ព័ត៌មានជាតិ
មានច្រកមួយដែលយើងអាចចេញចូលកោះពេជ្របាននៅពេលនេះ
បន្ទាប់ពីក្រសួងសុខាភិបាលបានរកឃើញជនជាតិចិនដែលស្នាក់នៅខុនដូនៅទីក្រុងកោះពេជ្រ មានវិជ្ជមានវីរុសកូវីដ១៩ ដែលពាក់ព័ន្ធនឹង “ព្រឹិត្តិការណ៍ ២០ កុម្ភៈ” នោះ អាជ្ញាធរមូលដ្ឋានបានបិទគ្រប់ច្រកចេញចូលទាំង៣ទីក្រុងកោះពេជ្រទាំងយប់ទើបត្រួតពិនិត្យ និងទប់ស្កាត់ការឆ្លងរាលដាល។ មកដល់ពេលនេះ ច្រកទាំងនោះនៅតែបន្តបិទដដែល ប៉ុន្តែមានតែមួយច្រកប៉ុណ្ណោះដែលបើកដំណើរការជូនសាធារណជនចេញចូលកោះពេជ្របាន។
លោក ថេង សុថុន អភិបាល ខណ្ឌចំការមន បានប្រាប់ កម្ពុជាថ្មី នៅល្ងាចនេះថា ស្ពានឥន្ធធនូ រួមទាំងស្ពានហង្សបិទតាំងពីប៉ុន្មានថ្ងៃមុន នារំលងអធ្រាត្រចូលថ្ងៃទី២០ កុម្ភៈ ដោយសាធារណជនអាចចេញចូលកោះពេជ្របានតែស្ពាននាគភ្លោះទេ។
លោក ថេង សុថុន មានប្រសាសន៍បញ្ជាក់ថា៖ “ក្រុមសមត្ថកិច្ចបានចុះបិទកោះពេជ្រទាំងស្រុងតាំងពីម៉ោងរំលងអធ្រាត្រប៉ុន្មានថ្ងៃមុន។ ប៉ុន្តែដោយសារមានប្រជាពលរដ្ឋរៀបពិធីមង្គល មានការហែលជំនូននៅកោះពេជ្រ អាជ្ញាធរក៏បានសម្របសម្រួលឱ្យប្រជាពលរដ្ឋចេញចូលតាមស្ពាននាគ”។
លោកបានបន្តថា៖ “ដោយឡែកស្ពានហង្ស និងស្ពានឥន្ធធនូ បិទជាស្ថាពរមិនទាន់អនុញ្ញាតិឱ្យចេញចូលតាមហ្នឹងទេ”។
អភិបាលខណ្ឌចំការមនរូបនេះ បានបញ្ជាក់ថា នេះជាការអនុវត្តតាមគោលការណ៍ឯកភាពពីឯកឧត្ដមអភិបាលរាជធានីភ្នំពេញ ដោយលោកក៏បានចុះមកពិនិត្យផងដែរ ដើម្បីធ្វើយ៉ាងណាកុំឱ្យប៉ះពាល់ដល់សាលា ក៏ដូចជាស្ថានទូតកូរ៉េ និងជីវភាពប្រជាពលរដ្ឋដែលត្រូវការចេញចូលកោះពេជ្រ។
លោក ថេង សុថុន មានប្រសាសន៍ថា៖ “មន្ត្រីបុគ្គលិកស្ថានទូត ព្រមទាំងគ្រូ សិស្សានុសិស្ស និង ប្រជាពលរដ្ឋ អាចចេញចូលកោះពេជ្របាន លើកលែងតែកន្លែងខុនដូដែលរកឃើញអ្នកស្នាក់នៅទីនោះ មានវិជ្ជមានកូវីដ១៩ ពាក់ព័ន្ធ “ព្រឹត្តិការណ៍ ២០ កុម្ភៈ” ទេ តែត្រូវអនុវត្តវិធានការសុខាភិបាល ដើម្បីបង្ការជំងឺកូវីដ-១៩”។
កាលពីព្រឹកថ្ងៃសៅរ៍ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសការឆ្លងកូវីដ-១៩ចូលសហគមន៍លើកទី៣នៅកម្ពុជា ដែលហៅថា “ព្រឹត្តិការណ៍សហគមន៍ ២០ កុម្ភៈ” ឈានទៅដល់បិទទីតាំងពាក់ព័ន្ធមួយចំនួនដូចជា ទីក្រុងកោះពេជ្រ និង ក្លឹប N8 នៅរាជធានីភ្នំពេញ និងភោជនីយដ្ឋាននៅក្រុងតាខ្មៅ ខេត្តកណ្ដាល ជាដើម។
តាមសេចក្ដីប្រកាសរបស់ក្រសួងសុខាភិបាលថ្ងៃនេះ បានបញ្ជាក់ថា គិតត្រឹមថ្ងៃទី២០ កុម្ភៈ កម្ពុជាបានរកឃើញអ្នកផ្ទុកមេរោគកូវីដ-១៩ ពាក់ព័ន្ធ “ព្រឹត្តិការណ៍ ២០ កុម្ភៈ” ចំនួន៤៣នាក់ហើយ ដែលភាគច្រើនជាជនជាតិចិន៕
អត្ថបទ៖ ច័ន្ទ វីរៈ
សូមអានអត្ថបទទាក់ទង៖ សង្ស័យបុគ្គលិកភោជនីយដ្ឋាន នៅក្រុងតាខ្មៅ ពាក់ព័ន្ធព្រឹត្តិការណ៍ ២០ កុម្ភៈ
សម្ដេចតេជោ ហ៊ុន សែន ប្រកាស ព្រឹត្តិការណ៍សហគមន៍លើកទី៣នៅកម្ពុជា “ព្រឹត្តិការណ៍សហគមន៍ ២០ កុម្ភៈ”
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង