Connect with us

ព័ត៌មានជាតិ

“ហេតុអ្វីការផ្ដល់ចាក់វ៉ាក់សាំងមិនធ្វើនៅថ្ងៃក្រៅម៉ោងធ្វើការផង?”

បានផុស

នៅ

បច្ចុប្បន្នរាជរដ្ឋាភិបាលកម្ពុជាកំពុងផ្ដល់វ៉ាក់សាំងកូវីដ-១៩តាមគោលការណ៍ស្ម័គ្រចិត្តដោយឥតគិតថ្លៃដល់ក្រុមអាទិភាពជាមុនសិន មានដូចជាក្រុមគ្រូពេទ្យ បុគ្គលិកមន្ត្រីសុខាភិបាល បុគ្គលិកមន្ត្រីរាជការ កងកម្លាំងនគរបាលជាតិ និងក្រុមសារព័ត៌មាន។ កម្មវិធីនេះអនុវត្តតែនៅរៀងរាល់ថ្ងៃធ្វើការ ពីម៉ោង៨ព្រឹក ដល់ម៉ោង៥ល្ងាចទេ ដោយលើកលែងនៅថ្ងៃសៅរ៍ អាទិត្យ និងថ្ងៃបុណ្យឈប់សម្រាកផ្លូវការ។

ឆ្លើយតបទៅនឹងសំណួររបស់ កម្ពុជាថ្មី តើក្រសួងសុខាភិបាលអាចនឹងមានកម្មវិធីចាក់វ៉ាក់សាំងនៅក្រៅម៉ោងធ្វើការ ឬនៅថ្ងៃសៅរ៍ អាទិត្យឬទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ឱ វណ្ណឌីន រដ្ឋលេខាធិការ  និងជាអ្នកនាំពាក្យក្រសួងសុខាភិបាល ដោយមានប្រសាសន៍បញ្ជាក់ថា ក្រុមគ្រូពេទ្យមិនមានបន្ទុកសម្រាប់តែចាក់វ៉ាក់សាំងទេ ដោយពួកគាត់មានការងារដែលត្រូវយាមកាម ២៤ម៉ោង។ ក្រសួងសុខាភិបាលបានយកក្រុមគ្រូពេទ្យដែលនៅបម្រើការក្នុងមន្ទីរពេទ្យហ្នឹង ដើម្បីបង្រៀនពួកគាត់ ហើយឱ្យពួកគាត់ជួយចាក់វ៉ាក់សាំងកូវីដ-១៩នោះ។

លោកស្រី ឱ វណ្ណឌីន មានប្រសាសន៍ថា៖ “អ៊ីចឹង កាលណាយើងប្រតិបត្តិការចាក់វ៉ាក់សាំង យើងត្រូវការសមាជិកជួយការងារគ្នាក្នងមួយក្រុមគឺ៩នាក់។ បើក្នុង៩នាក់ហ្នឹង​ មានគ្រូពេទ្យ៣នាក់គាត់យាមបាត់ហើយ គាត់ទៅមើលអ្នកជំងឺផ្សេងៗទៀតបាត់ហើយ ដូចនេះក្រុមហ្នឹងអត់អាចធ្វើការកើតទេ។ អ៊ីចឹងហើយបានជាយើងត្រូវសម្របសម្រួល ហើយទុកពេលវេលាដល់ក្រុមគ្រូពេទ្យធ្វើការផ្សេងទៀត”។

រដ្ឋលេខាធិការ  និងជាអ្នកនាំពាក្យក្រសួងសុខាភិបាល ពន្យល់បន្ថែថា៖ “ពេលខ្លះយើងសម្រុកតែចាក់វ៉ាក់សាំង តែយើងភ្លេចផ្ដល់សេវាសុខភាព និងព្យាបាលដល់បងប្អូនប្រជាពលរដ្ឋដទៃទៀត។ អ៊ីចឹងយើងគិតថា ការចាក់វ៉ាក់សាំងនេះ យើងនឹងផ្ដល់ជូនរៀងរាល់ម៉ោងធ្វើការ ហើយសម្រាប់ម៉ោងផ្សេងទៀត ថ្ងៃផ្សេងទៀត យើងទុកលទ្ធភាពឱ្យក្រុមគ្រូពេទ្យយើងគាត់អាចផ្ដល់សេវាអីផ្សេងៗទៀត”។

លោកស្រី ឱ វណ្ណឌីន លើកឡើងថា ក្រសួងសុខាភិបាលក៏នឹងគិតគូរបត់បែនតាមស្ថានភាពជាក់ស្ដែងក្នុងការផ្ដល់ការចាក់វ៉ាក់សាំងនៅក្រៅម៉ោងធ្វើការ ឬនៅថ្ងៃសៅរ៍ អាទិត្យផងដែរ។

លោកស្រី ឱ វណ្ណឌីន បញ្ជាក់ថា៖ “តែនេះជាជំហានបឋមដែលយើងទើបតែចាប់ផ្ដើម។ នៅពេលណាយើងមើលឃើញតម្រូវការជាចាំបាច់ ថាត្រូវរុញយ៉ាងម៉េច ត្រូវដាក់យ៉ាងម៉េចទៀតដើម្បីឱ្យល្បឿននៃការចាក់វ៉ាក់សាំងហ្នឹងឱ្យលឿន នោះយើងនឹងពិភាក្សាគ្នា ហើយឯកឧត្ដមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល លោកនឹងមានការពិចារណា និងមានការសម្រេចចិត្តនៅពេលក្រោយទៀត”។

គិតមកដល់ថ្ងៃទី២៥ កុម្ភៈម្សិលមិញនេះ មានអ្នកស្ម័គ្រចិត្តមកទទួលកចាក់វ៉ាក់សាំងកូវីដ-១៩ (Sinopharm Beijing Institute of Biological Products) ចំនួន ១៦,០៤៥នាក់ ក្នុងនោះអ្នកដែលបានចាក់រួចមានចំនួន ១៣,១០១ នាក់ ដោយ ២,៩៤៤នាក់ទៀត មិនត្រូវបានគ្រូពេទ្យអនុញ្ញាតដោយសារខុសលក្ខខណ្ឌមិនអាចទទួលវ៉ាក់សាំងនោះបាន។

បច្ចុបន្នមានរដ្ឋាភិបាលកំពុងផ្ដល់ការចាក់វ៉ាក់សាំង ដែលបានបន្តអនុវត្តនៅតាមរាជធានីខេត្តចំនួន១០ ទូទាំងប្រទេស មានដូចជា រាជធានីភ្នំពេញ ខេត្តបាត់ដំបង បន្ទាយមានជ័យ ឧត្ដរមានជ័យ កោះកុង ប៉ៃលិន ព្រះសីហនុ ស្វាយរៀង ពោធិសាត់ និងខេត្តកែប។

គួររំលឹកថា កម្ពុជាបានចាប់ដំណើរការចាក់វ៉ាក់សាំងកូវីដ១៩ដោយស្ម័គ្រចិត្ត ជាផ្លូវការ នៅព្រឹកថ្ងៃទី១០ ខែកុម្ភៈ ដោយមានឥស្សរជន និងមន្ត្រីជាន់ខ្ពស់ជាច្រើនរូបបានចាក់វ៉ាក់សាំងនេះរួចមកហើយ នៅមន្ទីរពេទ្យកាល់ម៉ែត មន្ទីរពេទ្យព្រះអង្គឌួង មន្ទីរពេទ្យមិត្តភាពខ្មែរសូវៀត និងមន្ទីរពេទ្យកុមារជាតិ។

សម្តេច ហ៊ុន សែន ធ្លាប់បានប្រកាសឱ្យដឹងថា អ្នកដែលមានសិទ្ធិអាទិភាពក្នុងការទទួលវ៉ាក់សាំងកូវីដ-១៩មុនគេ មានជាង៤២ម៉ឺននាក់ ដែលជាអ្នកធ្វើការមានហានិភ័យខ្ពស់ រាប់ចាប់តាំងពីអ្នកប្រមូលសំរាម អ្នកអនាម័យទីក្រុង អ្នកបើកបរ ព្រះសង្ឃ កីឡាករ កងទ័ព មន្ត្រីអប់រំ មន្ត្រីសុខាភិបាល មន្រ្តីរាជការស៊ីវិល មន្រ្តីនគរបាលជាតិ មន្ត្រីតុលា មន្ត្រីពន្ធនាគារ រដ្ឋបាលព្រៃឈើ ជលផល មន្ត្រីអគ្គីសនី ក្រុមប្រឹក្សាខេត្តក្រុម និងមន្រ្តីផ្សេងៗទៀត។

រាជរដ្ឋាភិបាលកម្ពុជា បានប្រកាសថា កម្ពុជាមានលទ្ធភាពទទួល និងទិញវ៉ាក់សាំងកូវីដ-១៩ រហូតដល់ ២០លានដូស ដើម្បីចាក់ជូនប្រជាពលរដ្ឋជាង ១០លាននាក់។ ក្នុងនោះវ៉ាក់សាំងប្រមាណ ១១លានដូស គឺជាជំនួយមិត្តបរទេស ដែលនឹងទទួលបានពីសាធារណរដ្ឋចិនចំនួន១លានដូស ពីប្រទេសអូស្ត្រាលី ប្រមាណ​៣​លាន​ដូ​ស និង ជំនួយពី COVAX ចំនួន​៧​លាន​ដូ​ស​៕

អត្ថបទ៖ ច័ន្ទ វីរៈ

សូមអានព័ត៌មានពាក់ព័ន្ធ៖ ឧ​ត្ត​ម​សេនីយ៍​ឯក រ័ត្ន ស្រ៊ាង បន្ត​ចុះ​ចែក​ម៉ាស របស់​សម្តេច តេ​ជោ​ ជូន​ប្រជាពលរដ្ឋ ​ក្នុង​រាជធានី​​​​

ផ្អាក​ការ​ជួបជុំ​ថ្វាយបង្គំ​នៅ​ថ្ងៃ​សុក្រ សម្រាប់បង​ប្អូន​ឥស្លាម រយៈពេល​ពីរ​សប្តាហ៍

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៧ នាទី មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ២ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៤ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៤ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៤ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម