ព័ត៌មានជាតិ
សម្ដេចនាយករដ្ឋមន្ត្រី៖ ដោយសារតម្លៃស្រូវថ្លៃ ជាហេតុនាំឱ្យកសិករសម្រុកធ្វើស្រូវប្រាំងលើសផែន ការ
សម្ដេចធិបតី នាយករដ្ឋមន្ត្រីនៃកម្ពុជា បានថ្លែងថា ដោយសារតែតម្លៃស្រូវបានថ្លៃ ជាហេតុនាំឱ្យប្រជាកសិករសម្រុកធ្វើស្រូវប្រាំងលើសផែនការ រហូតខ្វះទឹកធ្វើស្រូវ។

ថ្លែងក្នុងពិធីបិទសន្និបាតបូកសរុបការងារប្រចាំឆ្នាំ របស់ក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃទី៣០ ខែមករា ឆ្នាំ២០២៤នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងដូច្នេះថា៖ «ឆ្នាំទៅ កម្ពុជាមានភាពអំណោយផលច្រើនទាំងការធ្វើស្រូវនៅរដូវវស្សា និងនៅរដូវប្រាំង ខណៈតម្លៃក៏ឡើងខ្ពស់ល្អ តែដោយសារតែតម្លៃឡើងខ្ពស់នេះ ប្រជាកសិករយើង ក៏បានសម្រុកធ្វើស្រូវប្រាំងលើសផែនការ»។
សម្ដេចធិបតី បន្តថា ពិតណាស់ នេះជាកិច្ចការល្អ ប៉ុន្តែ មិនត្រូវមើលរំលងនោះឡើយ ផ្ទុយទៅវិញ ត្រូវតែតាមដានជាប់ប្រចាំលើកិច្ចការនេះ ហើយជាពិសេសនៅពេលដែលពិភពលោក បានព្យាករណ៍ថា ឥទ្ធិពលអានីញ៉ូ អាចមានរយៈពេលវែងទៀត។ ដូច្នេះហើយ ទើបនៅបណ្ដាខេត្តមួយចំនួន បានណែនាំមិនឱ្យប្រជាកសិករធ្វើស្រូវប្រាំង សម្រាប់ជុំទី២នេះ។

សម្ដេចធិបតី គូសបញ្ជាក់ថា ទឹកដែលមាននៅក្នុងអាង គឺត្រូវបានប្រើប្រាស់ទាំងសម្រាប់ធ្វើស្រូវ និងទាំងសម្រាប់ប្រជា ជនប្រើប្រាស់ ដូច្នេះ ការធានាប្រភពទឹកប្រើប្រាស់ ត្រូវតែគិតពីផែនការជាក់ស្ដែង។ សម្ដេច នាយករដ្ឋមន្ត្រី បានថ្លែងថា ការថែរក្សា និងការប្រើប្រាស់ជាយុទ្ធសាស្ត្រក្នុងរយៈពេលវែង ទាមទារឱ្យរៀបចំផែនការអនុវត្តជាជំហាន ដើម្បីធានាការដោះស្រាយចំពោះមុខ និងបម្រុងរយៈពេលតទៅទៀត។
តែយ៉ាងណា សម្ដេចធិបតី ក៏បានអរគុណអាជ្ញាធរមូលដ្ឋានចំពោះការជួយសង្គ្រោះទាន់ពេលវេលាក្នុងការដាក់ម៉ាស៊ីនបូមទឹកជួយសង្គ្រោះស្រូវរបស់ប្រជាកសិករ កន្លងមកនេះ ខណៈកន្លែងជាច្រើន បានធានាការដោះស្រាយបញ្ហាប្រកបដោយជោគជ័យ៕

-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?