បន្ទាន់! ត្រៀម​យកមន្ទីរពេទ្យព្រះកេតុមាលាដាក់អ្នកជំងឺ​កូវីដ​១៩

តាមរយៈសារជាសំឡេង ដែលផ្សព្វផ្សាយនាព្រឹកថ្ងៃទី២២ ខែកុម្ភៈ ឆ្នាំ២០២១ នេះសម្ដេចពិជ័យសេនាទៀបាញ់ឧបនា​យករដ្ឋមន្ត្រីរដ្ឋមន្ត្រីក្រសួងការពារជាតិបានប្រាប់ឲ្យកម្លាំង ពាក់ព័ន្ធទាំងអស់រៀបចំយកមន្ទីរពេទ្យព្រះកេតុមាលា ដើម្បីដាក់អ្នកកើតជំងឺកូវី-១៩ ហើយការប្រកាសយកមន្ទីពេទ្យព្រះកេតុមាលា ដើម្បីដាក់អ្នកជំងឺនេះ ដោយសារសម្តេចបានអះអាងថា មកដល់ពេលនេះ កើតរឿងធំហើយ ទាក់ទងទៅនឹងការរីករាលដាលនៃជំងឺ កូវីដ១៩នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចពិជ័យសេនា ទៀ បាញ់ បានបញ្ជាក់ថា មកដល់ពេលនេះករណីជំងឺកូវីដ១៩ បានកើតឡើងផ្ទួនៗគ្នា ដូច្នេះត្រូវរៀបចំឱ្យទាន់ពេលវេលា ហើយមន្ទីរពេទ្យព្រះកេតុមាលានេះ តម្រូវឲ្យយើងរៀបចំទទួលយកអ្នកជំងឺដែលកើតកូវីដ១៩ មកព្យាបាល នៅពេលដែលក្រសួងសុខា ភិបាលមិនមានទីតាំងផ្សេងទៀត ដើម្បីដាក់ព្យាបាល។ 

ជាមួយគ្នានោះសម្ដេចពិជ័យសេនា ទៀបាញ់ បានប្រាប់ឱ្យយកគ្រូពេទ្យម្នាក់ ដែលទៅបង្រៀនចាក់វ៉ាក់សាំងកូវីដ១៩​ដល់កងទ័ព នៅកងកាំភ្លើងធំ  និងសាលាបច្ចេកទេស ទៅធ្វើចត្តាឡីស័ក ដោយសារគ្រូពេទ្យនោះ បើកព្យាបាលអ្នកជំងឺកូវីដ១៩ ហើយសម្ដេចបានប្រាប់ឲ្យវេជ្ជបណ្ឌិតនៅក្នុងកងទ័ពទាំងអស់ផ្អាកសកម្មភាព ហើយទៅធ្វើចត្តាឡីស័កទាំងអស់៕

អត្ថបទ៖កោះកែវ