ព័ត៌មានជាតិ
អគ្គស្នងការនគរបាលជាតិ៖ មិនមានមន្ត្រីនគរបាលក្រសួងមហាផ្ទៃណាម្នាក់ ធ្លាក់ខ្លួនពិការក្រោយចាក់វ៉ាក់សាំងចិននោះទេ
នាយកដ្ឋានសន្តិសុខផ្ទៃក្នុង នៃអគ្គស្នងការដ្ឋាននគរជាតិបានធ្វើការបដិសេធ ចំពោះគណនីហ្វេសប៊ុកឈ្មោះ “Chhun Vean II”ដែលបានបង្ហោះព័ត៌មានថា មន្ត្រីនគរបាលក្រសួងមហាផ្ទៃម្នាក់ធ្លាក់ខ្លួនពិការ ក្រោយពីចាក់វ៉ាក់សាំងចិន គឺជាការមិនពិតនិងញុះញង់ធ្វើឲ្យមានការភ័ន្តច្រឡំ។
យោងតាមលិខិតបដិសេធ របស់នាយកដ្ឋានសន្តិសុខផ្ទៃក្នុងនៅថ្ងៃទី២៨ ខែកុម្ភៈ បានឲ្យដឹងថា កាលពី ថ្ងៃទី២៧ ខែកុម្ភៈ ឆ្នាំ២០២១មានគណនីហ្វេសប៊ុកឈ្មោះ “Chhun Vean II“ បានបង្ហោះព័ត៌មានដោយមានខ្លឹមសារថា “មន្ត្រីនគរបាលក្រសួងមហាផ្ទៃម្នាក់ធ្លាក់ខ្លួនពិការ ក្រោយពីចាក់វ៉ាក់សាំងចិន។ ដោយភ្ជាប់នូវរូបភាពនិងវីដេអូ ផ្សេងៗ។ជាមួយគ្នានេះ នាយកដ្ឋានសន្តិសុខផ្ទៃក្នុងបានធ្វើការបដិសេធខ្លឹមសារដែលបានបង្ហោះខាងលើទាំងស្រុងនិងសូមបញ្ជាក់ជូនសាធារណជន មេត្តាជ្រាបថា៖ លោកឧត្ដមសេនីយ៍ត្រីជា ឧត្ដម បម្រើការងារនៅក្នុងនាយដ្ឋានសន្តិសុខផ្ទៃក្នុងមានជំងឺគៀបសរសៃប្រាសាទឆ្អឹងខ្នង (Hernir Crural)និងលើសអាស៊ីដធ្ងន់ធ្ងរជាយូរមកហើយ និងថ្មីៗនេះបានបណ្ដាលឲ្យប៉ះពាល់សរីរាង្គផ្នែកខាងក្រោមចង្កេះធ្វើឲ្យជើងទាំងពីរស្ពឹកទន់ដើរពុំរួច។
ដោយមានការយកចិត្តទុកដាក់ កាលពីថ្ងៃទី២៧ ខែកុម្ភៈ ឆ្នាំ២០២១ថ្នាក់ដឹកនាំនាយកដ្ឋាន បានពាំនាំយកថវិកា និងសម្ភារៈមួយចំនួនទៅសួរសុខទុក្ខនិងផ្ដល់ជូន ប៉ុន្តែបែរជាមានជនខិលខូចមួយចំនួន ក្នុងនោះមានគណនីហ្វេសប៊ុកឈ្មោះ “Chhun Vean II“ បានយកព័ត៌មាននេះទៅផ្សព្វផ្សាយខុសការពិតទៅវិញ។ សូមបញ្ជាក់ថា លោកឧត្ដមសេនីយ៍ត្រី ជា ឧត្ដម ពុំដែលបានទទួលការចាក់វ៉ាក់សាំងកូវីដ-១៩ទេ និងពុំមានលក្ខខណ្ឌគ្រប់គ្រាន់តាមការណែនាំរបស់ក្រសួងសុខាភិបាល(មានជំងឺប្រចាំកាយ (ការចាក់វ៉ាក់សាំងកូវីដ-១៩ដែរ។
នាយកដ្ឋានសន្តិសុខផ្ទៃក្នុងបានថ្កោលទោសចំពោះការបង្ហោះព័ត៌មានដែលមានចរិតញុះញង់ខុសការពិតនេះ និងតម្រូវឲ្យម្ចាស់គណនីខាងលើធ្វើការកែតម្រូវនិងសុំទោសជាសាធារណៈ។ បើមិនដូច្នោះទេយើងនឹងចាត់វិធានការតាមផ្លូវច្បាប់ជាធរមាន៕
អត្ថបទ៖សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ