Connect with us

ព័ត៌មានជាតិ

ទៅពិព័រណ៍ «ពន្លក​បៃតង» មុខ​ក្រសួង​បរិស្ថាន ដឹង​មាន​ដើមឈើ​ហូប​ផ្លែ ដើមឈើ​ប្រណិត​ណា​ខ្លះ​ចែក​ដល់​អ្នក​ចូលរួម?

បានផុស

នៅ

​ពិព័រណ៍​ «ពន្លក​បៃតង» និងវេទិកាកេសរកូលជាតិលើកទី ៤ រយៈពេល ៣ ថ្ងៃ​ នៅ​មុខ​ទីស្តីការក្រសួង​បរិស្ថាន អ្នកចូលរួមនឹង​ទទួល​បាន​ការ​ចែក​ជូន​កូន​ឈើ​យក​ទៅ​ដាំ​ដោយ​ឥត​គិត​ថ្លៃ ដែល​មាន​កូនឈើ​រាប់​សិប​ប្រភេទ​មាន​ទាំង​ឈើ​ហូប​ផ្លែ ឈើ​ប្រណិត កូន​ឈើ​​ព្រៃ​លិច​ទឹក និង​ឈើ​លម្អ​សរុប​ជាង ៤ ម៉ឺន​ដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ខ្វៃ អាទិត្យា អនុរដ្ឋលេខាធិការ និង​មន្រ្តី​អ្នកនាំពាក្យ​ក្រសួង​បរិស្ថាន​បាន​ឲ្យ​កម្ពុជា​ថ្មី​ដឹង​ថា កូនឈើ​ដែល​ចែក​ដល់​អ្នក​ចូល​រួម​ក្នុង​ពិព័រណ៍​រយៈពេល ៣ ថ្ងៃ​នៅ​មុខ​ក្រសួង​បរិស្ថាន​សរុប​មាន​ជាង ៤ ម៉ឺន​ដើម ដែល​បែងចែក​ជា ៤ ប្រភេទ​ខុសៗ​គ្នា​មាន​ឈើ​ហូប​ផ្លែ ឈើ​ប្រណិត កូនឈើ​ព្រៃ​លិច​ទឹក និង​ឈើ​លម្អ។

​កូនឈើ​ទាំង ៤ ប្រភេទ​ ដែល​ចែក​ដល់​អ្នក​ចូលរួម​តាម​ស្តង់​ពិព័រណ៍​ពី​មន្ទីរ​បរិស្ថាន​ទាំង ២៥ រាជធានី​ខេត្តមាន៖

-ឈើ​ប្រណិត​មាន​ ១១ ប្រភេទ៖ ធ្នង់ បេង នាងនួន ក្រញូង កកោះ គគីរ ឈើទាល ច្រេស ខ្លឹមចន្ទន៍ ផ្ដៀក ជើង​គោ។
-ឈើ​ហូប​ផ្លែ​មាន ១៣ ប្រភេទ៖ ខ្នុរ អំពិលទឹក ព្រីង គូលែន អំពិល​ជូ អំពិល​ផ្អែម ត្នោត សំរ៉ង សណ្តាន់ ស្វាយ​ចន្ទី ម្តេញ ប័រ ល្មើរ។
-កូនឈើ​ព្រៃលិច​ទឹក​មាន ១ ប្រភេទ៖ រាំង​ទឹក
-ឈើ​លម្អ​មាន ១៧ ប្រភេទ៖ ក្ងោក ឆត្រ​តៃវ៉ាន់ អង្គារសីល លឿងរាជ ត្របែកព្រៃ សាគូរ៉ា ចាន់គីរី បូព្រឹក គីនិន ស្លារលំអ ឥន្ធនេល ផ្កា​ភួងម៉ាឡៃ រំយោល​មាស ផ្កា​ភូម៉ារ៉ាស់ ផ្កា​ត្រែពណ៌​ ឆ័ត្រ​ទេស ផ្កា​ម៉ោង ១០។

តាម​ស្តង់​នីមួយ​ៗមាន​ការ​កំណត់​ និង​បែក​ចែក​កូន​ឈើ​តាម​​ប្រភេទ​ខុសៗ​គ្នា។ ​ដូចជា​ស្តង់​ខេត្ត​មណ្ឌលគីរី ដែល​ក្រុម​ការងារ​កម្ពុជា​ថ្មី​បាន​ទៅ​ចូលរួម​ផ្ទាល់​កាល​ពី​ម្សិលមិញមាន​ចែក​កូន​ឈើ ៤ ប្រភេទ​ដូចជា ធ្នង់ បេង ឈើ​ទាល និង​កកោះ ដែល​សុទ្ធ​តែ​ជា​ប្រភេទ​ឈើ​ប្រណិត​។ ដោយឡែក​នៅ​ស្តង់​ខេត្ត​រតនគីរី​មាន​ចែក​ទាំង​ប្រភេទ​ឈើ​ប្រណិត​ និង​ឈើ​ហូប​ផ្លែ​ដែល​មាន​សរុប ៦ ប្រភេទ​មាន​ បេង គគីរ ក្រញូង ឈើទាល ប័រ និង​ខ្នុរ។

​ទាក់ទង​ការ​គ្រប់គ្រង​ការ​ចែក​កូនឈើ​ដល់​អ្នក​ចូលរួម គឺ​មាន​ប្រព័ន្ធ​តាម​ដាន​ទិន្នន័យ​ដែល​អាច​ធានា​បាន​ថា​ អ្នក​ចូលរួម​នឹង​ទទួល​បាន​កូនឈើ​គ្រប់​ចំនួន មិន​អាច​លើស​គោលការណ៍​កំណត់។

បើ​តាម​មន្រ្តី​មន្ទីរ​បរិស្ថានដែលប្រចាំការ​​នៅ​ស្តង់​ខេត្ត​រតនគិរី​បាន​បញ្ជាក់​ថា ដើម្បី​គ្រប់គ្រង​ការ​ចែក​កូនឈើ​ឲ្យ​មាន​ប្រសិទ្ធភាព គឺ​មាន​ប្រព័ន្ធ​គ្រប់គ្រង​មួយ​តាម​រយៈ App ដែល​ព័ត៌មាន​អាច​ចែក​រំលែក​ពី​ស្តង់​មួយ​ទៅ​ស្តង់​មួយ​សម្រាប់​គ្រប់គ្រង​លំហូរ​នៃ​អ្នក​ចូលរួម​ដែល​ទទួល​បាន​កូនឈើ​យក​ទៅ​ដាំ។

នៅ​ពេលក្រុមការងារ​កម្ពុជាថ្មីបាន​ទៅ​ចូលស្តង់​ខេត្ត​មណ្ឌលគិរី ​មន្រ្តីប្រចាំការ​តម្រូវ​​​ឲ្យបំពេញ​ឈ្មោះ​ដោយ​ស្កេន QR Code ហើយ​មន្រ្តី​នឹង​ចុះឈ្មោះ​ដើម្បី​បាន​កូន​ឈើ​ផ្សេងៗ​។

បើ​តាម​មន្រ្តី​នៅ​ស្តង់​ពិព័រណ៌​បាន​បញ្ជាក់​ថា កូនឈើ​​ចែក​ដល់​អ្នក​ចូលរួមក្នុង​​​ម្នាក់​ទទួល​បាន​កូនឈើ ១០ ដើម​សម្រាប់​មួយ​ប្រភេទ។ បានន័យ​ថា បើ​កូន​ឈើ​មាន​ ១០ ប្រភេទ (ដូចជា​បេង ធ្នង់ កកោះ ប័រ ខ្នុរ អី​ជាដើម) អ្នក​ចូលរួម​​ទទួល​បានកូនឈើ ១ មុខ​ ១០ ដើម បើយកពីរមុខ​បាន ២០ ដើម បើ​យក ៣ មុខ បាន​ ៣០ ដើម អាស្រ័យ​តាមប្រភេទ​កូនឈើ​​ដែល​ចង់បាន។

«ពិព័រណ៍ផ្សព្វផ្សាយ និងចែកកូនឈើក្រោមមូលបទ «ពន្លកបៃតង» និងវេទិកាកេសរកូលជាតិលើក​ទី៤ ធ្វើ​ឡើង​រយៈពេល ៣ ថ្ងៃ ពោលចាប់ពីថ្ងៃទី ១០ ដល់ថ្ងៃទី១២ ខែ​កក្កដា ឆ្នាំ២០២៤ នៅ​មុខ​ទីស្តីការ​ក្រសួងបរិស្ថាន។ ពិព័រណ៍នេះ​មានការ​ចែក​ជូន​កូន​ឈើ​ដល់​អ្នក​ចូល​រួម​ដោយ​ឥត​គិត​ថ្លៃដែល​មាន​ទាំង​ប្រភេទ​ឈើ​ប្រណិត ឈើ​ហូប​ផ្លែ កូន​ឈើ​ព្រៃ​លិច​ទឹក និង​ឈើ​លម្អ​សរុប​ជាង ៤ ម៉ឺន​ដើម៕

បន្ត​ចុចអាន៖ ឯកឧត្តម​ ហ៊ុន ម៉ានី ហៅ​ពិព័រណ៍​ «ពន្លក​បៃតង» ជាព្រឹត្តិការណ៍ប្រវត្តិសាស្រ្ត​ បណ្តុះផ្នត់គំនិត​ពលរដ្ឋកម្ពុជាគ្រប់វ័យ​ឱ្យស្រលាញ់ដើមឈើ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

សម្ដេច ហ៊ុន សែន «បើគ្មានសន្តិភាព គឺគ្មានទេលទ្ធិប្រជាធិបតេយ្យ និងសិទ្ធិមនុស្ស»

ព័ត៌មានជាតិ៣០ នាទី មុន

ក្រសួងវប្បធម៌ រៀបចំវគ្គបណ្តុះបណ្តាលគ្រូបង្គោល ដើម្បីសហគមន៍គ្មានគ្រឿងញៀន

សន្តិសុខសង្គម៣៧ នាទី មុន

ពលរដ្ឋរស់នៅក្នុងភូមិម័ល សង្កាត់ដង្កោ ត្អូញត្អែរ រឿងរោងចក្រចំនួនពីរបញ្ចេញផ្សែងពុលប៉ះពាល់សុខភាព និងបំពុលបរិស្ថាន

ព័ត៌មានជាតិ៤៤ នាទី មុន

ប.ស.ស ផ្សព្វផ្សាយរបបសន្តិសុខសង្គមសម្រាប់អ្នកក្នុងបន្ទុក​សមាជិក ប.ស.ស ជាមន្ត្រីសាធារណៈដល់មន្ត្រីរាជការខេត្តរតនគិរី

ព័ត៌មានអន្ដរជាតិ៤៥ នាទី មុន

អាមេរិក-កូរ៉េខាងត្បូង ប្រកាសធ្វើសមយុទ្ធនុយក្លេអ៊ែរ ខណៈ រុស្ស៊ី-ចិន ក៏កំពុងបង្ហាញសាច់ដុំនៅដែនសមុទ្រ

ព័ត៌មានជាតិ២០ ម៉ោង មុន

សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ

ព័ត៌មានជាតិ២៣ ម៉ោង មុន

បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល

ព័ត៌មានជាតិ៩ ម៉ោង មុន

អ្នកឧកញ៉ា ឡេង ណាវ៉ាត្រា គោរពអរគុណនាយក​ទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )

ព័ត៌មានជាតិ១៨ ម៉ោង មុន

លោក ផន ផល្លា បដិសេធថា មិនត្រូវបានសមត្ថកិច្ចហៅទៅ «អប់រំ»ទេ តែអាជ្ញាធរប្រកាសថាបាន«អប់រំ» និងឳ្យធ្វើ«កិច្ចសន្យា»

ព័ត៌មានជាតិ២២ ម៉ោង មុន

ប្រុងប្រយ័ត្ន! ពីថ្ងៃទី១៥ ដល់ ១៨ ខែកក្កដា  កម្ពុជា នឹងមានភ្លៀង ផ្គរ រន្ទះ ខ្យល់ខ្លាំង

Sokha Hotels

ព័ត៌មានពេញនិយម