ព័ត៌មានជាតិ

រដ្ឋបាលខណ្ឌឫស្សីកែវ បញ្ចេញគ្រឿងចក្រចុះស្តារព្រែកជិត ១០០ ម៉ែត្រ ជាប់សាលារៀន ការពារជន់លិចពេលភ្លៀងធ្លាក់

បានផុស

១២ ខែ មុន

នៅ

ថ្ងៃព្រហស្បតិ៍ ៨ សីហា ២០២៤

ដោយ

អ៊ិន ពិសី

រដ្ឋបាលខណ្ឌឫស្សីកែវ បន្តយកចិត្តទុកដាក់ ស្តារអូរព្រែក នៅតាមបណ្ដាសាលារៀន ដែលធ្លាប់ជន់លិចពេលមានភ្លៀងធ្លាក់រាល់ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីរសៀលថ្ងៃទី ៧ ខែសីហា ឆ្នាំ ២០២៤ លោក ជិន ប៊ុនធឿន អភិបាលខណ្ឌឫស្សីកែវ បានបញ្ជាឲ្យកម្លាំងជំនាញខណ្ឌ យកគ្រឿងចក្រអេស្ការវ៉ាទ័រ សាស័រ ដោយធ្វើការសហការជាមួយកម្លាំងសង្កាត់ស្វាយប៉ាក និងលោកគ្រូនាយកសាលាវិទ្យាល័យ ជា ស៊ីម ចំរើនរដ្ឋ ស្ថិតក្នុងភូមិស្វាយប៉ាក សង្កាត់ស្វាយប៉ាក បានចាប់ផ្ដើមស្តារប្រឡាយមួយខ្សែប្រវែងជិត ១០០ ម៉ែត្រ ដែលមានកាកសំណល់កម្ទេចកំទី រឹងៗ ក៏ដូចជាភក់ជាដើម រាំងស្ទះចរន្តប្រព័ន្ធលំហូរទឹកលូ ចេញពីក្នុងសាលារៀន ដើម្បីរំដោះឲ្យហូរទៅប្រឡាយធំបានលឿនឆាប់រហ័សជាងមុន។

ជាមួយគ្នានេះដែរ លោកអភិបាលខណ្ឌ ក៏បានសំណូមពរម្តងហើយ ម្តងទៀត សូមមេត្តាប្រជាពលរដ្ឋទាំងអស់ យោគយល់ និងអធ្យាស្រ័យ លោកនឹងបន្តចុះស្តារប្រឡាយអូរព្រែក ដែលមានក្នុងមូលដ្ឋានឲ្យបានលឿន ជៀសវាងពេលភ្លៀងមកម្តងៗ លិចលង់ដល់ខ្នងផ្ទះពលរដ្ឋ ពិបាករស់នៅ៕

អត្ថបទ ៖ រដ្ឋា