ព័ត៌មានជាតិ
អគ្គលេខាធិការ CICA អរគុណកម្ពុជាដែលបានផ្តល់ការគាំទ្រដល់សកម្មភាពនានារបស់ខ្លួន
ក្នុងជំនួបសម្តែងការគួរសមជាមួយមន្ត្រីជាន់ខ្ពស់នៃក្រសួងការបរទេសកម្ពុជា លោកអគ្គលេខាធិការនៃសន្និសីទស្តីពីអន្តរសកម្មភាព និងវិធានការកសាងទំនុកចិត្តនៅអាស៊ី (CICA) បានអរគុណកម្ពុជាដែលបានផ្តល់ការគាំទ្រដល់សកម្មភាពនានារបស់ CICA នាពេលកន្លងមក។
បើតាមសេចក្ដីប្រកាសព័ត៌មានរបស់ក្រសួងការបរទេសកម្ពុជា គឺកាលពីរសៀលថ្ងៃទី២៥ ខែមេសា ឆ្នាំ២០២៤ លោកបណ្ឌិត ឃី សុវណ្ណរតនា រដ្ឋលេខាធិការក្រសួងការបរទេស បានទទួលជួបសម្តែងការគួរសមជាមួយលោកឯកអគ្គរដ្ឋទូត Kairat Sarybay អគ្គលេខាធិការនៃសន្និសីទស្តីពីអន្តរសកម្មភាពនិងវិធានការកសាងទំនុកចិត្តនៅអាស៊ី (CICA)។
នៅក្នុងជំនួបនេះ លោកបណ្ឌិត ឃី សុវណ្ណរតនា បានវាយតម្លៃខ្ពស់ចំពោះតួនាទីដ៏សំខាន់របស់ CICA ដែលជាវេទិកាអន្តរជាតិដ៏សំខាន់ និងមានប្រសិទ្ធភាពបំផុតមួយក្នុងការលើកកម្ពស់សន្តិភាព សន្តិសុខ និងស្ថិរភាពនៅអាស៊ី ក៏ដូចជាពិភពលោក។ លោករដ្ឋលេខាធិការ ក៏បានរំលឹកឡើងវិញនូវការខិតខំប្រឹងប្រែង និងការប្តេជ្ញាចិត្តរបស់កម្ពុជា ក្នុងការធ្វើការយ៉ាងជិតស្និទ្ធជាមួយលេខាធិការដ្ឋាន CICA និងរដ្ឋជាសមាជិកទាំងអស់ ដើម្បីជំរុញដំណើរការ CICA បន្ថែមទៀត ដើម្បីផលប្រយោជន៍ទៅវិញទៅមក និងវិបុលភាពនៃប្រជាជនទាំងអស់ក្នុងអាស៊ី។
លោកឯកអគ្គរដ្ឋទូត Kairat Sarybay បានកោតសរសើរចំពោះការអភិវឌ្ឍន៍សេដ្ឋកិច្ច-សង្គម ដ៏ឆាប់រហ័សនៅកម្ពុជា និងបានជម្រាបជូនដោយសង្ខេបនូវសមិទ្ធផលសំខាន់ៗនៃ CICA ចាប់តាំងពីឆ្នាំ២០២០ ដល់ឆ្នាំ២០២៤នេះ និងដំណើរការវិវត្តនៃ CICA និងគម្រោងរៀបចំកិច្ចប្រជុំរដ្ឋមន្ត្រីការបរទេស CICA នៅខែវិច្ឆិកា ឆ្នាំ២០២៤។
លោកឯកអគ្គរដ្ឋទូត Kairat Sarybay បានសម្ដែងអំណរគុណចំពោះកម្ពុជា ដែលបានផ្តល់ការគាំទ្រដល់សកម្មភាពនានារបស់ CICA និងបានស្នើកម្ពុជាលើពីរចំណុច ១) ជំរុញឱ្យមានកិច្ចសហប្រតិបត្តិការរវាងលេខាធិការដ្ឋាន CICA និងលេខាធិការដ្ឋាន ASEAN និង២) ពន្លឿនការផ្តល់សច្ចាប័នលើអនុសញ្ញា CICA ស្តីពីសិទ្ធិនិងអភ័យឯកសិទ្ធិរបស់បុគ្គលិកលេខាធិការដ្ឋាន និងអ្នកតំណាងសមាជិកនៃ CICA។
ជាការឆ្លើយតប ខណៈពេលដែលមានការកត់សម្គាល់ពីការរីកចំរើននៃ CICA លោកបណ្ឌិត ឃី សុវណ្ណរតនា បានបញ្ជាក់ថា អាជ្ញាធរពាក់ព័ន្ធរបស់ភាគីកម្ពុជា កំពុងធ្វើការលើដំណើរការក្នុងការផ្តល់សច្ចាប័នលើអនុសញ្ញានេះ៕
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១៣ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ជីវិតកម្សាន្ដ១៨ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១៤ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល