Connect with us

ព័ត៌មានជាតិ

ដើមឆ្នាំ ២០២៤ កម្ពុជា នាំចេញទំនិញទៅទីផ្សារអាមេរិកកើនឡើងជាង ១១ភាគរយ

បានផុស

នៅ

គិតត្រឹមរយៈពេល១ខែមករា ដើមឆ្នាំ ២០២៤ កម្ពុជា បាននាំចេញទំនិញទៅទីផ្សារអាមេរិក សម្រេចបានទំហំទឹកប្រាក់ប្រមាណជាង ៦២៦លានដុល្លារ កើនឡើងចំនួន ១១,៤ភាគរយ បើធៀបនឹងរយៈពេលដូចគ្នាឆ្នាំ ២០២៣ មានចំនួនជាង ៥៦២លានដុល្លារ។ នេះបើតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបានបញ្ជាក់ថា ទំហំពាណិជ្ជកម្មរវាងប្រទេសទាំងពីរនៅក្នុងខែមករា មានចំនួនសរុប ៦៤៤លានដុល្លារ ក្នុងនោះកម្ពុជាមានចេញទៅអាមេរិក មានចំនួន ៦២៦លានដុល្លារ និងនាំចូលមកវិញមានចំនួនជាង ១៧លានដុល្លារ មានការកើនឡើងចំនួន ១០,៨ភាគរយ។

ចំពោះទំនិញសំខាន់ៗដែល​កម្ពុជា ​នាំទៅ​អាមេរិក មានដូចជា ​សម្លៀកបំពាក់ ផលិត​​ផល​ធ្វើដំណើរ ស្បែកជើង គ្រឿង​បង្គុំ​អេឡិចត្រូនិក​​អគ្គិសនី និង​កង់ ខណៈ​ទំនិញ​អាមេរិក​នាំមក​កម្ពុ​ជា មាន​ដូច​​ជា រថយន្ត ឧបករណ៍​អេឡិចត្រូនិក គ្រឿង​ម៉ាស៊ីន ផលិតផល​ប្រើ​បច្ចេក​វិទ្យា​ទំនើបៗ និង​ឱសថ​ ជាដើម។

អាមេរិក គឺជាទីផ្សារដ៏ធំជាងគេ ដែលបានទទួលទិញទំនិញរបស់កម្ពុជានៅឆ្នាំ ២០២៣។ ក្នុងនោះ សម្រាប់ខែ ធ្នូ ឆ្នាំ ២០២៣ ការនាំចេញរបស់កម្ពុជា ទៅអាមេរិកសម្រេចបានជាង ៧៥៣លានដុល្លារ ស្មើនឹង ០,៣% បើធៀបនឹងឆ្នាំ ២០២២ មានចំនួនជាង ៧៥១ លានដុល្លារអាមេរិក ពោលគឺខ្ពស់ជាងវៀតណាម ចិន និងជប៉ុនជាដើម។

ការនាំចេញរបស់កម្ពុជា ទៅទីផ្សារអាមេរិក មានដំណើរការល្អ ពោលគឺសម្រេចបានជិត ៨,៩០ពាន់លានដុល្លារ រយៈ​ពេល ១២ខែ ឆ្នាំ ២០២៣ ស្មើនឹង ០,៨% បើធៀបនឹងឆ្នាំ ២០២២ មានចំនួន ៨,៩ពាន់លានដុល្លារ។ នេះបើតាម​របាយការណ៍របស់អគ្គនាយកដ្ឋានគយ និងរដ្ឋាករកម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣១ វិនាទី មុន

ក្រុមហ៊ូទី គំរាមបញ្ឆេះភ្លើងសង្គ្រាមជាមួយ អ៊ីស្រាអែល បើហ៊ានវាយទីក្រុង​ជាប់ព្រំដែន អេហ្ស៊ីប

ព័ត៌មានជាតិ៣ នាទី មុន

ដើមឆ្នាំ ២០២៤ កម្ពុជា នាំចេញទំនិញទៅទីផ្សារអាមេរិកកើនឡើងជាង ១១ភាគរយ

ព័ត៌មានជាតិ៥ នាទី មុន

ព្រឹកថ្ងៃច័ន្ទ​ចូលឆ្នាំចិន​ថ្ងៃ​ទី ៣ សាលារៀននៅភ្នំពេញ​មិនមានសិស្សអវត្តមានច្រើនទេ

ព័ត៌មានជាតិ១៤ នាទី មុន

ពលរដ្ឋ ស្នើឱ្យមន្រ្ដីជំនាញបន្តបង្រ្កាបទំនិញគ្មានគុណភាព និងគ្មានច្បាប់អនុញ្ញាត ក្រោយរកឃើញជាបន្តបន្ទាប់

ជីវិតកម្សាន្ដ១៦ នាទី មុន

តារាសម្តែងហុងកុង Charmaine Sheh ព្រលយប្រយោគថា ចង់មានស្នេហានឹងគេក្នុងឆ្នាំថ្មីនេះ

Sokha Hotels

ព័ត៌មានពេញនិយម