ព័ត៌មានជាតិ
ឆ្នាំនេះ ជប៉ុន នឹងជ្រើសរើសពលករចំនួន ៤ ជំនាញ ទៅធ្វើការនៅប្រទេសជប៉ុន
អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា សម្រាប់ឆ្នាំ ២០២៤ នេះ ជប៉ុន គ្រោងនឹងរៀបចំការប្រឡងតេស្តជ្រើសរើសពលករជំនាញកម្ពុជាទៅធ្វើការនៅប្រទេសជប៉ុនចំនួន ៤ ជំនាញ រួមមាន ៖ ជំនាញថែទាំមនុស្សចាស់ សម្អាតអគារ សំណង់ និងការងារនៅភោជនីយដ្ឋាន។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ៧ កុម្ភៈ នេះថា កម្ពុជា បានចាប់ផ្ដើមបញ្ជូនពលករជំនាញទៅធ្វើការនៅប្រទេសជប៉ុន ឆ្នាំ ២០១៩ ក្រោយក្រសួងការងារ និងបណ្ដុះបណ្ដាលវិជ្ជាជីវៈ ចុះអនុស្សរណៈ នៃកិច្ចសហប្រតិបត្តិការជាមួយក្រសួងមានសមត្ថកិច្ចជប៉ុន។
លោកបានបន្តថា ជារៀងរាល់ឆ្នាំ ភាគីជប៉ុន តែងតែរៀបចំការប្រឡងតេស្តជំនាញ និងភាសាសម្រាប់ការអនុវត្តគម្រោងបញ្ជូនពលករជំនាញទៅធ្វើការនៅប្រទេសជប៉ុន។ ជាផែនការសម្រាប់ឆ្នាំ ២០២៤ ភាគីជប៉ុន គ្រោងនឹងរៀបចំការប្រឡងតេស្តជ្រើសរើសពលករជំនាញទៅធ្វើការនៅប្រទេសជប៉ុន សម្រាប់ផ្នែកថែទាំមនុស្សចាស់ សម្អាតអគារ សំណង់ និងការងារនៅភោជនីយដ្ឋាន ទៅតាមពេលវេលា និងការជូនដំណឹងរបស់ភាគីជប៉ុនជាក់ស្ដែង។
លោកបានបន្តទៀតថា ជាទូទៅ ពលករជំនាញផ្នែកសំណង់ជាមធ្យមទទួលបានប្រាក់ខែចំនួនចន្លោះ ១ ៥០០ ទៅ ១ ៦០០ ដុល្លារអាមេរិក ខណៈបច្ចុប្បន្ន មានពលករជំនាញកម្ពុជាផ្នែកសំណង់ចំនួនប្រមាណ ៣០០ នាក់ ដែលកំពុងស្នាក់នៅ និងធ្វើការនៅប្រទេសជប៉ុន។ ក្រៅពីពលករជំនាញផ្នែកសំណង់ មានពលករជំនាញផ្នែកផ្សេងទៀត ដែលត្រូវបានបញ្ជូនទៅធ្វើការនៅប្រទេសជប៉ុន ដូចជាផ្នែកថែទាំមនុស្សចាស់, សំអាតអគារ, ផលិតគ្រឿងបន្លាស់, ផលិតគ្រឿងម៉ាស៊ីន, ផលិតគ្រឿងអគ្គិសនី និងអេឡិចត្រូនិក, ផលិតនាវា, ជួសជុល និងដំឡើងរថយន្ត, រៀបចំបន្ទប់ស្នាក់នៅ, កសិកម្ម, ផលិតអាហារ និងភេសជ្ជៈ និងការងារនៅភោជនីយដ្ឋាន។
លោកបានបញ្ជាក់ថា គិតត្រឹមឆ្នាំ ២០២៣ មានពលករកម្ពុជា ជាកម្មសិក្សាការី និងពលករជំនាញ ដែលកំពុងស្នាក់នៅ និងធ្វើការនៅប្រទេសជប៉ុន មានចំនួនជាង ២០ ០០០ នាក់ ហើយជាគោលដៅនៅថ្ងៃខាងមុខ កម្ពុជា គ្រោងនឹងជំរុញការបណ្ដុះបណ្ដាលជំនាញស្របនឹងតម្រូវការទីផ្សារជប៉ុន និងបង្កើនការបញ្ជូនពលករជំនាញទៅប្រទេសជប៉ុនឱ្យបានច្រើនជាងនេះ ដើម្បីទទួលយកជំនាញសំខាន់ៗ មកអភិវឌ្ឍន៍ប្រទេសកម្ពុជា នៅពេលពលករធ្វើមាតុភូមិនិវត្តន៍៕
អត្ថបទ ៖ សំអឿន
ទ័យវត្ថុ បច្ច័យ និងគ្រឿងបរិក្ខារបស់សម្តេចធិបតី ហ៊ុន ម៉ាណែត ត្រូវបានប្រគេនដល់ព្រះសង្ឃគង់នៅក្នុងវត្តចំនួន១៥១វត្ត និងសាលាបុណ្យចំនួន៥
លោក នេត្រ ភក្ត្រា ៖ ការបណ្តុះបណ្តាលអ្នកសារព័ត៌មានពីជំនាញផ្នែកសេដ្ឋកិច្ច គឺជាការផ្ដល់ចំណេះដឹងផ្នែកហិរញ្ញវត្ថុដល់ សាធារណជន
ពលករថៃ៦នាក់ ដែលប៉ុនប៉ងឆ្លងដែនមកធ្វើការនៅកម្ពុជាត្រូវប៉ូលិសថៃបានចាប់ខ្លួន
លោក ប៉ែន បូណា ប្រាប់ឱ្យរដ្ឋាភិបាលថៃប្រញាប់ដោះស្រាយរឿងអាស្រូវដ៏ស្អុយអសោចក្នុងផ្ទះរបស់ខ្លួនហើយបញ្ឈប់វប្បធម៌លាបពណ៌កម្ពុជា
រដ្ឋមន្ត្រីអប់រំលើកទឹកចិត្តគ្រូ និង សិស្សត្រូវតែចេះប្រើ Ai ដើម្បីលើកកម្ពស់គុណភាពការរៀន និងការបង្រៀន
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្សយ៉ាងតិច ៩ នាក់
យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់
ព័ត៌មានបឋម ៖ ប្រទះឃើញសពបុរសម្នាក់ រួមជាមួយដំបងឈើប្រឡាក់ឈាម ក្នុងចំណុចដីឡូត៍ ១ កន្លែង នៅខណ្ឌជ្រោយចង្វារ
ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ
-
ព័ត៌មានអន្ដរជាតិ៦ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៧ ម៉ោង agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ១ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ២ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច១ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក