Connect with us

ព័ត៌មានជាតិ

រដ្ឋមន្ត្រីក្រសួងអប់រំ៖ មហោស្រពគីហ្សូណាជប៉ុន-កម្ពុជាឆ្នាំ២០២៤​ កាន់តែធ្វើឱ្យទំនាក់ទំនងប្រទេសទាំង២រឹងមាំ

បានផុស

នៅ

លោក ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានលើកឡើងថា មហោស្រព​គីហ្សូណា​រវាងជប៉ុន និងកម្ពុជា ឆ្នាំ២០២៤ នេះ ដើរតួនាទីយ៉ាងសំខាន់ក្នុងការពង្រឹងទំនាក់ទំនងរវាងប្រទេសទាំង២ និងជំរុញឱ្យមានការផ្លាស់ប្តូរប្រជាជន និងប្រជាជន លើផ្នែកវប្បធម៌ និងការអប់រំជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកលើកឡើងបែបនេះ នៅក្នុងកម្មវិធីបើកមហោស្រពគីហ្សូណាជប៉ុន-កម្ពុជាឆ្នាំ២០២៤ ក្រោមប្រធានបទ៖ “ទំព័រថ្មីនៃអនុស្សាវរីយ៍” នៅល្ងាចថ្ងៃទី២២ ខែកុម្ភៈ ឆ្នាំ២០២៤។ កម្មវិធីនេះ ធ្វើរយៈពេល៣ថ្ងៃ នៅCJCC ដោយមានការបង្ហាញពីវប្បធម៌ជប៉ុន និងកម្ពុជា រួមជាមួយសិក្ខាសាលា អាហារូបករណ៍ ស្តង់អាហារ និងល្បែងកម្សាន្តជាច្រើនទៀត ហើយកម្មវិធីនេះ អាចចូលរួមដោយសេរី។

លោក ហង់ជួន ណារ៉ុន បានសង្កត់ធ្ងន់ ប្រទេសទាំង២ ទន្ទឹងរង់ចាំក្នុងការសរសេរជំពូកថ្មីជាមួយគ្នាប្រកបដោយភាពច្នៃប្រឌិត ការសហការ និងចក្ខុវិស័យរួមគ្នា ដើម្បីអនាគតភ្លឺស្វាង។ លោកលើកទឹកចិត្តឱ្យមានការស្វែងយល់ពីផ្តល់ជូនចម្រុះនៃពិធីបុណ្យនេះ ដើម្បីរួមចំណែកក្នុងការសន្ទនាប្រកបដោយអត្ថន័យ និងបង្កើតទំនាក់ទំនងយូរអង្វែង។

រីឯ លោក តានិណៃ អ៉ិឈិតុម៉ុ ឧបទូតនៃស្ថានទូតជប៉ុនប្រចាំនៅកម្ពុជា បានលើកឡើងថា ទំនាក់ទំនងរវាងកម្ពុជា និងជប៉ុនរយៈពេល៧០ឆ្នាំនេះ បានរួមចំណែកជាច្រើនក្នុងការជួយគាំទ្រគ្នាទៅវិញទៅមក និងមានការរៀបចំកម្មវិធីផ្សេងៗដើម្បីឱ្យចំណងមិត្តភាពកាន់តែរឹងមាំ។ ចំពោះមហោស្រពគីហ្សូណា ឆ្នាំ២០២៤នេះ ការជ្រើសរើសប្រធានបទ ទំព័រថ្មីនៃអនុស្សាវរីយ៍ គឺដើម្បីរួមចំណែកខួបលើកទី២០នៃការបង្កើត CJCC និងក្នុងរូបភាពបើកទំព័រថ្មីបន្តទៀតរវាងភាគីទាំង២។

លោកបានបញ្ជាក់ថា នៅក្នុងកម្មវិធីនេះ មានសកម្មភាពផ្លាស់ប្តូរវប្បធម៌ជាច្រើនដូចជា កម្មវិធីខូសផ្លេ សិក្ខាសាលារបាំអាវ៉ាអូដូរី ការចែករំលែកពីអាហារូបករណ៍ ការសរសេរអក្សរផ្ចង់ជប៉ុន សិក្ខាសាលាធ្វើស៊ូស៊ី និងសកម្មភាពជាច្រើនទៀត។ លោកសង្ឃឹមថា តាមរយៈកម្មវិធីនេះ អ្នកចូលរួមនឹងបានស្វែងយល់កាន់តែស៊ីជម្រៅពីវប្បធម៌ជប៉ុន និងកាន់តែបង្កើនភាពស្និទ្ធស្នាលរវាងគ្នាបន្ថែមទៀត។

គួរបញ្ជាក់ថា មហោស្រពគីហ្សូណាជប៉ុន-កម្ពុជា ត្រូវបានធ្វើឡើងតាំងពីឆ្នាំ២០១២ និងប្រារព្ធជារៀងរាល់ឆ្នាំ ក្នុងគោលបំណងបង្ហាញពីវប្បធម៌ជប៉ុន និងកម្ពុជា រួមទាំង ជំរុញការផ្លាស់ប្តូរនានារវាងប្រជាជន និងប្រជាជននៃប្រទេសទាំង២ផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៣ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៣ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៤ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៥ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៧ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៦ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៦ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម