Connect with us

ព័ត៌មានជាតិ

ប្រជាពលរដ្ឋ និង​អ្នកទេសចរ​នៅតែ​ទន្ទឹម​រង់ចាំ​បាន​ស្ពាន​ឆ្លងកាត់​ព្រែក​ជី​ផាត​

បានផុស

នៅ

អ្នកទេសចរ និង​ប្រជាពលរដ្ឋ​រស់នៅក្នុង​មូលដ្ឋាន​ឃុំ​ជី​ផាត ស្រុក​ថ្មបាំង ខេត្តកោះកុង នៅតែ​ទន្ទឹម​រង់ចាំ​បាន​ស្ពាន​ឆ្លងកាត់​ដៃ​ព្រែក​ជី​ផាត ខណៈ​ការធ្វើដំណើរ​តាម​សា​ឡង់​ងាយ​ជួប​គ្រោះថ្នាក់​រដូវវស្សា និង​ចំណាយ​ថវិកា​ពេលវេលា​ច្រើន​គួរសម​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជា សា​ខន ជា​អ្នកដំណើរ​ដោយ​រថយន្ត និង​យុវជន ឃឹម ភណ្ឌ ជា​ពលរដ្ឋ​រស់នៅក្នុង​ឃុំ​ជី​ផាត លើកឡើង​រសៀល​ថ្ងៃទី​៤ ខែកុម្ភៈ ឆ្នាំ​២០២៤​ថា ការឆ្លង​សា​ឡង់​សព្វថ្ងៃ ត្រូវបាន​ពេលវេលា និង​ថវិកា​ច្រើន​គួរសម​ទាំង​ទៅ​និង​មក​។ រីឯ​រដូវវស្សា​វិញ ក៏​ងាយ​ប្រឈម​គ្រោះថ្នាក់​លិចលង់ ព្រោះ​កម្លាំង​ទឹក​ហូរ​ជន់​លិច​ខ្លាំង​ធ្លាក់​ពី​ជ្រលង​ភ្នំ​តាម​ដៃ​ព្រែក​ជី​ផាត​។

តំណាង​អ្នកដំណើរ និង​ប្រជាពលរដ្ឋ បន្ត​ទៀត​ថា សេវា​ដឹកជញ្ជូន​តាម​សា​ឡង់​រថយន្ត​១​គ្រឿង​២០.០០០​រៀល​តែមួយ​លើក លុះ​ពេល​ត្រឡប់មកវិញ ចំណាយ​២០០០០​រៀល​ទៀត​។ បើ​ម៉ូ​តទៅ​២០០០​រៀល សរុប​ទាំង​ទៅមក​៤០០០​រៀល​។ សម្រាប់​ពួកគាត់ ក៏ដូចជា​ប្រជាពលរដ្ឋ ព្រមទាំង​អ្នកទេសចរ​ដទៃ​ទៀត​ដែរ គឺ​ទន្ទឹម​រង់ចាំ​ការ​កសាង​ស្ពាន​ឆ្លង​នាពេល​ឆាប់ៗ​ខាងមុខ កន្លងទៅ​ធ្លាប់​ស្នើសុំ​តែ​មិនទាន់មាន​តម្រុយ​អ្វី​នោះ​ទេ​។

ដោយឡែក​លោក ម៉ឹង សុភា ជា​ម្ចាស់​សា​ឡង់ បានឱ្យដឹងថា ការយក​តម្លៃ​២០.០០០​រៀល​ក្នុង​រថយន្ត​១​គ្រឿង​នេះ គឺ​អនុវត្ត​យូរ​ឆ្នាំ​មកហើយ​មិន​តម្លើងថ្លៃ ហើយក៏​មិន​ចុះ​ដែរ​។ ចំពោះ​ប្រជាពលរដ្ឋ​ក៏​ឯកភាព​ឱ្យមាន​សា​ឡង់​សម្រាប់​ធ្វើដំណើរ​ឆ្លងកាត់​ផងដែរ​។

លោក ម៉ឹង សុភា បន្ថែម​ថា ទើបតែ​ប៉ុន្មាន​នេះ មាន​សារព័ត៌មាន​ចុះផ្សាយ​អំពី​ការ​ស្នើសុំ​បញ្ចុះតម្លៃ​ធ្វើដំណើរ​ឆ្លងកាត់​មក​ត្រឹម​១០.០០០​រៀល​វិញ​។ បញ្ហា​នេះ ត្រូវបាន​លោក​មិនអាច​ចុះ​តម្លៃ​បាន​ទៀត​ទេ ព្រោះ​ស្ថានភាព​តម្លៃ​សាំង​ឡើងជា​បន្តបន្ទាប់ ថ្លៃ​ប្រាក់ខែ​បុគ្គលិក និង​ជួសជុល​សា​ឡង់​ត្រូវបាន​ចំណាយ​ច្រើន​ក្នុង​១​ឆ្នាំៗ​ពុំ​ស្មើគ្នា​ទេ ដូច្នេះ​សុំ​ចិត្ត​ប្រជាពលរដ្ឋ និង​អ្នកទេសចរ​មេត្តា​យោគយល់​ពី​ចំណុច​នេះ​សម្រាប់​រូបលោក​។ លោក​ក៏មាន​បំណង​ចង់ឱ្យមាន​សា​ឡង់​របស់​រដ្ឋ ឬ​ស្ពាន​មក​ជំនួស​សា​ឡង់​ខ្លួន​ដែរ ប្រសិនបើ​អាច​តែ​ពលរដ្ឋ​នៅតែមាន​តម្រូវការ ទោះបីជា​មានការ​ស្នើសុំ​សិក្សា​ពី​ការធ្វើ​ស្ពាន​ប្រវែង​ជាង​១០០​ម៉ែត្រ​ក៏ដោយ ក៏​មិនទាន់​មានការ​តប​ឆ្លើយ​ពី​រដ្ឋបាល​ស្រុក រដ្ឋបាល​ខេត្តកោះកុង និង​អន្តរក្រសួង​ផងដែរ​។

ម្ចាស់​សា​ឡង់​ដដែល​អះអាង​ថា ថ្ងៃ​ធម្មតា​បានតែ​៥​ទៅ​១០​រថយន្ត រីឯ​ខ្លះ​តិច​ជាង​នេះ​ក៏មាន​។ ពោលគឺ​បានតែ​ថ្ងៃ​បុណ្យទាន​ប៉ុណ្ណោះ​ មាន​រថយន្ត​ឆ្លងកាត់​មកលេង​កម្សាន្ត​នៅតាម​រមណីយដ្ឋាន​ក្នុង​សហគមន៍​របស់លោក​។ ម្យ៉ាង​សា​ឡង់​របស់លោក ដឹកជញ្ជូន​តែ​រថយន្ត​ប៉ុណ្ណោះ​មិនដឹង​ជញ្ជូន​ម៉ូតូ ឬ​កង់​ទេ ដោយមាន​ពលរដ្ឋ​ខ្លះ​សុំ​ដាក់​វេន​គ្នា​ដឹក​ម៉ូតូ​កង់​មនុស្ស ដើម្បី​ចិញ្ចឹម​ជីវភាព​។

បើតាម​លោក មឹង សុភា នៅពេល​មាន​គណៈ​ប្រ​ភិ​រាជរដ្ឋាភិបាល ក្រុម​ការងា​ជំនាញ​ពាក់ព័ន្ធ ស្ត្រី​សម្រាក​កូន គ្រោះថ្នាក់​ចរាចរណ៍​ផ្សេងៗ និង​ពលរដ្ឋ​ឈឺ​ថ្កាត់​យប់​ជ្រៅ​ត្រូវការ​ពេទ្យ គឺ​សា​ឡង់​របស់លោក​បានផ្តល់​សេវា​ដឹកជញ្ជូន​ចម្លង​២៤​ម៉ោង​លើ​២៤​ម៉ោង​ដោយ​ឥតគិតថ្លៃ​អ្វី​នោះទេ​៕

អត្ថបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ម៉ោង មុន

ជនដៃដល់ក្នុងករណីកាប់សម្លាប់ស្ត្រីវ័យចំណាស់ក្នុងខេត្តបាត់ដំបងត្រូវបានឃាត់ខ្លួន

សេដ្ឋកិច្ច៨ ម៉ោង មុន

កំណើន​អ្នក​ប្រើប្រាស់​រថយន្តទំនើប​កាន់តែច្រើន ធ្វើឱ្យ​ក្រុមហ៊ុន Lexus សម្រេច​បើក​អគារ​តាំងបង្ហាញ​ជាផ្លូវការ​​នៅកម្ពុជា​

ព័ត៌មានជាតិ១១ ម៉ោង មុន

២ថ្ងៃមកហើយ ឧទ្ធម្ភាគចក្រដែលបានបាត់នៅជួរភ្នំក្រវាញមិនទាន់រកឃើញមិនដឹងសុខទុក្ខយ៉ាងណា

ព័ត៌មានជាតិ១១ ម៉ោង មុន

រដ្ឋមន្ត្រីក្រសួងការងារ លើកទឹកចិត្តសិស្ស-និស្សិត ចូលរួមប្រកួតប្រជែងរ៉ូបូតឱ្យបានច្រើន

ព័ត៌មានអន្ដរជាតិ១១ ម៉ោង មុន

ខ្មាន់កាំភ្លើងបាញ់លោក ត្រាំ ជាអ្នកបោះឆ្នោតឲ្យគណបក្សសាធារណរដ្ឋ របស់គាត់

Sokha Hotels

ព័ត៌មានពេញនិយម