ព័ត៌មានជាតិ

មន្ទីរសុខាភិបាលភ្នំពេញ និងមូលនិធិហ្វ្រេតហូឡូ ជួយពិនិត្យ ព្យាបាល និងវះកាត់ជំងឺភ្នែក ជូនពលរដ្ឋដោយឥតគិតថ្លៃ

បានផុស

២ years មុន

នៅ

ថ្ងៃចន្ទ ១១ មីនា ២០២៤

ដោយ

មន្ទីរសុខាភិបាលរាជធានីភ្នំពេញ សហការជាមួយមូលនិធិហ្វ្រេតហូឡូ អូស្ត្រាលី បានផ្តល់ការពិនិត្យ ព្យាបាល និងវះកាត់ជំងឺភ្នែក ដោយឥតគិតថ្លៃ រយៈពេល ៥ ថ្ងៃ នៅមន្ទីរពេទ្យបង្អែករាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត នេត សុវិរៈ នាយកមន្ទីរពេទ្យបង្អែករាជធានីភ្នំពេញ បានមានប្រសាសន៍ថា ចាប់ពីថ្ងៃទី ១១ រហូតដល់ថ្ងៃទី ១៥ ខែមីនា ឆ្នាំ ២០២៤ មន្ទីរពេទ្យបង្អែករាជធានីភ្នំពេញ បានធ្វើការពិនិត្យជំងឺភ្នែក និងវះកាត់ជំងឺភ្នែកឡើងបាយ, ជំងឺកន្ទុយថ្លែនភ្នែក ដោយឥតគិតថ្លៃ។

លោកវេជ្ជបណ្ឌិត បានអំពាវនាវដល់ប្រជាពលរដ្ឋនៅក្នុងរាជធានីភ្នំពេញដែលមានបញ្ហាជំងឺភ្នែក សូមអញ្ជើញមកពិនិត្យ និងព្យាបាលជំងឺដោយឥតគិតថ្លៃឲ្យបានគ្រប់ៗ គ្នា។

លោកវេជ្ជបណ្ឌិត យូ ពិសិដ្ឋ ឯកទេសចក្ខុរោគ នៃមន្ទីរពេទ្យបង្អែករាជធានីភ្នំពេញ បានឲ្យដឹងថា ដោយទទួលការណែនាំពីនាយកមន្ទីរពេទ្យ បានគាំទ្រ និងជំរុញដល់ផ្នែកចក្ខុរោគ ឲ្យខិតខំបន្តសិក្សាស្រាវជ្រាវ និងចុះទៅកាន់សហគមន៍ ដើម្បីប្រមូលប្រជាពលរដ្ឋមានបញ្ហាភ្នែក។ ក្នុងនោះ ប្រជាពលរដ្ឋគ្មានលទ្ធភាព ប៉ុន្តែមានប័ណ្ណសមធម៌ និង ប័ណ្ណ ប.ស.ស គឺ មន្ទីរពេទ្យបង្អែករាជធានីភ្នំពេញ រង់ចាំទទួលស្វាគមន៍មកទទួលយកសេវាសុខាភិបាល ជួយព្យាបាលតាមលក្ខណៈបច្ចេកទេសត្រឹមត្រូវ ព្យាបាល វះកាត់ និងអប់រំ ដើម្បីឲ្យពួកគាត់ចេះថែទាំភ្នែកនៅក្នុងសហគមន៍ តាមផ្ទះ និងសាលារៀនជាដើម៕

អត្ថបទ ៖ សំអឿន