ព័ត៌មានជាតិ

ឆមាសទី ១ ឆ្នាំនេះ រន្ទះបាញ់ បណ្ដាលឲ្យមនុស្សស្លាប់-របួស ៨១ នាក់ ថយចុះជាងឆ្នាំមុន

បានផុស

២ years មុន

នៅ

ថ្ងៃពុធ ៣ កក្កដា ២០២៤

ដោយ

ក្នុងរយៈពេល ៦ ខែ ឆ្នាំ ២០២៣ នេះ គ្រោះមហន្តរាយធម្មជាតិដោយបាតុភូតរន្ទះបាញ់ បានកើតឡើងជាង ៨០ លើក បណ្ដាលឲ្យមនុស្សស្លាប់-រងរបួសចំនួន ៨១ នាក់ ងាប់គោក្របី ២៦ ក្បាល និងខូចខាតផ្ទះ ២២ ខ្នង មានការថយចុះបើប្រៀបធៀបនឹងរយៈពេល ៦ ខែ ឆ្នាំ ២០២៣ កន្លងទៅ ដែលមានអ្នកស្លាប់-របួសរហូតដល់ ៨៥ នាក់។

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី ០៣ កក្កដា នេះថា រយៈពេល ៦ ខែ ឆ្នាំ ២០២៤ នេះ បាតុភូតរន្ទះបាញ់បានកើតឡើងចំនួន ៨២ លើក បណ្តាលឲ្យខូចខាតផ្ទះ ២២ ខ្នង ស្លាប់មនុស្ស ៤៥ នាក់ និងរបួស ៣៦ នាក់ ព្រមទាំងងាប់គោក្របី ២៦ ក្បាល។

លោកបានបន្តថា ចំនួននេះបើធៀបទៅនឹងរយៈពេល ៦ ខែ ដូចគ្នា កាលពីឆ្នាំ ២០២៣ កន្លងទៅ ឃើញថា មានអ្នកស្លាប់ និងរបួសថយចុះបន្តិច ខណៈ ៦ ខែ ឆ្នាំមុន បាតុភូតរន្ទះបាញ់បានកើតឡើង ៨២ លើក ដូចគ្នា បណ្ដាលឲ្យមនុស្សស្លាប់ ៤៦ នាក់ រងរបួស ៣៩ នាក់ ងាប់គោក្របី ៧១ ក្បាល និងខូចខាតផ្ទះ ៥ ខ្នង។

លោក សុទ្ធ គឹមកុលមុនី បានអំពាវនាវដល់ប្រជាពលរដ្ឋ ត្រូវបង្កើនការប្រុងប្រយ័ត្នខ្ពស់ចំពោះបាតុភូតរន្ទះទាំងអស់គ្នានៅក្នុងរដូវភ្លៀងនេះ ដើម្បីកាត់បន្ថយការរងគ្រោះ និងស្លាប់ ដោយសារបាតុភូតធម្មជាតិនេះ។

លោកបានមានប្រសាសន៍ថា ក្នុងការទប់ស្កាត់បញ្ហារន្ទះបាញ់នេះ គណៈកម្មាធិការជាតិគ្រប់គ្រងគ្រោះមហន្តរាយ គ្រោងនឹងរៀបចំបំពាក់ឧបករណ៍ការពាររន្ទះនៅតាមតំបន់ប្រឈមមួយចំនួនដែលតែងតែកើតមាននូវបាតុភូតរន្ទះញឹកញាប់ ដើម្បីទប់ស្កាត់កុំឲ្យមនុស្សសត្វរងរបួសស្លាប់ជាបន្តទៀត ពិសេសបំពាក់នៅខេត្តចំនួន ៣ មុនគេ ដែលមានករណីរងគ្រោះច្រើនជាងគេរួមមាន ៖ ខេត្តសៀមរាប ពោធិ៍សាត់ និងខេត្តបាត់ដំបង។ ប៉ុន្តែមុននឹងឈានទៅបំពាក់ឧបករណ៍ការពាររន្ទះនេះ គណៈកម្មការជាតិគ្រោះមហន្តរាយ ត្រូវរៀបចំផែនការឲ្យបានច្បាស់លាស់ ពិសេសស្វែងរកថវិកាពីដៃគូ ក៏ដូចជាស្នើសុំថវិកាពីរាជរដ្ឋាភិបាលក្នុងការទិញឧបករណ៍ទាំងនោះ៕

អត្ថបទ ៖ សំអឿន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:រន្ទះបាញ់លោក សុទ្ធ គឹមកុលមុនី

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា