ព័ត៌មានជាតិ
ធ្លាប់លឺទេ ? សត្វជ្រូកព្រៃខ្វេះមនុស្សឲ្យស្លាប់ ពេលនេះប៉ះហើយ !
បុរសម្នាក់បានស្លាប់ ខណៈក្រុមគ្រួសារបញ្ជូនដល់មន្ទីរពេទ្យបង្អែកស្រុកភ្នំក្រវាញ បន្ទាប់ពីជនរងគ្រោះរូបនេះ ត្រូវបានជ្រូកព្រៃខ្វេះដាច់ជើងឈាមហូរច្រើនពេក បណ្តាលឲ្យមានរបួសធ្ងន់ធ្ងរ ដែលឧបទ្ទវហេតុនេះ កើតឡើងនាវេលាម៉ោង០៩ និង១៥នាទីព្រឹកថ្ងៃទី២៥ ខែកុម្ភ: ឆ្នាំ២០២១ នៅចំណុចច្រាបឈ្នួល ខាងក្រោយផ្ទះរបស់ជនរងគ្រោះប្រហែល២០០ម៉ែត្រ។
តាមសមត្ថកិច្ចបានឲ្យដឹងថា ជនរងគ្រោះឈ្មោះ ស៊ុន វី ភេទប្រុស អាយុ៣៣ ឆ្នាំ មានទីលំនៅ នៅចំណុចច្រាបឈ្នួល ស្ថិតក្នុងភូមិក្សេត្របូរី ឃុំសន្ទ្រែ ស្រុកភ្នំក្រវាញ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ សត្វឆ្កែរបស់ជនរងគ្រោះ បានព្រុសដេញសត្វជ្រូកព្រៃ ពេលនោះជនរងគ្រោះបានឮសត្វឆ្កែរបស់គាត់ព្រុស ក៏រត់ទៅមើលប្រទះឃើញសត្វឆ្កែរបស់គាត់កំពុងប្រយុទ្ធតតាំងជាមួយសត្វជ្រូកព្រៃ ខណៈពេលនោះសត្វជ្រូកព្រៃក្រឡេកឃើញគាត់ជាម្ចាស់ឆ្កែ សត្វជ្រូកព្រៃ ក៏រត់បោលបុកខ្វេះយកៗចំស្មងជើងខាងឆ្វេងផ្នែកខាងមុខរបស់ជនរងគ្រោះ ដាច់រហែក បែកសាច់ចេញពីគ្នា ហូរឈាមយ៉ាងច្រើន។ ខណៈនោះ ប្រពន្ធនិងកូនរបស់ជនរងគ្រោះ ឃើញជនរងគ្រោះមានរបួសធ្ងន់ធ្ងរក៏បញ្ជូនមកសង្គ្រោះ នៅមន្ទីរពេទ្យបង្អែកស្រុកភ្នំក្រវាញ លុះមកដល់មន្ទីរពេទ្យ ជនរងគ្រោះក៏បានដាច់ខ្យល់ស្លាប់មួយរំពេច។
មន្ត្រីនគរបាលប៉ុស្តិ៍រដ្ឋបាល និងលោកមេឃុំសន្ទ្រែ បានបញ្ជាក់ថា នៅតំបន់ស្រុកភ្នំក្រវាញ ពិតជាមានសត្វជ្រូកព្រៃ ដែលវាតែងតែចេញដំណើរដើររកស៊ី ពីកន្លែង១ទៅកន្លែង១ ស្វែងរកចំណីដូចជា ដំឡូងមី និងមើម ឬសឈើ ផ្សេងៗទៀត ដែលពួកវាអាចស៊ីជាអាហារ ដើម្បីចិញ្ចឹមជីវិតរបស់ពួកវា។ ដូច្នេះហើយបងប្អូនប្រជាពលរដ្ឋ ត្រូវមានការប្រុងប្រយ័ត្នខ្ពស់ ចំពោះគ្រោះថ្នាក់ជាយថាហេតុ។ បច្ចុប្បន្ន សពជនរងគ្រោះ ត្រូវបានក្រុមគ្រួសាររៀបចំធ្វើបុណ្យតាមប្រពៃណី នៅគេហដ្ឋាន ចំណែកសត្វជ្រូកព្រៃ បោលចូលព្រៃបាត់ទៅ៕
អត្ថបទ៖ កោះកែវ
សូមចុចអាន៖ ខឹងម្ចាស់ហាងមិនចាក់បទចម្រៀងឲ្យស្ដាប់ទាញកែវបោកប្រាវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង