ព័ត៌មានជាតិ
រដ្ឋបាលខេត្ដសៀមរាប នឹងស្នើទៅរដ្ឋាភិបាលបន្តឧបត្ថម្ភប្រាក់ដល់ពលរដ្ឋរស់នៅក្រុងរុនតាឯក
រដ្ឋបាលខេត្តសៀមរាប ទទួលយកសំណើពីប្រជាពលរដ្ឋក្នុងការសុំបន្ដឱ្យជួយឧបត្ថម្ភកញ្ចប់ថវិកាដល់ពលដ្ឋនៅទីក្រុងរុនតាឯកតេជោសែន អតីតរស់នៅតំបន់រមណីយដ្ឋានអង្គរ ដើម្បីដាក់ជូនរាជរដ្ឋាភិបាលសម្រេច បន្ទាប់ពីរាជរដ្ឋាភិបាលកែសម្រួលកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលកូវីដ១៩ ។
ការចុះសម្របសម្រួលជាមួយពលរដ្ឋនេះ ធ្វើឡើងនៅថ្ងៃទី៣០ ខែមករាឆ្នាំ២០២៤ ដោយមានប្រជាពលរដ្ឋជាងមួយពាន់គ្រួសារចូលរួម។ លោក លី វណ្ណៈ នាយករដ្ឋបាលសាលាខេត្ដសៀមរាប មានប្រសាសន៍ថា ដើម្បីលើកទឹកចិត្ដដល់ប្រជាពលរដ្ឋអតីតរស់នៅតំបន់អង្គរ ហើយទៅរស់នៅតំបន់អភិវឌ្ឍន៍រុនតាឯក រាជរដ្ឋាភិបាលបានអភិវឌ្ឍន៍តំបន់នោះឱ្យទៅជាក្រុងទីប្រជុំជនធំ ដើម្បីលើកស្ទួយជីវភាពរបស់ប្រជាជន។
លោកបន្ដថា ក្រោយពីបានជួបជាមួយប្រជាពលរដ្ឋ រដ្ឋបាលខេត្ដ ក៏បានទទួលយកសំណើរបស់ប្រជាពលរដ្ឋ ដែលសុំឱ្យបន្ដជួយឧបត្ថម្ភទឹកប្រាក់ សម្រាប់ពួកគាត់ស្ម័គ្រចិត្ដចាកចេញពីតំបន់អង្គរ ដើម្បីដាក់ជូនរាជរដ្ឋាភិបាលសម្រេច។ ដោយឡែក ការកែសម្រួលសាច់ប្រាក់បណ្ណសមធម៌នោះ គឺនៅដដែល ដោយមួយគ្រួសារទទួលបាន១២ម៉ឺរៀលក្នុងមួយខែ រួមទាំងសមាជិកកុមារពីសូន្យឆ្នាំដល់៥ឆ្នាំ ជនមានពិការភាព មនុស្សចាស់អាយុចាប់ពី៦០ឆ្នាំឡើង សមាជិកគ្រួសារក្រីក្រមានផ្ទុកមេរោគអេដស៍។ លោកបានបន្ដថា រាជរដ្ឋាភិបាល មិនបានទុកប្រជាពលរដ្ឋនៅតំបន់អភិវឌ្ឍន៍រុនតាឯកចោលនោះទេ គឺធ្វើយ៉ាងណានឹងអភិវឌ្ឍន៍នៅតំបន់នោះ ឱ្យប្រជាពលរដ្ឋមានជីវភាពធូរធារ មានការងារធ្វើ ជាពិសេសរដ្ឋាភិបាលបានផ្ដល់ជំនាញបច្ចេកទេសវិជ្ជាជីវៈដោយមិនគិតថ្លៃដល់ពលរដ្ឋផងដែរ៕
អត្ថបទ៖ គឿន វេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង