Connect with us

ព័ត៌មានជាតិ

៤ខែដើមឆ្នាំនេះ​​ សមត្ថកិច្ចខេត្តបាត់ដំបង បង្ក្រាបបានបទល្មើសគ្រឿងញៀន ៣២៤ករណី ឃាត់ជនសង្ស័យ ៥៦៥នាក់

បានផុស

នៅ

៤ខែដើមឆ្នាំ២០២៤ កម្លាំងសមត្ថកិច្ចក្នុងខេត្តបាត់ដំបង បង្ក្រាបបានបទល្មើសគ្រឿងញៀនចំនួន ៣២៤ករណី ដោយបានឃាត់ខ្លួនជនសង្ស័យចំនួន ៥៦៥នាក់។ នេះបើតាមរបាយការណ៍របស់លោក សុខ លូ​ អភិបាលខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ដែលលោក សុខ លូ បានរាយការណ៍ក្នុងកិច្ចប្រជុំស្តីពីការពិនិត្យវឌ្ឍនភាពនៃការប្រយុទ្ធប្រឆាំងគ្រឿង ញៀនឆ្លងដែនខុសច្បាប់នៅខេត្តបាត់ដំបង ក្រោមអធិបតីលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ គឺរដ្ឋបាលខេត្តបាត់ដំបង បានចាត់វិធានការអប់រំ វិធានការរដ្ឋបាល ការប្រមូលជនញៀនថ្នាំ ការអនុវត្តច្បាប់ និងការបង្ក្រាប ការពង្រឹងសមត្ថកិច្ចទទួលខុសត្រូវតាមច្រកទ្វារ និងខ្សែបន្ទាត់ព្រំដែន និងការត្រួតពិនិត្យធ្វើតេស្តរកសារធាតុញៀនក្នុងជួរមន្ត្រីរាជការ។

លោក សុខ លូ អភិបាលខេត្តបាត់ដំបង បានឱ្យដឹងថា កិច្ចប្រតិបត្តការបង្ក្រាបគ្រឿងញៀន ក្នុងរយៈពេល៤ខែដើមឆ្នាំ ២០២៤មកនេះ សមត្ថកិច្ចក្នុងខេត្ត បង្ក្រាបបានបទល្មើសគ្រឿងញៀនចំនួន ៣២៤ករណី ឃាត់ខ្លួនជនសង្ស័យចំនួន ៥៦៥នាក់ ស្រី៥៦នាក់។ ក្នុងនោះ ករណីជួញដូរ រក្សាទុកចំនួន ២២៧ករណី ឃាត់ខ្លួនជនសង្ស័យ៤៦២នាក់ ករណីប្រើប្រាស់ចំនួន៩៧ករណី ឃាត់ខ្លួនជនរងគ្រោះ១០៣នាក់ បញ្ជូនទៅមជ្ឈមណ្ឌលបន្សាបក្តីសង្ឃឹម ខណៈការពិនិត្យធ្វើតេស្តរកសារធាតុញៀនតាមទឹកមូត្រលើមន្ត្រីរាជការស៊ីវិលចំនួន ២.៧១៥នាក់ មានលទ្ធផលវិជ្ជមាន១៣នាក់។

បើតាមរបាយការណ៍ដដែល វត្ថុតាងនៃបទល្មើស រួមមាន ដកហូតសារធាតុញៀនសរុប ១១.២៧០,៩ក្រាម ក្នុងនោះរួមមាន មេតំហ្វេតាមីប្រភេទទឹកកក មេតំហ្វេតាមីប្រភេទគ្រាប់ អ៊ិចស្តាស៊ី កេតាមីន ដើមកញ្ញាស្រស់ ជញ្ជីងថ្លឹង និងម៉ូតូ ១៤៤គ្រឿង រថយន្ត៧គ្រឿង ទូរសព្ទ៣៣៨គ្រឿង កាំភ្លើងខ្លី២ដើម គ្រាប់អាវុធខ្លី១៨គ្រាប់ អាវុធច្នៃ១ដើម កាំបិត១ ពូថៅ៤ ម៉ូតូកង់បី២គ្រឿង កុំព្យូរទ័រយួរដៃ១ លិខិតឆ្លងដែន១ ប្រាក់និងគ្រឿងអលង្ការ ព្រមទាំងសម្ភារៈប្រើប្រាស់គ្រឿងញៀនមួយចំនួនធំទៀត។

លោកអភិបាលខេត្ត ក៏បានបញ្ជាក់ដែរថា ខេត្តបានចាត់តាំងអភិបាលរងខេត្ត ឱ្យទទួលបន្ទុកដឹកនាំក្រុមការងារ ស្នងការរងទទួលបន្ទុកគ្រឿងញៀន ដើម្បីអនុវត្តលើការងារសន្តិសុខ ប្រយុទ្ធប្រឆាំងបទល្មើសគ្រឿងញៀនក្រុងស្រុក និងពង្រឹងសមត្ថកិច្ចទទួលខុសត្រូវតាមច្រកទ្វារព្រំដែនអន្តរជាតិ ច្រកទ្វារតំបន់ព្រំដែន និងបានដាក់ប៉ុស្តិ៍ត្រួតពិនិត្យជាទៀងទាត់តាមបណ្តាស្រុកជាប់ព្រំដែន ដើម្បីបង្ការបង្ក្រាបការជួញដូរ ការប្រើប្រាស់គ្រឿងញៀន ក៏ដូចជាការទប់ស្កាត់ការនាំចូលសារធាតុគីមីផ្សំផលិតជាគ្រឿងញៀន រួមទាំងយន្តការសហប្រតិបត្តការជាមួយភាគីថៃ និងភ្នាក់ងារអង្គការសហប្រជាជាតិផងដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម