងទទួលបានថវិកាឧបត្ថម្ភបន្ថែមចំនួន ២៨ម៉ឺនរៀល ក្នុងមួយខែថែមទៀត។
មុខជំនាញសម្រាប់ជំហានដំបូងមានចំនួន ៣៨មុខជំនាញ នៅក្នុងវិស័យអាទិភាពចំនួន ១០ រួមមាន៖ សំណង់, អគ្គិសនី និងថាមពល,អេឡិចត្រូនិក, បរិក្ខារត្រជាក់ និងកម្ដៅ,កម្មន្តសាល,មេកានិកទូទៅ/មេកានិករថយន្ត,ទេសចរណ៍, សេវាកម្ម, កសិកម្ម និងកសិ-ឧស្សាហកម្ម, និង ធុរកិច្ច និងព័ត៌មាន៕
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១២ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន