Connect with us

ព័ត៌មានជាតិ

កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ

បានផុស

នៅ

កូនប្រុសលោកឧត្តមសេនីយ៍ឯក រ័ត្ន ស្រ៊ាង គឺលោកវរសេនីយ៍ឯក សៀ ទីន ត្រូវបានតែងតាំងមុខតំណែងជាមេបញ្ជាការរងកងរាជអាវុធហត្ថរាជធានីភ្នំពេញ បន្ថែមពីលើតួនាទីបច្ចុប្បន្នជានាយសេធិការ។ ក្រៅពីលោកវរសេនីយ៍ឯក សៀ ទីន ក៏មានមន្ត្រីកងរាជអាវុធហត្ថតាមរាជធានី-ខេត្តចំនួន១៨រូបផ្សេងទៀត ត្រូវបានផ្ទេរ និងតែងតាំងមុខតំណែង និងតួនាទីថ្មីដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីសម្រេចរបស់លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ចុះថ្ងៃទី២ ខែកក្កដា ឆ្នាំ២០២៤ បានសម្រេចតែងតាំងលោកវរសេនីយ៍ឯក សៀ ទីន អត្តលេខ ០៩៤៩០០ ជាមេបញ្ជាការរង និងជានាយសេនាធិការបញ្ជាការដ្ឋានកងរាជអាវុធហត្ថរាជធានីភ្នំពេញ។

ជាការកត់សម្គាល់ លោកវរសេនីយ៍ឯក សៀ ទីន បានចូលបម្រើការងារនៅក្របខ័ណ្ឌកងរាជអាវុធហត្ថ តាំងពីឆ្នាំ២០០៨ ហើយលោក ជាយុវជនម្នាក់ដែលបានឆ្លងកាត់ការសិក្សា និងបណ្ដុះបណ្ដាលលើជំនាញយោធាទាំងក្នុងប្រទេស និងនៅបរទេស ជាអាទិ៍ បានបញ្ចប់ការសិក្សានៅសាកលវិទ្យាល័យការពារជាតិ ឫស្សីកែវ សាលាបណ្ឌិតសភាយោធាអូស្ត្រាលី វគ្គបញ្ជាការសេនាធិការ ពីប្រទេសសិង្ហបុរី  និងបញ្ចប់សិក្សាថ្នាក់បរិញ្ញាបត្រជាន់ខ្ពស់ផ្នែកគោលនយោបាយសាធារណៈ និងអភិបាលកិច្ច ពីប្រទេសអូស្ត្រាលីថែមទៀត។

លោកវរសេនីយ៍ឯក សៀ ទីន តែងបានយកចំណេះជំនាញដែលខ្លួនបានរៀនមកចែករំលែកដល់មន្ត្រីដទៃទៀត ដើម្បីចូលរួមអភិវឌ្ឍអង្គភាព អភិវឌ្ឍប្រទេសជាតិ និងការពាសន្តិសុខ សុវត្ថិភាពជូនប្រជាពលរដ្ឋ ហើយជាញឹកញាប់ ក្នុងនាមជានាយសេនាធិការនៃកងរាជអាវុធហត្ថរាជធានីភ្នំពេញ លោកវរសេនីយ៍ឯក សៀ ទីន តែងតែបានដឹកនាំកម្លាំងដោយផ្ទាល់ក្នុងការចុះបង្ក្រាបក្រុមជនល្មើសក្នុងបទល្មើសធំៗជាច្រើននៅក្នុងរាជធានីភ្នំពេញ ជាមួយឳពុករបស់លោក គឺឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ។

ក្រៅពីការតែងតាំងមុខតំណែងលោក សៀ ទីន ជាមេបញ្ជាការរងកងរាជធអាវុធហត្ថរាជធានីភ្នំពេញ, លោកឧបនាយករដ្ឋមន្រ្តី ទៀ សីហា រដ្ឋមន្រ្តីក្រសួងការពារជាតិ ក៏បានសម្រេចផ្ទេរ និងតែងតាំងមន្រ្តីកងរាជអាវុធហត្ថតាមរាជធានី-ខេត្តចំនួន ១៨រូបផ្សេងទៀត ក្នុងនោះឧត្តមសេនីយ៍ទោ លឹម ម៉ន នាយសេនាធិការកងរាជអាវុធហត្ថលើផ្ទៃប្រទេស ត្រូវបានផ្ទេរមកជាសមាជិកក្រុមការងារស្រាវជ្រាវយុទ្ធសាស្ត្រយោធា ខណៈមន្រ្តីអាវុធហត្ថខ្លះ ត្រូវតែងតាំងមេបញ្ជាការរង និងជានាយសេនាធិការកងរាជអាវុធហត្ថតាមខេត្តមួយចំនួន និងមេបញ្ជាការរងអាវុធហត្ថខេត្តខ្លះទៀត ត្រូវបានផ្ទេរចេញទៅខេត្តផ្សេង៕

អត្ថបទ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤១ នាទី មុន

គណៈគ្រប់គ្រងវិទ្យាល័យ ហ៊ុន សែន ឈូក ដាក់ផែនការហាមសិស្សមិនឲ្យប្រើទូរស័ព្ទក្នុងម៉ោងសិក្សា ឬនៅក្នុងបរិវេណសាលា

ព័ត៌មានជាតិ៥០ នាទី មុន

ក្រសួងការពារជាតិ៖ ឧទ្ធម្ភាគចក្រ១គ្រឿង បាត់ដានចេញពីរ៉ាដា នៅតំបន់ជួរភ្នំក្រវាញ

ព័ត៌មានជាតិ១ ម៉ោង មុន

ប្រធានសហភាពពលកម្មជាតិកម្ពុជាបង្ហាញសក្ខីភាពនៃអត្ថប្រយោជន៍ ប ស ស ដែលរដ្ឋាភិបាលផ្តល់ជូនកម្មករ

សន្តិសុខសង្គម១ ម៉ោង មុន

ផ្លូវបេតុងឆ្អឹងដែកប្រវែង៨៦១ម៉ែត្រក្នុងភូមិព្រៃទា១ ត្រូវបានស្ថាបនារួចរាល់១០០​ភាគ​រយ​

ព័ត៌មានជាតិ១ ម៉ោង មុន

គ្រឹះស្ថានសាសនាខេត្តកំពត ត្រៀមរួចរាល់ដើម្បីអបអរសាទរពិធីបើកការដ្ឋានគម្រោងព្រែក​ជីកហ្វូណនតេជោ

Sokha Hotels

ព័ត៌មានពេញនិយម