ព័ត៌មានជាតិ

ចាក់វ៉ាក់សាំងកូវីដ១៩ ដល់កម្លាំងបណ្តាអង្គភាពទាំង៤ចំនួន១.៧៦១នាក់ នៅក្រុងប៉ោយប៉ែត

បានផុស

៣ years មុន

នៅ

ថ្ងៃចន្ទ ១ មីនា ២០២១

ដោយ

នៅព្រឹកថ្ងៃទី១ ខែមីនា ឆ្នាំ២០២១នេះ ការចាក់វ៉ាក់សាំងបង្ការកូវីដ១៩ ដល់កម្លាំងបណ្តាអង្គភាពទាំង៤មានចំនួន១.៧៦១នាក់ នៅចំណុចស្ថានីយរថភ្លើង ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដែលក្រសួងសុខាភិបាលផ្ដល់ជូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្តបន្ទាយមានជ័យ បានប្រាប់ឲ្យដឹងថា ការចាត់វ៉ាក់សាំងការពារជំងឺកូវីដ១៩ ដល់បណ្តាអង្គភាពទាំងនោះ មានជាច្រើនពាន់ដូស ហើយក៏ជាយុទ្ធនាការជំហ៊ានទី១ ដែលយើងនឹងចាក់ជូនកងកម្លាំងអាវុធហត្ថ កម្លាំងទិសទី១បន្ទាយមានជ័យ យោធភូមិភាគទី៥ កងទ័ពជើងគោក កម្លាំងតំបន់ប្រតិបត្តិការសឹករងបន្ទាយមានជ័យ និងកម្លាំងនគរបាលវរៈព្រំដែន ទាំងនេះជាអាទិភាពរបស់កងកម្លាំងទាំង៤ស្ថាប័ន ដែលត្រូវទទួលបានជាបន្តបន្ទាប់ ដោយសារកម្លាំងទាំងនេះមានការប្រឈមខ្លាំងក្នុងកិច្ចការ ការពារ និងទប់ស្កាត់ពលករឆ្លងដែនខុសច្បាប់ដើម្បីយកមកធ្វើចត្តាឡីស័កតាមការណែនាំរបស់ក្រសួងសុខាភិបាល ក៏ដូចរាជរដ្ឋាភិបាលផងដែរ៕

អត្ថបទ ៖ វ៉ាន់ ណាង