ព័ត៌មានជាតិ

ផ្ទះនិងអគារបុរាណក្នុងក្រុងបាត់ដំបងបន្សល់តជំនាន់មានជាង ៨០០ ទីតាំង

បានផុស

៥ ខែ មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

Dy Bunnara

នៅក្នុងក្រុងបាត់ដំបងយ៉ាងហោចណាស់ក៏នៅមានផ្ទះនិងអគារបុរាណចំនួន ៨០០ ទីតាំង បន្សល់ពីមួយជំនាន់ទៅមួយជំនាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហម អរុណ អនុប្រធានមន្ទីរទេសចរណ៍ខេត្តបាត់ដំបងបានឲ្យដឹងថា តាមការសិក្សាស្រាវជ្រាវអគារសំណង់បុរាណនៅក្នុងក្រុងបាត់ដំបងសរុបមានជាង ៨០០ ទីតាំង ដែលបន្សល់តាំងពីសម័យលោកម្ចាស់រហូតដល់សម័យអាណានិគមបារាំង។

អគារមានតម្លៃជាប្រវត្តិសាស្រ្តនេះ អាជ្ញាធរខេត្តនិងមន្ទីរពាក់ព័ន្ធបានខិតខំយកចិត្តទុកដាក់អភិរក្សមិនឲ្យមានការបាត់បង់នោះទេ ដើម្បីទុកជាមរតកតដល់កូនចៅជំនាន់ក្រោយ។ នេះបើតាមលោក ហម អរុណ។

អគារបុរាណដែលសេសសល់នៅក្រុងបាត់ដំបងមានដូចជា អតីតអគារសាលាខេត្តបាត់ដំបង សាងសង់ក្នុងឆ្នាំ១៩០៥ ស្ពានចំណាស់មូយកន្លែងសាងសង់កាត់ស្ទឹងសង្កែនៅឆ្នាំ១៩១៧។ ក្រៅពីនេះមានផ្សារណាត់ ផ្ទះលក់ទំនិញនាសម័យអាណានិគមបារាំង រួមទាំងវត្តអារាមអាយុកាលរាប់រយឆ្នាំជាច្រើនកន្លែងទៀត៕