Connect with us

ព័ត៌មានជាតិ

​អត្ថបទខ្លី ជូនចំពោះ​មិត្តជាទីស្រឡាញ់​

បានផុស

នៅ

ជូន​ចំពោះមិត្តជាទី​ស្រលាញ់​! ​មិនមាន​ពាក្យ​ដែល​អាច​ថ្លែង​បាន​សម្រាប់​ក្តី​ស្រឡាញ់​ដែល​ខ្ញុំមាន​។ ​ខ្ញុំគ្រាន់​តែ​ចង់​ឲ្យអ្នកដឹង​ថា ​ខ្ញុំនឹង​មិនអាច​កែប្រែខ្លួន​ទៅ​ជាមនុស្ស​ដូចខ្ញុំសព្វថ្ងៃនេះ​បាន ​ប្រសិនបើ​ខ្ញុំមិន​បានជួបឯង​។​ ​ឯងតែង​តែ​នៅ​ទីនោះ​សម្រាប់ខ្ញុំ​ ​ក្នុងគ្រាទុក្ខ​ព្រួយ​របស់ខ្ញុំ​ ហើយ​នឹង​តែងតែ​ជា​ជញ្ជាំង​ដែល​ខ្ញុំអាច​ពឹង​ផ្អែក​បាន​។ ​អរគុណ​សម្រាប់ក្តី​ស្រឡាញ់​ដែល​គ្មាន​លក្ខខណ្ឌ​និង​ការ​គាំទ្រ​ជានិច្ច​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អរគុណរាល់​យប់ដែល​តែង​តែនៅក្បែរ​ខ្ញុំ ​ខណៈពេល​ដែល​ខ្ញុំកំពុងយំ​និងខូច​ចិត្តចំពោះ​មនុស្ស​ម្នាក់​ដែល​បាន​បោះបង់ខ្ញុំ​ចោល​។ ​អ្នកតែងតែ​ការពារនិង​យកចិត្តទុកដាក់យ៉ាងខ្លាំងមកលើខ្ញុំ ហើយខ្ញុំ​ក៏នឹងមិន​ភ្លេច​រឿង​នេះជា​ដាច់ខាត​។ ​សូម​អរគុណ​ចំពោះរាល់​ដំបូន្មាន​ល្អៗ​ និងរាល់​ទឹកភ្នែក​ទាំងអស់​ដែលអ្នកបាន​ចែករំលែក​ជា​មួយ​ខ្ញុំ។ ​ខ្ញុំមិនដឹង​ជាអរគុណ​យ៉ាងណា​ទៀតទេ ​សម្រាប់​រាល់អ្វីគ្រប់​យ៉ាងដែល​អ្នកបានធ្វើ​សម្រាប់ខ្ញុំ​ព្រមទាំង​ជួយឲ្យ​ខ្ញុំ​មានអារម្មណ៍​ប្រសើរឡើង​។ ​ខ្ញុំដឹង​ថា ជីវិត​នឹង​ព្យាយាមបញ្ជូនពួកយើង​ទៅផ្លូវផ្សេងគ្នានា​ពេលខាងមុខ ​ប៉ុន្តែ​ខ្ញុំចង់​ឲ្យ​អ្នកដឹងថា ​ខ្ញុំនឹង​មិនភ្លេច​អ្នកនោះទេ​។​ ខ្ញុំ​នឹងនៅក្បែរ​អ្នកជានិច្ច​ ទោះបីជាយើង​ទៅមហា​វិទ្យាល័យ​ផ្សេងៗគ្នា កន្លែងការងារផ្សេងគ្នា ឬបើសិនជាជីវិតបាន​បំបែកពួក​យើងតាម​របៀបផ្សេង​ទៀតក៏ដោយ​ ​ក៏ខ្ញុំនឹង​នៅចង​ចាំអ្នក​ជានិច្ច​។ ​អ្នកដឹងទេ? ​ខ្ញុំគិតថា​ព្រះជាម្ចាស់​ចាត់ទេវតា​មួយរូប​ឲ្យមកជួយ​ការពារពួកយើង​និងនៅ​ជាមួយពួក​យើង​ក្នុងកាលៈទេសៈ​ល្អ ​ឬអាក្រក់​ ​ប៉ុន្តែសម្រាប់ខ្ញុំ​ ​ខ្ញុំគិតថាម្នាក់​នោះគឺជាអ្នក​។​

មិនថា​មានរឿងអ្វី​កើត​ឡើងក៏ដោយ ​អ្នកនឹង​ក្លាយ​ជាមនុស្សសំខាន់ម្នាក់​របស់ខ្ញុំ​ជានិច្ច​។​អ្នកនឹងក្លាយ​ជា​ព្រះអាទិត្យ​បន្ទាប់​ពី​ភ្លៀង​បាន​បញ្ឈប់​ ​និងជា​មនុស្សទីមួយដែលខ្ញុំ​ហៅមុនគេ ​ពេលដែលរឿង​អាក្រក់​កើតឡើងចំពោះខ្ញុំ​ ហើយ​អ្នកក៏​ជា​មនុស្សទីមួយដែលខ្ញុំ​ចែករំលែក​រឿងរីករាយ​ជាមួយ​ ​ពីព្រោះ​អ្នកជាជីវិត​ពាក់កណ្តាល​របស់ខ្ញុំ ជា​ Soulmate​ ​និងជាបងប្អូនល្អ​។ ​ខ្ញុំដឹងថា ​ខ្ញុំនឹងមាន​មិត្តភក្តិជា​ច្រើននៅ​ក្នុងជីវិត​នេះ ​ប៉ុន្តែ​សេចក្តី​ស្រឡាញ់​របស់ខ្ញុំ​ចំពោះ​អ្នក​គឺអស់ពីចិត្ត។ ​ខ្ញុំសន្យា​នឹងអ្នកថា ​ខ្ញុំនឹងនៅទីនោះ​សម្រាប់អ្នកជានិច្ច​ដូចអ្នកនៅក្បែរខ្ញុំ។ ​ខ្ញុំនឹងព្យាយាម​ចូលរួមក្នុង​ជីវិតរបស់​អ្នកតាម​ដែលអាច​ធ្វើទៅបាន ​ហើយ​មិនថា​ខ្ញុំរៀបការឬមានកូនទេ ខ្ញុំនឹងមិនភ្លេចអ្នកឡើយ​។​​ ខ្ញុំចង់ឲ្យអ្នកដឹងថា ខ្ញុំនឹងនៅទីនោះសម្រាប់អ្នក រាល់ពេលដែលអ្នកត្រូវការខ្ញុំ ដូចដែលអ្នកនៅទីនោះសម្រាប់ខ្ញុំគ្រប់ពេលខ្ញុំត្រូវការអ្នក។ ខ្ញុំមិនដែលភ្លេចពេលអ្នកឱបខ្ញុំនៅពេលមនុស្សគ្រប់គ្នាបោះបង់ខ្ញុំចោលនោះទេ។ ខ្ញុំនឹងរក្សាការចងចាំនោះនៅក្នុងចិត្តខ្ញុំជារៀងរហូតទៅ៕

អរគុណសម្រាប់ក្តីស្រលាញ់ដ៏ស្មោះត្រង់!

អត្ថបទ៖ មួង ពិសី

ចុចអាន៖ ​អារម្មណ៍​មួយ​នៅ​ពេល​​ជួប​មនុស្ស​ដែល​ធ្វើ​ឲ្យអ្នក​មាន​អារម្មណ៍​កក់​ក្តៅ​ខ្លាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៧ នាទី មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ២ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៣ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៥ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៦ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១១ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៩ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៣ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៥ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១០ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម