ព័ត៌មានជាតិ
ល្បិចបោកថ្មី លក់ពេជ្រក្លែងក្លាយបានលុយ ៤០ ម៉ឺនរៀល គេចខ្លួនបាត់ស្រមោល
ស្ត្រីម្ចាស់ផ្ទះជួលម្នាក់បានចាញ់ឧបាយកលស្ត្រីម្នាក់ ដែលប្រើល្បិចមកជួលបន្ទប់ស្នាក់នៅ ហើយប្រាប់ថាខ្លួនមានពេជ្រមួយគ្រាប់ចង់លក់ ហើយខ្ចីលុយម្ចាស់ផ្ទះជួល ២០០ ដុល្លារ។
ពេលនោះ ស្ត្រីជាម្ចាស់ផ្ទះ បានប្រាប់ថាមិនមានដល់ ២០០ ទេ មានតែលុយ ៤០ ម៉ឺនរៀល (៤០០.០០០) ស្រាប់តែស្ត្រីនោះ តបវិញថា ៤០ ម៉ឺនក៏យកដែរ ហើយក៏ប្រគល់ពេជ្រមួយគ្រាប់នោះឲ្យទៅម្ចាស់ផ្ទះជួល ហើយសន្យាថា ថ្ងៃទី ១៩ ខែកុម្ភៈនេះ នឹងមកជួលបន្ទប់ស្នាក់នៅហើយជិះម៉ូតូឌុបទៅបាត់។
ហេតុការណ៍នេះ បានកើតឡើងនៅម៉ោង ១២៖ ៣០ នាទីថ្ងៃទី ១៤ ខែកុម្ភៈ ឆ្នាំ ២០២១ ស្ថិតនៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
អធិការក្រុងសិរីសោភ័ណ លោក វរសេនីយ៍ឯក សុីឌី បានប្រាប់ឲ្យដឹងថា កាលពីថ្ងៃទី ១៤ ខែកុម្ភៈនេះ មានមនុស្សប្រុសម្នាក់ បានឌុបស្ត្រីម្នាក់ ក្នុងឯកសណ្ឋានអាវសខោក្រហម បានមកសួរនាំជួលបន្ទប់របស់ស្ត្រី ឈ្មោះ ផ្លុង រ៉ានី អាយុ ៥១ ឆ្នាំ ជាគ្រូបង្រៀន និងជាម្ចាស់បន្ទប់ជួល ពេលនោះ មនុស្សប្រុសនោះ បានឈប់ម៉ូតូនៅចំណុចខាងមុខរបងខ្លោងទ្វារ។
លោក អធីការបានបន្តថា មនុស្សស្រីម្នាក់នោះបានចូលមកនិយាយជាមួយនិងម្ចាស់បន្ទប់ជួល សួរនាំរឿងជួលបន្ទប់ ហើយបាននិនិយាយខ្ចីលុយម្ចាស់បន្ទប់ជួលចំនួន២០០ដុល្លារ គេមានពេជ្រ១គ្រាប់លក់បានបង្ហាញម្ចាស់បន្ទប់ជួល ចំណែកម្ចាស់បន្ទប់ជួល ថាមិនមានលុយទេ មានតែ៤០ ម៉ឺនរៀល (៤០០.០០០) ហើយជនសង្ស័យថា ៤០ ម៉ឺនរៀលក៏បានដែលពេលនោះម្ចាស់បន្ទប់ជួលក៏ហុចលុយចំនួន៤០០.០០០រៀលទៅស្ត្រីនោះស្របពេលនោះជនសង្ស័យបានហុចរបស់ថាជាពេជ្រឲ្យគាត់ដែរបន្ទាប់មកជនសង្ស័យបានសួរថាមានលេខម៉ូតូឌុបឬអត់ ពេលនោះអ្នកជួលបបន្ទប់ជិតនោះបានតេហៅម៉ូតូឌុបមកហេីយជនសង្ស័យបានជិះម៉ូតូឌុបទៅបាត់ ហេីយសន្យាថាថ្ងៃទី១៩ ខែ កុម្ភះ ឆ្នាំ ២០២១និងមកជួលបន្ទប់នៅមិនពិបាកកក់លុយទេ។
ក្រោយពេលជនសង្ស័យទៅបាត់ម្ចាស់បន្ទប់ជួលបានយករបស់នោះមកលាតមេីលដូចជាដុំថ្ម ក៏ខឹងបានបោះចោលរបស់នោះបាត់ទៅ។ក្រោយមកក៏បានមកដាក់ពាក្យប្តឹងនគរបាលក្រុងសិរីសោភ័ណលោកវរសេនីយ៍ឯក សុីឌីសន្យាថានិងខិតខំស្វែងរកជនបោកប្រាស់នេះយកមកដាក់ទោសឲ្យទាល់តែបាននៅពេលខាងមុខនេះ៕
អត្ថបទ៖វ៉ាន់ ណាង
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»